Bæjarráð - 3680

Farið yfir stöðu og viðbragðsáætlanir bæjarins.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð felur sviðsstjóra stjórnsýslusviðs að vinna könnun á mögulegri atvinnuþátttöku í sérstöku sumarátaki ungmenna.

Ásthildur Sturludóttir vék af fundi kl. 08:52.

Lögð fram drög að vinnuferli vegna gerðar fjárhagsáætlunar fyrir árin 2021-2024.

Dan Jens Brynjarsson sviðsstjóri fjársýslusviðs og Kristín Baldvinsdóttir verkefnastjóri sátu fund bæjarráðs undir þessum lið.

Afgreiðslu frestað.

Ásthildur Sturludóttir mætti til fundar að nýju kl. 09:45.
Hilda Jana Gísladóttir vék af fundi kl. 09:46.

Lögð fram ný drög að samkomulagi um nýtt hjúkrunarheimili á Akureyri.

Dan Jens Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð felur bæjarstjóra að ganga til samninga um uppbyggingu á hjúkrunarheimili en ítrekar að Akureyrarbær ætlar ekki að vera rekstraraðili nýs hjúkrunarheimilis.

Kynnt matsgerð vegna skaðabótakröfu.

Inga Þöll Þórgnýsdóttir bæjarlögmaður og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

Bæjarráð felur bæjarlögmanni að afla frekari gagna vegna málsins í samræmi við umræður á fundinum.

Liður 8 í fundargerð stjórnar Akureyrarstofu dagsettri 16. apríl 2020:

Tillaga að gjaldskrá Héraðsskjalasafnsins á Akureyri lögð fram til samþykktar.

Stjórn Akureyrarstofu samþykkir framlagða gjaldskrá með breytingum sem komu fram á fundinum og vísar henni til endanlegrar afgreiðslu í bæjarráði og bæjarstjórn.

Bæjarráð samþykkir framlagða gjaldskrá Héraðsskjalasafnsins á Akureyri og vísar henni til endanlegrar afgreiðslu í bæjarstjórn.

Rætt um styrkveitingu til Björgunarsveitar Hríseyjar.

Bæjarráð Akureyrarbæjar samþykkir að styrkja Björgunarsveit Hríseyjar um 300.000 krónur vegna óeigingjarns starfs sveitarinnar ekki síst í erfiðum aðstæðum á nýliðnum vetri. Bæjarráð þakkar björgunarsveitinni fyrir ómetanlegt framlag í þágu sveitarfélagsins og íbúa þess.

Erindi dagsett 15. apríl 2020 frá Hjalta Þórarinssyni f.h. Markaðsstofu Norðurlands þar sem komið er á framfæri hugmynd um átak í merkingu gönguleiða á Norðurlandi. Sveitarfélagið er beðið um að staðfesta þátttöku í verkefninu fyrir 30. apríl næstkomandi.

Bæjarráð tekur jákvætt í erindið. Stjórn Akureyrarstofu hefur þegar fjallað um átak í merkingu gönguleiða innan bæjarfélagsins og bæjarráð vísar erindinu til Akureyrarstofu til frekari úrvinnslu.

Fylgiskjöl

• Átak í merkingu gönguleiða á Norðurlandi - erindi frá MN 15.04.20.pdf