Bæjarráð - 3481

Lagt fram til kynningar yfirlit um rekstur aðalsjóðs frá janúar til september 2015.

Dan Jens Brynjarsson fjármálastjóri sat fund bæjarráðs undir þessum lið.

Lagður fram viðauki nr. 6, dagsettur 3. nóvember 2015.

Dan Jens Brynjarsson fjármálastjóri sat fund bæjarráðs undir þessum lið.

Bæjarráð samþykkir framlagðan viðauka og vísar honum til staðfestingar í bæjarstjórn.

Unnið að gerð fjárhagsáætlunar.

Soffía Vagnsdóttir fræðslustjóri, Árni Konráð Bjarnason rekstrarstjóri skóladeildar og Dan Jens Brynjarsson fjármálastjóri sátu fund bæjarráðs undir þessum lið.

Eva Hrund Einarsdóttir D-lista og Margrét Kristín Helgadóttir Æ-lista óska bókað:

Við leggjum til að lóðin við Naustaskóla verði sett inn á fjárhagsáætlun 2016. Það getur ekki verið gott fordæmi sem Akureyrarbær sýnir ef lóðarframkvæmdum við skólann er enn og aftur slegið á frest.

Lagðar fram fundargerðir viðtalstíma bæjarfulltrúa dagsettar 27. og 29. október 2015.

Bæjarráð vísar 1. lið í fundargerð dagsettri 27. október til framkvæmdadeildar, 2. lið til verkefnastjóra brothættra byggða, 3. lið til Fasteigna Akureyrarbæjar og 4. liður er lagður fram til kynningar í bæjarráði.

Bæjarráð vísar 1. lið a), 4. og 8. lið í fundargerð dagsettri 29. október til skipulagsdeildar, 1. lið b), 2., 3. og 9. lið til framkvæmdadeildar, 6. lið til bæjarstjóra, 5. og 7. liður eru lagðir fram til kynningar í bæjarráði.

Lögð fram fundargerð 21. fundar hverfisráðs Grímseyjar dagsett 2. september 2015. Fundargerðina má finna á netslóðinni:

http://www.akureyri.is/is/stjornkerfid/hverfisnefndir/grimsey/fundargerdir

Bæjarráð vísar 1., 2. og 4. lið til framkvæmdadeildar og 3. og 5. lið til Fasteigna Akureyrarbæjar.

Lagðar fram fundargerðir 68. fundar og aðalfundar hverfisnefndar Naustahverfis dagsettar 22. september og 15. október 2015.

Fundargerðirnar má finna á netslóðinni: http://www.akureyri.is/is/stjornkerfid/hverfisnefndir/naustahverfi/fundargerdir

Bæjarráð vísar 1. og 3. lið fundargerðar dagsett 22. september 2015 til framkvæmdadeildar, 2. lið til íþróttaráðs, 4. og 5. liður eru lagðir fram til kynningar í bæjarráði.

Fundargerð aðalfundar dagsett 15. október 2015 er lögð fram til kynningar.

Lagt fram til kynningar erindi dagsett 28. október 2015 frá 49. sambandsþingi UMFÍ þar sem bæjarstjórn Akureyrar er þakkað fyrir góða aðstöðu og móttökur, UFA fyrir góða framkvæmd og glæsilega umgjörð á 18. Unglingalandsmóti UMFÍ svo og sjálfboðaliðum fyrir það mikla sjálfboðaliðastarf sem lagt var fram í tengslum við mótið.