Skipulagsráð - 440

Lögð fram tillaga að breytingu á aðalskipulagi Akureyrar 2018-2030 sem felur í sér stækkun á íþróttasvæði Hlíðarfjalls merkt ÍÞ10 til samræmis við tillögu að breytingu á deiliskipulagi Hlíðarfjalls.

Skipulagsráð leggur til við bæjarstjórn að fyrirliggjandi tillaga að breytingu á aðalskipulagi verði samþykkt. Að mati skipulagsráðs er um óverulega breytingu að ræða skv. 2. mgr. 36. gr. skipulagslaga nr. 123/2010 þar sem hún er ekki líkleg til að hafa mikil áhrif á einstaka aðila eða hafa áhrif á stór svæði.

Fylgiskjöl

• Ask-br-Hlidarfjall_2025-02-20.pdf

Lögð fram tillaga að breytingu á deiliskipulagi Hlíðarfjalls sem felst í að skipulagssvæðið stækkar um 8,6 ha til austurs og bætt er við byggingarreit fyrir sleðabraut frá bílastæði norðan Skíðastaða og niður hlíðina til austurs.

Skipulagsráð frestar afgreiðslu og felur skipulagsfulltrúa að leita eftir umsögn umhverfis- og mannvirkjasviðs, Norðurorku og Minjastofnunar Íslands

Fylgiskjöl

• Hlidarfjall-dsk-br_Sleðabraut-2025-02-21.pdf

Erindi dagsett 20. febrúar 2025 þar sem BB byggingar ehf. sækja um að gera breytingu á deiliskipulagi vegna Laufásgötu 11. Breytingin felur í sér stækkun byggingarreits til norðurs og vesturs.

Skipulagsráð tekur jákvætt í erindið og samþykkir að gerð verði breyting á deiliskipulagi til samræmis. Að mati ráðsins er slík breyting óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt fyrir lóðarhöfum Hjalteyrargötu 10 og Laufásgötu 9. Skipulagsráð samþykkir jafnframt að sett verði kvöð um girðingu á lóðarmörkum.

Fylgiskjöl

• Laufásgata 11 - Afstaða og útlit 19.02.2025.pdf
• Laufásgata 11 - Grunnmyndir og lýsing 19.02.2025.pdf

Erindi dagsett 21. febrúar 2025 þar sem Ómar Ívarsson f.h. Íslenska gámafélagsins ehf. sækir um að breyta deiliskipulagi vegna Ægisness 3. Breytingin felur í sér stækkun á byggingarreit til vesturs.

Skipulagsráð samþykkir að gerð verði breyting á deiliskipulagi til samræmis við erindið með minni háttar breytingu sem varða kvaðir um girðingu á lóðarmörkum í samræmi við gildandi deiliskipulag fyrir Sjafnarnes. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum Sjafnarness 2 og umhverfis- og mannvirkjasviði.



Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Krossaneshagi B-áfangi_Dsk-br_Ægisnes 3_20-02-2025.pdf

Erindi dagsett 17. febrúar 2025 þar sem Arnþór Tryggvason f.h. umhverfis- og mannvirkjasviðs Akureyrar óskar eftir óverulegri deiliskipulagsbreytingu við Eiðsvallagötu 34.

Breytingin felur í sér að byggingarreitur er stækkaður til norðurs til að koma fyrir utanábyggðum lyftustokki.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.



Þórhallur Jónsson D-lista og Helgi Jóhannsson M-lista sitja hjá við atkvæðagreiðslu.

Fylgiskjöl

• DSK Suðurhluta Oddeyrar_01 - TILLAGA - Deiliskipulagsbreyting_250214.pdf

Lögð fram að lokinni grenndarkynningu tillaga að breytingu á deiliskipulagi vegna Eiðsvallagötu 18 ásamt innkominni athugasemd frá þremur grenndarkynningarþegum.

Skipulagsráð frestar afgreiðslu til næsta fundar. Er skipulagsfulltrúa falið að óska eftir viðbrögðum umsækjanda við efni innkominnar athugasemdar.

Fylgiskjöl

• Eiðsvallagata 18 - teikning

Erindi dagsett 20. febrúar 2025 þar sem Haraldur S. Árnason f.h. Valdimars Kristjánssonar óskar eftir stækkun á byggingarreit við Búðasíðu 1 um 2 m til suðvesturs til að hægt sé að byggja við húsið.

Skipulagsráð tekur jákvætt í erindið og samþykkir að tillagan grenndarkynnt skv. 44. gr. laganna. Grenndarkynnt skal fyrir lóðarhöfum Bæjarsíðu 15.



Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Búðasíða 1-skipul.ráð.pdf
• Búðarsíða 1_1302-viðbygging.pdf

Lögð fram að lokinni auglýsingu tillaga að breytingu á gróðurskipulagi ásamt innkominni athugasemd frá íbúum við Jaðarsíðu og umsögn frá Minjastofnun. Er tillagan lögð fram með breytingum til að koma á móts við innkomnar athugasemdir íbúa og umsögn Minjastofnunar.

Í upphafi þessa dagskrárliðar vakti Jana Salóme Ingibjargar Jósepsdóttir V-lista á því athygli að hún teldi sig vanhæfa að fjalla um þennan lið. Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir skipulagsráð og var það samþykkt.

Jana Salóme Ingibjargar Jósepsdóttir vék af fundi undir þessum lið.



Skipulagsráð leggur til við bæjarstjórn að tillaga að breytingu á deiliskipulagi Móahverfis verði samþykkt með breytingum til að koma til móts við innkomnar athugasemdir íbúa og umsögn Minjastofnunar. Skipulagsfulltrúa er falið að undirbúa svör við athugasemdum áður en málið fer í bæjarstjórn.

Akureyrarbær leitaði eftir kauptilboðum í byggingarrétt lóðarinnar Gránufélagsgötu 24. Tilboðsfrestur rann út þann 6. febrúar 2025. Ekkert tilboð barst.

Skipulagsráð samþykkir að auglýsa lóðina lausa til umsóknar með hefðbundnum skilmálum og að gjöld verði til samræmis við nýsamþykkta gjaldskrá. Hlutkesti mun ráða hvaða umsækjandi fær lóðina séu þeir fleiri en einn.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Erindi dagsett 6. febrúar 2025 þar sem Gunnar Berg Haraldsson f.h. Norðurorku ehf. sækir um framkvæmdaleyfi fyrir greftri fyrir veitum í Móasíðu, Miðsíðu og Þverusíðu.

Skipulagsráð samþykkir erindið og felur skipulagsfulltrúa að gefa út framkvæmdaleyfi þegar fullnægjandi gögn hafa borist.



Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Móahverfi veitutengingar 2. áfangi VB048129.pdf
• Verkáætlun Móasíðu, Miðsíða docx.pdf

Lögð fram til kynningar tillaga að afmörkun nýrrar lóðar á svæði sunnan við lóð Kjarnagötu 2 (Bónus). Er tillagan sett fram sem möguleiki á staðsetningu heilsugæslustöðvar ef þær tillögur á staðsetningu sem hafa verið í undirbúningi ganga ekki upp.

Skipulagsráð tekur jákvætt í fyrirliggjandi tillögu og felur skipulagsfulltrúa að hefja vinnu við gerð breytinga á deiliskipulagi svæðisins til samræmis við hana þar sem sérstök áhersla verður lögð á umferðarflæði.

Fylgiskjöl

• 20250107_ Heilsugæsla suður_Kjarnagata 4_1til1000.pdf
• 20250211_ Heilsugæsla suður_Kjarnagata 4_1til1000_Með loftmynd.pdf

Lagt fram til kynningar minnisblað þar sem farið er yfir nokkrar tillögur að staðsetningu húsnæðisúrræða fyrir heimilislaust fólk með fjölþættan vanda.

Skipulagsráð felur skipulagsfulltrúa að hefja skipulagsvinnu í samráði við velferðarsvið og umhverfis- og mannvirkjasvið.

Lögð fram verk- og matslýsing fyrir Kerfisáætlun Landsnets 2025-2034.

Skipulagsráð felur skipulagsfulltrúa að útbúa athugasemd við áætlunina til samræmis við umræður á fundinum.

Fylgiskjöl

• kerfisáætlun 2025-2034 - Verk- og matslýsing.pdf

Lagt fram til kynningar minnisblað um átak í umhverfismálum á iðnaðar- og athafnasvæðum bæjarins sem fyrirhugað er að setja í gang í vor.

Skipulagsráð fagnar því að farið verði í umhverfisátak og hvetur stofnanir, fyrirtæki og aðra hlutaðeigandi til að taka virkan þátt í átakinu með sveitarfélaginu.

Fylgiskjöl

• Minnisblað_tiltekt á lóðum.pdf
• Hvatningarbréf_Þarfnast lóðin þín tiltektar.pdf
• Leiðbeiningar - stöðuleyfi (3).pdf

Katla ehf. byggingarfélag átti hæsta tilboð í lóðina Höfðamóa 10-16 og hefur verið staðfest að hæstbjóðandi vill halda lóðinni. Félagið hefur skilað inn tilskildum gögnum.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.



Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Katla ehf. byggingarfélag átti hæsta tilboð í lóðina Höfðamóa 18-24 og hefur verið staðfest að hæstbjóðandi vill halda lóðinni. Félagið hefur skilað inn tilskildum gögnum.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.



Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Lögð fram til kynningar fundargerð 1004. fundar, dagsett 13. febrúar 2025, með fullnaðarafgreiðslum erinda. Fundargerðin er í 2 liðum og er að finna á heimasíðu Akureyrarbæjar.

Lögð fram til kynningar fundargerð 1005. fundar, dagsett 20. febrúar 2025, með fullnaðarafgreiðslum erinda. Fundargerðin er í 6 liðum og er að finna á heimasíðu Akureyrarbæjar.