Afgreiðslufundur byggingarfulltrúa - 979

Erindi dagsett 4. júní 2024 þar sem Sigurður Halldórsson sækir um niðurrif á húsi nr. 36 við Þingvallastræti.

Byggingarfulltrúi samþykkir niðurrifið með þeim skilyrðum að öll ummerki byggingarinnar verði fjarlægð. Niðurrifið verður tilkynnt til Húsnæðis- og mannvirkjastofnunar eftir að úttekt byggingareftirlits hefur farið fram við verklok skv. 16. gr. Mannvirkjalaga. Skilyrt er að gerðar verði hæðarmælingar á nánasta umhverfi lóðarinnar áður en framkvæmdir hefjast og að framkvæmdaraðili verði að haga grundun hússins á þann veg að það hafi ekki áhrif á aðliggjandi lóðir.

Erindi dagsett 16. júlí 2024 þar sem Kári Eiríksson f.h. Péturs Ólafssonar byggverktak ehf. sækir um byggingaráform og byggingarleyfi fyrir bílskúr á lóð nr. 11 við Oddagötu. Innkomin uppfærð gögn 6. ágúst 2024 eftir Kára Eiríksson.

Byggingarfulltrúi samþykkir erindið.

Erindi dagsett 6. júní 2024 þar sem Björn Sveinsson f.h. Sigurðar Halldórssonar sækir um byggingaráform og byggingarleyfi fyrir nýju einbýlishúsi í stað þess sem stendur á lóð nr. 36 við Þingvallastræti. Innkomin gögn eftir Björn Sveinsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 1. ágúst 2024 þar sem Hólmgeir Þorsteinsson sækir um úrtak úr kantsteini við hús nr. 14 við Eyrarlandsveg.

Byggingarfulltrúi samþykkir bílastæði með 7 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 1. ágúst 2024 þar sem Hildigunnur Haraldsdóttir f.h. Sverris Ásgeirssonar og Ástu Hrannar Harðardóttur sækir um byggingaráform og byggingarheimild fyrir breytingum innanhúss á húsi nr. 32 við Oddeyrargötu. Innkomin gögn eftir Hildigunni Haraldsdóttur.

Byggingarfulltrúi frestar afgreiðslu með vísan til athugasemda í skoðunarskýrslu.