Umhverfis- og mannvirkjaráð - 159

Lagt fram minnisblað dagsett 5. apríl 2024 varðandi opnun tilboða í smáverk fyrir Akureyrarbæ fyrir árin 2024-2026.

Umhverfis- og mannvirkjaráð samþykkir að gengið verði til samninga við lægstbjóðendur í hverjum flokki fyrir sig sem standast útboðskröfur í samræmi við meðfylgjandi minnisblað.

Fylgiskjöl

• Smáverk niðurstaða 2024.pdf

Lagt fram minnisblað dagsett 4. apríl 2024 varðandi opnun tilboða í utanhússmálun, múrviðgerðir og sílanburð.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð samþykkir að gengið verði til samninga við lægstbjóðendur í hverjum flokki fyrir sig sem standast útboðskröfur í samræmi við meðfylgjandi minnisblað.

Fylgiskjöl

• Minnisblað - Utanhússmálun og sílanburður 20240404.pdf

Umhverfis- og mannvirkjasvið Akureyrarbæjar fyrir hönd Akureyrarbæjar óskaði eftir tilboðum í stúku og félagsaðstöðu á félagssvæði KA í febrúar 2024. Um er að ræða byggingu stúku og félagsaðstöðu á félagssvæði KA ásamt frágangi á lóð.

Aðeins barst eitt tilboð í verkið frá Húsheild/Hyrnu ehf. að upphæð kr. 2.091.475.435 eða 16,4% yfir kostnaðaráætlun hönnuða. Kostnaðaráætlun fyrir útboðsverk var kr. 1.796.279.102 með aukaverkum og var tilboð um 295 milljónir yfir áætlun.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir, fyrir sitt leyti, að hafna tilboðinu og að gengið verði til samninga við Húsheild/Hyrnu ehf. á grundvelli endurskoðaðs tilboðs og breyttra verkliða með fyrirvara um að þeir standist útboðskröfur. Heildarupphæð verksamnings verður þá kr. 1.892.159.779 eða án aukaverka kr. 1.780.559.779 og vísar niðurstöðu til afgreiðslu í bæjarráði.



Óskar Ingi Sigurðsson B-lista situr hjá við afgreiðslu málsins.

Fylgiskjöl

• Minnisblað - Stúka og félagsaðstaða KA 20240408.pdf

Lagt fram minnisblað dagsett 4. apríl 2024 varðandi opnun tilboða í klórframleiðslukerfi fyrir sundlaugar Akureyrarbæjar.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð frestar ákvörðun til næsta fundar og óskar eftir umsögn frá fræðslu- og lýðheilsuráði hvort setja eigi upp klórframleiðslubúnað í Glerárlaug og sundlauginni í Hrísey.

Lagt fram minnisblað dagsett 4. apríl 2024 varðandi opnun tilboða í fræsingu og yfirlögn malbiks og fræsingu á ýmsum stöðum.

Eiríkur Jónasson verkefnastjóri viðhalds gatna sat fundinn undir þessum lið.

Umhverfis- og mannvirkjaráð samþykkir að gengið verði til samninga við lægstbjóðanda Malbikun Akureyrar um fræsingu og yfirlögn malbiks og fræsingu á ýmsum stöðum.

Fylgiskjöl

• Minnisblað vegna malbiksútboðs 20240404.pdf

Lagt fram minnisblað dagsett 4. apríl 2024 varðandi endurskoðun á hönnun ljóspolla á Leirustíg.

Jónas Valdimarsson verkefnastjóri hönnunar sat fundinn undir þessum lið.

Lagt fram minnisblað dagsett 4. apríl 2024 varðandi grjóthrun við Sandgerðisbót.

Jónas Valdimarsson verkefnastjóri hönnunar sat fundinn undir þessum lið.

Fylgiskjöl

• Minnisblað - Grjóthrun Sandgerðisbót - 20240404.pdf

Lagt fram minnisblað dagsett 8. apríl 2024 varðandi gjaldtöku vegna notkunar salerna í Lystigarðinum á Akureyri.

Umhverfis- og mannvirkjaráð samþykkir að breyta gjaldskrá vegna gjaldtöku á salernum í Lystigarðinum úr 1 evru í 300 kr. frá og með 1. maí 2024 og vísar gjaldskrárbreytingunni til afgreiðslu í bæjarráði.

Fylgiskjöl

• Minnisblað - Gjaldskrá salerni 08042024.pdf