Bæjarráð - 3468

Halla Björk Reynisdóttir formaður framkvæmdaráðs og Helgi Már Pálsson bæjartæknifræðingur mættu á fund bæjarráðs undir þessum lið og fóru yfir rekstrarstöðu frá janúar til júní 2015 og horfur í málaflokknum.

Einnig sat Dan Jens Brynjarsson fjármálastjóri fundinn undir þessum lið.

Bæjarráð þakkar yfirferðina.

Lagt fram til kynningar yfirlit um rekstur aðalsjóðs frá janúar til júní 2015.

Dan Jens Brynjarsson fjármálastjóri sat fund bæjarráðs undir þessum lið.

Lagt fram erindi dagsett 25. júní 2015 frá Gunnari Inga Birgissyni bæjarstjóra Fjallabyggðar er varðar húsaleigugreiðslur vegna Menntaskólans á Tröllaskaga.

Dan Jens Brynjarsson fjármálastjóri og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð hafnar erindinu og felur bæjarstjóra að svara bréfritara.

Ræddar hugmyndir um úttekt á stjórnsýslu og rekstri Akureyrarbæjar.

9. liður í fundargerð skipulagsnefndar dagsett 8. júlí 2015:

Erindi dagsett 7. maí 2015 þar sem Ágúst Hafsteinsson f.h. Bókhalds og ráðgjafar Auditor ehf, kt. 440302-3270, sækir um stækkun byggingarreits á lóð nr. 21 við Krókeyrarnöf.

Innkominn breytingaruppdráttur dagsettur 27. maí 2015 eftir Ágúst Hafsteinsson frá Formi ehf.

Erindið var grenndarkynnt frá 3. júní til 1. júlí 2015.

Ein athugasemd barst og ein fyrirspurn.

Evert Sveinbjörn Magnússon og Hugrún Stefánsdóttir, dagsett 15. júní 2015.

Athugasemd er gerð við skjólvegg á útisvæði og farið fram á að hann verði ekki hærri en 90 cm.

Fyrirspurn móttekin 18. júní 2015 frá Brynjari Bragasyni og Höllu B. Halldórsdóttur, Krókeyrarnöf 16.

Bent er á að framkvæmt hefur verið norðan við húsið sem er ekki í samræmi við samþykktar teikningar.

Spurt er hvað má veggur norðan húss vera hár skv. byggingarreglugerð og hver er heimild þeirra í Krókeyrarnöf 16 til þess að óska eftir hæðarmörkum á veggnum.



Svör við athugasemdum:

Útsendir uppdrættir eru til upplýsingar um það hvernig byggingin kæmi til með að líta út eftir þær breytingar sem sótt er um. Því geta uppdrættir í sumum tilvika verið í ósamræmi við samþykkta aðaluppdrætti. Ef tekið verður jákvætt í breytinguna mun verða sótt um byggingarleyfi vegna breytinga í samræmi við framlagðar tillögur.

Samkvæmt 2.3.5. gr. byggingarreglugerðar er heimilt að hafa skjólveggi innan lóðar allt að 180 cm án þess að sótt sé sérstaklega um byggingarleyfi. Skipulagsnefnd telur því ekki rétt að setja sérstaka skilmála á lóðina við Krókeyrarnöf 21 umfram aðrar lóðir.



Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar.

Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 2. júní 2015.

Bæjarráð samþykkir tillögu skipulagsnefndar.

1. liður í fundargerð skipulagsnefndar dagsett 8. júlí 2015:

Tekið fyrir að nýju í framhaldi af fundi þann 16. júní 2015 með fulltrúum Umhverfisstofnunar og umhverfis- og auðlindaráðuneytisins, þar sem óskað var eftir að gerðar yrðu breytingar á orðalagi á 2. gr., 5. gr. og 7. gr. tillögu um fólkvang á Glerárdal.



Skipulagsnefnd gerir tvær orðalagsbreytingar við tillögu Umhverfisstofnunar og umhverfis- og auðlindaráðuneytisins á breytingum á skilmálatexta fólkvangsins.

Afgreiðslu breytingartillögunnar þannig breyttri er vísað til bæjarstjórnar.

Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 2. júní 2015.

Bæjarráð frestar afgreiðslu.

Margrét Kristín Helgadóttir Æ-lista vék af fundi kl. 12:20.