Bæjarráð - 3765

Lagður fram viðauki 2.

Dan Jens Brynjarsson sviðsstjóri fjársýslusviðs, Halla Margrét Tryggvadóttir sviðsstjóri mannauðssviðs og Kristín Baldvinsdóttir forstöðumaður hag- og áætlanagerðar sátu fund bæjarráðs undir þessum lið.

Bæjarráð samþykkir viðauka 2 með fimm samhljóða atkvæðum og vísar honum til staðfestingar í bæjarstjórn.

Ásthildur Sturludóttir mætti til fundar kl. 9:26

<br />

Umfjöllun um tillögu að endurskoðaðri mannauðsstefnu Akureyrarbæjar.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir að vísa mannauðsstefnunni með þeim breytingum sem gerðar voru á fundinum til umræðu og afgreiðslu í bæjarstjórn.

Umfjöllun um reglur um ábyrgðarmörk stjórnenda, kjörinna fulltrúa og nefndarmanna hjá Akureyrarbæ.

Bæjarráð felur bæjarlögmanni að gera tillögur að breytingum á reglunum og leggja fyrir bæjarráð.

Fylgiskjöl

• Reglur um ábyrgðarmörk og starfshætti 2007.pdf

Lögð fram tillaga faghóps um val á bæjarlistamanni Akureyrar 2022.

Almar Alfreðsson verkefnastjóri menningarmála sat fund bæjarráðs undir þessum lið.

Bæjarráð samþykkir fyrirliggjandi tillögu en tilkynnt verður um valið á Vorkomu Akureyrarbæjar á sumardaginn fyrsta.

Lögð fram tillaga um viðurkenningarhafa. Tilgangur með veitingu byggingalistaverðlauna Akureyrar er að vekja athygli á góðri byggingalist, auka þekkingu og skilning á gæðum bygginga og vera þannig hvati til góðra verka.

Almar Alfreðsson verkefnastjóri menningarmála sat fund bæjarráðs undir þessum lið.

Bæjarráð samþykkir fyrirliggjandi tillögu en tilkynnt verður um viðurkenningarhafa á Vorkomu Akureyrarbæjar á sumardaginn fyrsta.

Farið yfir tillögur um veitingu heiðursviðurkenningar Menningarsjóðs en þær eru veittar einstaklingum sem hafa með störfum sínum og verkum lagt mikið til menningar- og félagsstarfs í bænum.

Þórgnýr Dýrfjörð forstöðumaður atvinnu- og menningarmála og Almar Alfreðsson verkefnastjóri menningarmála sátu fund bæjarráðs undir þessum lið.

Bæjarráð samþykkir fyrirliggjandi tillögu en tilkynnt verður um viðurkenningarhafa á Vorkomu Akureyrarbæjar á sumardaginn fyrsta.

Liður 5 í fundargerð listasafnsráðs dagsettri 22. mars 2022:

Kaup á listaverkum fyrir Listasafnið á Akureyri. Þar sem listasafnsráð annast kaup listaverka til Listasafnsins á Akureyri í samræmi við fjárheimildir í fjárhagsáætlun Akureyrarbæjar óskar ráðið eftir afgreiðslu bæjarráðs á umræddum fjárheimildum vegna ársins 2022.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Bæjarráð felur forstöðumanni atvinnu- og menningarmála að vinna drög að samþykkt um listskreytingar og listaverkakaup á vegum Akureyrarbæjar og leggja fyrir bæjarráð.

Erindi dagsett 24. mars 2022 frá Eignarhaldsfélagi Brunabótafélags Íslands (EBÍ) varðandi umsóknir í styrktarsjóð EBÍ 2022. Aðildarsveitarfélag sendir aðeins inn eina umsókn sem skila ber á þar til gerðu eyðublaði. Umsóknir skulu vera vegna sérstakra framfaraverkefna á vegum sveitarfélaganna en ekki vegna almennra rekstrarverkefna þeirra. Vakin er athygli á því að í reglum úthlutunarsjóðs er kveðið á um að sveitarfélag geti að öllu jöfnu ekki fengið úthlutað styrk tvö ár í röð. Umsóknarfrestur er til aprílloka.

Bæjarráð hvetur ráð og svið bæjarins til að skoða verkefni sem falla undir reglur sjóðsins og senda tillögu til bæjarstjóra fyrir 25. apríl nk.

Fylgiskjöl

• Styrktarsjóður EBÍ-Bréf-kynning-2022.pdf

Erindi dagsett 17. mars 2022 frá Sigrúnu Steinarsdóttur Ellertsen fyrir hönd Íslensks handverks þar sem óskað er eftir að Akureyrarbær styrki uppbyggingu starfsemi félagsins í formi húsnæðis eða fjárframlags.

Bæjarráð getur ekki orðið við erindinu.

Fylgiskjöl

• islenskt handverk styrkbeidni.pdf

Aðalfundur Hafnasamlags Norðurlands bs. verður haldinn í hafnarhúsinu við Fiskitanga miðvikudaginn 27. apríl nk. kl 15:00.

Bæjarráð felur bæjarstjóra að fara með umboð Akureyrarbæjar á aðalfundinum.

Fylgiskjöl

• Hafnasamlag Norðurlands - Aðalfundarboð 2022.pdf

Lagt fram til kynningar erindi dagsett 24. mars 2022 frá velferðarnefnd Alþingis þar sem óskað er umsagnar um frumvarp til laga um rafrettur og áfyllingar fyrir rafrettur (nikótínvörur), mál 450 2022.

Þess er óskað að undirrituð umsögn berist eigi síðar en 6. apríl nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/152/s/0649.html

Lagt fram til kynningar erindi dagsett 24. mars 2022 frá velferðarnefnd Alþingis þar sem óskað er umsagnar um tillögu til þingsályktunar um mótun stefnu í aðdraganda aðgerðaráætlunar í heilbrigðisþjónustu við aldraða til ársins 2030, 418. mál 2022. Þess er óskað að undirrituð umsögn berist eigi síðar en 6. apríl nk. á netfangið nefndasvid@althingi.is. Þingskjalið er hægt að sækja á vef Alþingis: https://www.althingi.is/altext/152/s/0597.html