Skipulagsráð - 397

Lögð fram drög að erindisbréfi vegna endurskoðunar Aðalskipulags Akureyrar 2018-2030. Er miðað við að skipaður verði þriggja manna vinnuhópur ásamt starfsmönnum skipulagsfulltrúa sem vinni að tillögu að breytingum á stefnu um íbúðabyggð og atvinnusvæði. Er miðað við að vinnuhópinn skipi tveir fulltrúar meirihluta og einn úr minnihluta.

Skipulagsráð samþykkir að skipa Höllu Björk Reynisdóttur L-lista, Sunnu Hlín Jóhannesdóttur B-lista og Þórhall Jónsson D-lista í vinnuhóp til endurskoðunar Aðalskipulags Akureyrar 2018-2030.

Erindi dagsett 2. janúar 2023 þar sem Helgi Örn Eyþórsson f.h. SS Byggis ehf. sækir um breytingu á Aðalskipulagi Akureyrar 2018-2030 sem felst í stækkun frístundabyggðar til vesturs þannig að allt land umsækjanda verði frístundabyggð.

Erindið var áður á dagskrá skipulagsráðs þann 10. janúar sl. og var afgreiðslu frestað þar til fyrir lægi umsögn Norðurorku um stækkun svæðisins til vesturs.

Jón Hjaltason óflokksbundinn og Sif Jóhannesar Ástudóttir V-lista báru upp vanhæfi við afgreiðslu málsins og var það samþykkt. Véku þau af fundi undir umræðum og við afgreiðslu máls.

Skipulagsráð leggur til við bæjarstjórn að gerð verði breyting á Aðalskipulagi Akureyrar 2018-2030 til samræmis við erindið.

Að mati skipulagsráðs er um óverulega breytingu að ræða í samræmi við 2. mgr. 36. gr. skipulagslaga nr. 123/2010 þar sem breytingin hefur hvorki í för með sér breytingar á landnotkun né er hún líkleg til að hafa áhrif á einstaka aðila eða stór svæði.

Fylgiskjöl

• Erindi_2.1.2023
• Hálönd_stækkun svæðis.PNG
• NO_12.2.2023_umsögn

Kynningu á skipulagslýsingu fyrir endurskoðun deiliskipulags á tjaldsvæðisreit við Þórunnarstræti lauk þann 24. febrúar sl.

Um fimmtíu ábendingar bárust við lýsinguna og eru þær lagðar fram til kynningar ásamt umsögnum frá Skipulagsstofnun, Minjastofnun Íslands og Félagi eldri borgara á Akureyri.

Fylgiskjöl

• EBAK_9.2.2023_umsögn lýsing.pdf
• MÍ_22.2.2023_umsögn lýsing
• NO_26.2.2023_umsögn lýsing
• Okkar Akureyri - ábendingar og umræður
• SKIPULAGSLÝSING Í KYNNINGU.pdf

Kynningu á tillögu á vinnslustigi að breytingu á deiliskipulagi Háskólans á Akureyri lauk þann 5. febrúar sl.

Sjö ábendingar bárust auk umsagna frá Minjastofnun Íslands og Norðurorku.

Afgreiðslu frestað og skipulagsfulltrúa falið að vinna að framhaldi málsins í samvinnu við umsækjanda.

Fylgiskjöl

• Mí_14.2.2023_umsögn vinnslutillaga
• NO_12.2.2023_umsögn vinnslutillaga
• VINNSLUTILLAGA DRÖG_DSK-Háskólinn á Akureyri-Breyting_221221.pdf

Kynningu á tillögu á vinnslustigi að breytingu á deiliskipulagi miðbæjar vegna áforma um byggingu hótels á lóð nr. 7 við Glerárgötu lauk þann 5. febrúar sl.

Ein ábending barst ásamt umsögnum frá Norðurorku og Vegagerðinni.

Skipulagsráð leggur til við bæjarstjórn að hún samþykki framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010.

Fylgiskjöl

• NO_12.2.2023_umsögn vinnslutillaga
• Vegagerðin_10.2.2023_umsögn vinnslutillaga
• VINNSLUTILLAGA_05_16_039_Glerárgata 7_DSK_004_Skuggavarp-Jún-Sep.pdf
• VINNSLUTILLAGA_05_16_039_Glerárgata 7_DSK_004.pdf

Auglýsingu tillögu að breytingu á deiliskipulagi KA svæðis lauk þann 12. febrúar sl.

Ein athugasemd barst ásamt umsögn frá Norðurorku.

Skipulagsráð leggur til við bæjarstjórn að hún samþykki framlagða tillögu að breytingu á deiliskipulagi KA svæðis - Lundarskóla - Lundarsels skv. 3. mgr. 41. gr. skipulagslaga nr. 123/2010.

Er skipulagsfulltrúa falið að útbúa drög að svörum við athugasemd í samræmi við umræður á fundinum og skulu drögin lögð fyrir bæjarstjórn til samþykktar.

Fylgiskjöl

• NO_13.2.2023_umsögn auglýst tillaga
• UPPFÆRÐ TILLAGA_TIL AUGLÝSINGAR-KA-svæði_06_20_031_Dsk_tillaga_02-12-2022.pdf

Erindi dagsett 23. febrúar 2023 þar sem Haraldur Sigmar Árnason sækir um breytingu á deiliskipulagi fyrir lóð nr. 12 við Hjalteyrargötu.

Fyrirhugað er að bæta við nýjum byggingarreit, 16x25 m, fyrir vélageymslu með mænishæð 7,3 m og vegghæð á langhliðum 6,3 m.

Meðfylgjandi er skýringarmynd.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum Fiskitanga 4 ásamt því að aflað skal umsagnar umhverfis- og mannvirkjasviðs Akureyrarbæjar.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Hönnuður - umsókn um skipulag
• Erindi_23.2.2023
• Skýringaruppdráttur

Erindi dagsett 23. febrúar 2023 þar sem Haraldur Sigmar Árnason sækir um breytingu á deiliskipulagi fyrir lóð nr. 45 við Gránufélagsgötu. Fyrirhugað er að rífa núverandi hús og stækka byggingarreit. Nýtingarhlutfall mun aukast úr 0,3 í 0,5.

Meðfylgjandi er skýringaruppdráttur.

Skipulagsráð hafnar erindinu þar sem umsóknin samræmist ekki stefnumörkun Akureyrarbæjar sem sett er fram í rammahluta Aðalskipulags Akureyrar 2018-2030 fyrir Oddeyri sem kveður á um að nýjar byggingar verði almennt 3-4 hæðir og gerð krafa um íbúðir á efri hæðum í nýjum byggingum.

Fylgiskjöl

• Hönnuður - umsókn um skipulag
• Erindi_23.2.2023
• Skýringaruppdráttur

Erindi dagsett 17. febrúar 2023 þar sem Halldór Jónsson f.h. Hálanda ehf. sækir um breytingu á deiliskipulagi fyrir 3. áfanga frístundasvæðis í Hálöndum.

Fyrirhuguð er ný vegtenging milli Hörpulands og Hlíðarfjallsvegar og að tenging Hörpulands við Hyrnuland falli út.

Samhliða er óskað eftir að hámarkshraði á Hlíðarfjallsvegi upp fyrir Hálönd verði lækkaður í 50 km/klst.

Meðfylgjandi eru skýringaruppdráttur og greinargerð.

Jón Hjaltason óflokksbundinn og Sif Jóhannesar Ástudóttir V-lista báru upp vanhæfi við afgreiðslu málsins og var það samþykkt. Véku þau af fundi undir umræðum og við afgreiðslu máls.

Skipulagsráð frestar afgreiðslu þar til fyrir liggur umsögn Vegagerðarinnar og umhverfis- og mannvirkjasviðs Akureyrarbæjar.

Fylgiskjöl

• Erindi_16.2.2023
• Akureyrarbær-breyting á deiliskipulagi 3 áfanga í Hálöndum-vegtenging16022023.pdf

Erindi dagsett 17. febrúar 2023 þar sem Halldór Jónsson f.h. Hálanda ehf. sækir um breytingu á deiliskipulagi fyrir 1. áfanga Hálanda í landi Hlíðarenda.

Breytingin felur í sér að lóð nr. 2 við Heimaland er stækkuð, hámarksbyggingarmagn aukið og bílastæðum fjölgað úr 8 í 26.

Þá er jafnframt gert ráð fyrir kvöð um göngustíg og að núverandi kvöð um spennistöð falli út.

Meðfylgjandi eru greinargerð og deiliskipulagsuppdráttur.

Jón Hjaltason óflokksbundinn og Sif Jóhannesar Ástudóttir V-lista báru upp vanhæfi við afgreiðslu málsins og var það samþykkt. Véku þau af fundi undir umræðum og við afgreiðslu máls.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum aðliggjandi lóða og húsfélagi frístundabyggðarinnar.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Greinargerð_16.2.2023
• Halond-1. afangi -thjonusta breyting - 022023.pdf

Grenndarkynningu tillögu að breytingu á deiliskipulagi Furuvalla 17 lauk þann 18. febrúar sl.

Ein athugasemd barst ásamt umsögn frá Norðurorku. Eru þessi gögn lögð fram nú ásamt drögum að svörum skipulagsfulltrúa við efni athugasemdar.

Skipulagsráð samþykkir framlagða tillögu að breytingu á deiliskipulagi Furuvalla 17 skv. 3. mgr. 41. gr. skipulagslaga nr. 123/2010. Þá samþykkir skipulagsráð jafnframt framlögð drög að svörum við efni athugasemda.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Í KYNNINGU_15-040-2.1.01 Deiliskipulagsuppdráttur_20230106.pdf
• Í KYNNINGU_15-040 Hagkaup Akureyri - Furuvellir 17 - SKISSUR - Fyrirspurnartillaga.pdf
• NO_16.2.2023_umsögn

Erindi dagsett 23. febrúar 2023 þar sem Arnþór Tryggvason sækir um breytingu á deiliskipulagi fyrir lóð nr. 9 við Lyngholt.

Sótt er um aukningu á leyfilegri hámarksvegghæð bílgeymslu suðaustan við núverandi hús úr 3,5 m í 4,25 m.

Meðfylgjandi eru uppdrættir og skuggavarpsmyndir.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna. Grenndarkynnt skal fyrir lóðarhöfum Lyngholti 11, 12 og 13.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Erindi dagsett 24. febrúar 2023 þar sem Ingvar Ívarsson f.h. Módelhúsa ehf. sækir um breytingu á deiliskipulagi fyrir lóð nr. 1 við Óseyri.

Fyrirhuguð er stækkun lóðarinnar um rúmlega 300 m² til að koma fyrir fleiri bílastæðum.

Tillagan kallar á breytingu á deiliskipulagi Óseyrar sunnan Krossanesbrautar og deiliskipulagi Stórholts - Lyngholts.

Meðfylgjandi eru deiliskipulagsuppdrættir.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu sbr. 44. gr. laganna. Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Óseyri1_dsk-br_2023-02-23.pdf
• Storholt-Lyngholt-dsk-br_2023-02-23.pdf

Erindi dagsett 6. október 2022 þar sem Sean Thomas Fraser og Sharron Andrea Fraser sækja um lóð nr. 41 við Austurveg. Meðfylgjandi eru yfirlýsing viðskiptabanka og greinargerð um byggingaráform.

Málið var áður á dagskrá skipulagsráðs þann 26. október 2022 og var afgreiðslu frestað þar sem lóðin hafði ekki verið stofnuð í fasteignaskrá.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Erindi dagsett 9. febrúar 2023 þar sem Grétar Óli Ingþórsson sækir um lóð nr. 4 við Týsnes.

Meðfylgjandi er yfirlýsing viðskiptabanka.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Erindi dagsett 15. febrúar 2023 þar sem Karl Hjartarson sækir um leyfi til breyttrar notkunar á bílgeymslu.

Fyrirhugað er að setja upp fótaaðgerðastofu í rýminu.

Meðfylgjandi er skýringaruppdráttur.

Skipulagsráð samþykkir að áformin verði grenndarkynnt skv. 44. gr. skipualgslaga nr. 123/2010. Grenndarkynnt skal fyrir lóðarhöfum Margrétarhaga 3, 5, 6 og 10.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Margrétarhagi 8_aðalteikning.pdf

Erindi dagsett 20. febrúar 2023 þar sem Lárus H. List f.h. Selló ehf. sækir um breytta skráningu húss nr. 10 við Gránufélagsgötu úr skemmtistað yfir í íbúðarhúsnæði.

Skipulagsráð samþykkir erindið.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Erindi dagsett 1. janúar 2023 þar sem Sigmundur Einar Ófeigsson og Anna Lilja Stefánsdóttir leggja inn fyrirspurn varðandi möguleika á sérmerktu bílastæði fyrir hreyfihamlaða framan við hús nr. 8 við Austurbrú.

Skipulagsráð heimilar merkingu á bílastæði sem almennt stæði fyrir hreyfihamlaða við hús nr. 8 við Austurbrú.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Erindi dagsett 10. febrúar 2023 þar sem Hafnasamlag Norðurlands sækir um framkvæmdaleyfi fyrir bílastæði fyrir langferðabifreiðar á lóð nr. 4 við Laufásgötu.

Meðfylgjandi er greinargerð.

Skipulagsráð samþykkir erindið með fyrirvara um jákvæða umsögn umhverfis- og mannvirkjasviðs og felur skipulagsfulltrúa að gefa út framkvæmdaleyfi þegar fullnægjandi gögn hafa borist.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.



Skipulagsráð leggur áherslu á að öryggi gangandi vegfarenda á svæðinu verði sett í forgang, m.a. með því að ökutækjum verði ekki bakkað úr stæðum ef kostur er.

Fylgiskjöl

• Hafnasamlag_10.2.2023_greinargerð með umsókn

Erindi dagsett 21. febrúar 2023 þar sem Jónas Valdimarsson f.h. umhverfis- og mannvirkjasviðs Akureyrarbæjar sækir um framkvæmdaleyfi fyrir lagninu göngu- og hjólastígs meðfram Leiruvegi í samræmi við gildandi deiliskipulag.

Skipulagsráð samþykkir erindið og felur skipulagsfulltrúa að gefa út framkvæmdaleyfi þegar fullnægjandi gögn hafa borist.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Fylgiskjöl

• Umsókn_21.2.2023
• 17152_teikningar_2023-02-10.pdf
• 21395_teikningar_2023-02-14.pdf

Lagt fram til kynningar skilamat dagsett 15. febrúar 2023 vegna innleiðingar gjaldskyldu á bílastæðum í Akureyrarbæ.

Halla Björk Reynisdóttir L-lista, Þórhallur Jónsson D-lista, Sif Jóhannesar Ástudóttir V-lista, Jón Hjaltason óflokksbundinn, Sunna Hlín Jóhannesdóttir B-lista og Hilda Jana Gísladóttir S-lista taka undir bókun bæjarráðs frá 23. febrúar sl. þar sem því er fagnað að heilt yfir hafi innleiðing gjaldskyldu gengið vel. Skipulagsráð telur mikilvægt að haldið verði áfram að safna gögnum sem byggja megi á verklagsreglur í framhaldinu.



Helgi Sveinbjörn Jóhannsson M-lista þakkar kynninguna.

Fylgiskjöl

• Skilamat BIF GJALDS 20230215.pdf

Lögð fram uppfærð starfsáætlun skipulags- og byggingarmála.

Lögð fram til kynningar fundargerð 903. fundar, dagsett 16. febrúar 2023, með fullnaðarafgreiðslum erinda. Fundargerðin er í 6 liðum og er að finna á heimasíðu Akureyrarbæjar.

Lögð fram til kynningar fundargerð 904. fundar, dagsett 23. febrúar 2023, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.