Bæjarráð - 3662

Liður 2 í fundargerð frístundaráðs dagsettri 6. nóvember 2019:

Endurskoðuð samþykkt fyrir ungmennaráð var tekin fyrir í bæjarráði þann 10. október sl. Bæjarráð vísaði samþykktinni aftur til ungmennaráðs og frístundaráðs með þeim athugasemdum sem komu fram á fundinum.

Ungmennaráð hefur tekið erindisbréfið til endurskoðunar.

Alfa Dröfn Jóhannsdóttir verkefnastjóri barnvæns sveitarfélags mætti á fundinn og gerði grein fyrir breytingum á samþykktinni.

Bryndís Elfa Valdemarsdóttir starfandi deildarstjóri forvarna- og frístundadeildar sat fundinn undir þessum lið.

Frístundaráð gerir ekki athugasemdir við breytingarnar og vísar samþykktinni til bæjarráðs.

Málið var áður á dagskrá bæjarráðs 14. nóvember sl. og var afgreiðslu þá frestað.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir samþykkt um ungmennaráð með þeim breytingum sem gerðar voru á fundinum og vísar þeim til afgreiðslu bæjarstjórnar. Jafnframt felur bæjarráð sviðsstjóra stjórnsýslusviðs að útbúa tillögu að nauðsynlegum breytingum á Reglum um launakjör og starfsaðstöðu bæjarfulltrúa og nefndarmanna hjá Akureyrarbæ og leggja fyrir næsta fund bæjarráðs.

Liður 1 í fundargerð kjarasamninganefndar dagsettri 14. nóvember 2019:

Áður á dagskrá 30. september 2019.

Umfjöllun um þróunarverkefni um næturvaktir á Öldrunarheimilum Akureyrar.

Með vísan í grein 2.5.7 í kjarasamningi Sambands íslenskra sveitarfélaga og Félags íslenskra hjúkrunarfræðinga leggur kjarasamninganefnd til við bæjarráð að tillaga um fyrirkomulag bakvakta hjá Öldrunarheimilum Akureyrar verði samþykkt. Lagt er til að heimildin verði tímabundin til loka árs 2022 en fyrir þann tíma verði reynslan af fyrirkomulaginu metin og tekin afstaða til tímabundinnar framlengingar.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir tillögu kjarasamninganefndar.

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lagt fram minnisblað Péturs Ólafssonar hafnarstjóra Hafnasamlags Norðurlands bs., dagsett 12. nóvember 2019, um endurbyggingu Torfunefsbryggju.

Bæjarráð felur bæjarstjóra að hefja viðræður við Hafnasamlag Norðurlands um uppbyggingu Torfunefsbryggju í samræmi við umræður á fundinum.

Lagt fram minnisblað móttekið 6. nóvember 2019 þar sem Pétur Ólafsson hafnarstjóri f.h. Hafnasamlags Norðurlands bs. reifar hugmyndir um aðstöðu fyrir langferðabíla.

Bæjarráð felur bæjarstjóra að hefja viðræður við Hafnasamlag Norðurlands um málið í samræmi við umræður á fundinum.

Lagt fram til kynningar erindi dagsett 14. nóvember 2019 frá velferðarnefnd Alþingis þar sem óskað er umsagnar um frumvarp til laga um Húsnæðis-og mannvirkjastofnun, 319. mál 2019.

Þess er óskað að undirrituð umsögn berist eigi síðar en 5. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/0362.html

Lagt fram til kynningar erindi dagsett 11. nóvember 2019 frá allsherjar- og menntamálanefnd Alþingis þar sem óskað er umsagnar um frumvarp til laga um þjóðlendur og ákvörðun marka eignarlanda, þjóðlendna og afrétta (leyfisveitingar, málsmeðferð, endurupptaka o.fl.), 317. mál 2019.

Þess er óskað að undirrituð umsögn berist eigi síðar en 2. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/0360.html

Tekið fyrir erindi dagsett 20. nóvember 2019 frá formönnum stjórna Eyþings, AFE og AÞ þar sem óskað er eftir tilnefningum sveitarfélaga á Norðurlandi eystra á fulltrúum í stjórn nýrra samtaka atvinnuþróunar og sveitarfélaga á svæðinu. Óskað er eftir því að tilnefningarnar berist fyrir 25. nóvember nk.

Bæjarráð tilnefnir sem aðalfulltrúa Hildu Jönu Gísladóttur sem formann og Evu Hrund Einarsdóttur og sem varafulltrúa Höllu Björk Reynisdóttur og Gunnar Gíslason.