Öldungaráð - 45

Kristín Jóhannesdóttir sviðsstjóri fræðslu- og lýðheilsusviðs og Karólína Gunnarsdóttir sviðsstjóri velferðasviðs komu og sögðu frá fyrirhuguðu stórþingi eldri borgara í vor og fengu hugmyndir frá öldungaráði.

Hallgrímur Gíslason er skipaður fyrir hönd öldungarráðs í undirbúningsnefnd fyrir stórþing eldri borgara sem er áætlað í maí 2025.

Öryggismál í kjallara Sölku.

Á fundi umhverfis- og mannvirkjaráðs 5. nóvember 2024 var erindi frá öldungaráði, frá 39. fundi ráðsins 18. september 2024, um öryggismál í kjallaranum í Sölku vísað til sviðsstjóra umhverfis- og mannvirkjasviðs, til að vinna málið áfram í samstarfi við fræðslu- og lýðheilsuráð.

Öldungaráð veltir því fyrir sér hvar þetta mál sé statt og hvenær sé von á að viðkomandi úttektum sé lokið.

Birna Guðrún Baldursdóttir forstöðumaður tómstundamála tekur að sér að kanna stöðuna.

Öldungaráð spyr um stöðu á málinu.

Ekkert vitað hvar málið er statt.

Birna Guðrún Baldursdóttir forstöðumaður tómstundamála tekur að sér að kanna málið.

Gjaldskylda á bílastæðum í miðbænum.

Eftirfarandi bókun var samþykkt vegna bílastæðamála:



Talið er að yfir 20% þeirra sem eru 67 ára og eldri séu ekki með snjallsíma. Sum þeirra sem eiga slíka síma nota þá aðeins sem síma, en eru ekki með nein öpp í símunum. Þessum einstaklingum er gert ókleift að leggja bifreið í miðbænum vegna gjaldtöku þar. Það er ekki löglegt að mismuna fólki eftir tæknikunnáttu frekar en öðru. Sú hugmynd hefur því komið upp að þessum einstaklingum verði gert kleift að leggja þar án gjaldtöku.



Hugsanlega er hægt að ákveða hvort viðkomandi eigi rétt á gjaldfrjálsu stæði eða ekki með því að skrá númer á bílum þeirra. Mögulega einnig spjald í glugga, þar sem kemur fram bílnúmer og að ökumaður sé undanþeginn gjaldskyldu. Sekta þyrfti fyrir hugsanlegri misnotkun.

Ályktun EBAK um húsnæðismál lögð fram.

Hallgrímur Gíslason fór yfir ársskýrslu öldungaráðs.