Bæjarráð - 3850

Rætt um starfsemi Hlíðarfjalls veturinn 2023-2024.

Guðríður Friðriksdóttir sviðsstjóri umhverfis- og mannvirkjasviðs, Brynjar Helgi Ásgeirsson forstöðumaður í Hlíðarfjalli og Jónas Stefánson verkefna- og markaðsstjóri í Hlíðarfjalli sátu fund bæjarráðs undir þessum lið.

Fylgiskjöl

• Kynning - Hlíðarfjall 2024bæjarráð.pdf

Lögð fram drög að samkomulagi Akureyrarbæjar og M og S ehf. varðandi lóðir við Súluveg.

Pétur Ingi Haraldsson skipulagsfulltrúi sat fund bæjarráðs undir þessum lið.

Liður 6 í fundargerð fræðslu- og lýðheilsuráðs dagsettri 13. maí 2024:

Endurskoðaðar hafa verið reglur um leikskólaþjónustu meðal annars m.t.t. nýrrar gjaldskrár og skráningardaga. Endurskoðaðar reglur voru lagðar fyrir fræðslu- og lýðheilsuráð til samþykktar.

Áheyrnarfulltrúar: Anna Lilja Sævarsdóttir fulltrúi leikskólastjóra, Hanna Dóra Markúsdóttir fulltrúi grunnskólakennara, Helga Jónasdóttir fulltrúi foreldra grunnskólabarna, Alexía María Gestsdóttir fulltrúi foreldra leikskólabarna, Jóhanna María Agnarsdóttir fulltrúi grunnskólastjóra, Harpa Hjartardóttir fulltrúi leikskólakennara og París Anna Bergmann Elvarsdóttir fulltrúi ungmennaráðs.

Fræðslu- og lýðheilsuráð samþykkir reglurnar fyrir sitt leyti og vísar þeim áfram til samþykktar í bæjarráði.

Bæjarráð samþykkir með fjórum atkvæðum endurskoðaðar reglur um leikskólaþjónustu og vísar reglunum til umræðu og afgreiðslu í bæjarstjórn.



Hilda Jana Gísladóttir S-lista situr hjá.

Akureyrarbær hlaut endurnýjun á viðurkenningu sem barnvænt sveitarfélag í febrúar sl. Nú liggur fyrir að skipa stýrihóp um áframhaldandi þróun verkefnisins. Stýrihópurinn sér meðal annars um að kortleggja stöðuna í sveitarfélaginu þegar kemur að réttindum barna og ungmenna, útbúa aðgerðaáætlun og fylgja aðgerðum eftir. Óskað er eftir því að bæjarráð tilnefni í stýrihópinn einn fulltrúa frá meirihluta og einn frá minnihluta.

Bæjarráð tilnefnir Heimi Örn Árnason D-lista og Gunnar Má Gunnarsson B-lista í stýrihópinn.

Lagður fram þjónustusamningur milli Akureyrarbæjar og Samtaka sveitarfélaga og atvinnuþróunar á Norðurlandi eystra, SSNE, varðandi Áfangastaðastofu Norðurlands.

Bæjarráð samþykkir þjónustusamninginn.

Fylgiskjöl

• Drög að samningi 2024 MN - Ak.pdf
• Samningur Ferðamálastofu, SSNE og SSNV um Áfangastaða og markaðsstofu Norðurlands 2024.pdf
• samn MN SSNE 24_SSNE.pdf

Lögð fram til kynningar fundargerð 169. fundar hverfisráðs Hríseyjar dagsett 16. maí 2024.

Bæjarráð vísar 3. lið fundargerðar hverfisráðsins til fræðslu- og lýðheilsuráðs.

Fylgiskjöl

• 169. fundur 16. maí 2024.pdf

Lögð fram til kynningar fundargerð 63. fundar stjórnar Samtaka sveitarfélaga og atvinnuþróunar á Norðurlandi eystra sem haldinn var þriðjudaginn 30. apríl 2024 á Teams.

Fylgiskjöl

• Fundargerð 63 fundar (1).pdf

Lagður fram til kynningar ársreikningur Samtaka sjávarútvegssveitarfélaga vegna ársins 2023.

Fylgiskjöl

• DRÖG - Ársreikningur sjávarútvegssveitarfélaga 2023.pdf

Lagt fram til kynningar erindi dagsett 13. maí 2024 frá allsherjar- og menntamálanefnd Alþingis þar sem óskað er umsagnar um frumvarp til laga um lögræðislög (nauðungarvistanir, yfirlögráðendur o.fl.), 925. mál 2024.

Þess er óskað að undirrituð umsögn berist eigi síðar en 27. maí nk. Senda skal umsögn í gegnum umsagnagátt Alþingis: umsagnir.althingi.is.

Verði því ekki við komið er einnig mögulegt að senda umsagnir á umsagnir@althingi.is

Þingskjalið er hægt að sækja á vef Alþingis: https://www.althingi.is/altext/154/s/1370.html

Lagt fram til kynningar erindi dagsett 17. maí 2024 frá umhverfis- og samgöngunefnd Alþingis þar sem óskað er umsagnar um frumvarp til laga um tekjustofna sveitarfélaga (gjaldfrjálsar skólamáltíðir), 1114. mál 2024.

Þess er óskað að undirrituð umsögn berist eigi síðar en 31. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/154/s/1690.html