Bæjarráð - 3632

Umræður um útreikning og þróun leikskólagjalda.

Árni Konráð Bjarnason forstöðumaður rekstrar á fræðslusviði og Dan Jens Brynjarsson sviðsstjóri fjársýslusviðs mættu á fund bæjarráðs undir þessum lið.

Bæjarráð felur forstöðumanni rekstrar á fræðslusviði og sviðsstjóra fjársýslusviðs að skoða útfærslu leikskólagjalda í tengslum við gerð fjárhagsáætlunar fyrir árið 2020.

Umræður um þróun framlaga og bókun stjórnar Sambands íslenskra sveitarfélaga vegna áforma ríkisins um að skerða tekjur jöfnunarsjóðs og mat á áhrifum á einstök sveitarfélög.

Bæjarráð Akureyrar hvetur ríki og Samband íslenskra sveitarfélaga til þess að eiga í faglegu samtali og samstarfi um tekjuskiptingu ríkis og sveitarfélaga landsmönnum til heilla.

Fylgiskjöl

• Bókun stjórnar sambandsins vegna fyrirhugaðrar skerðingar á framlögum til jöfnunarsjóðs.pdf

Lögð fram til kynningar fundargerð 124. fundar hverfisráðs Hríseyjar dagsett 24. febrúar 2019. Fundargerðina má finna á netslóðinni: https://www.akureyri.is/is/stjornkerfi/stjornsysla/hverfisnefndir/hrisey/fundargerdir

Aðalfundur Hafnasamlags Norðurlands bs. verður haldinn í hafnarhúsinu við Fiskitanga fimmtudaginn 9. maí nk. kl. 15:00.

Bæjarráð felur bæjarstjóra að fara með umboð Akureyrarbæjar á fundinum.

Fylgiskjöl

• Hafnasamlag Norðurlands aðalfundarboð 9. maí 2019.pdf

Erindi dagsett 4. mars 2019 frá Ingibjörgu Ó. Isaksen fyrir hönd stjórnar Moltu ehf. þar sem boðað er til aðalfundar félagsins föstudaginn 29. mars nk. kl. 13:00. Fundurinn verður haldinn á Hótel KEA, Akureyri.

Bæjarráð felur sviðsstjóra fjársýslusviðs að mæta á fundinn.

Fylgiskjöl

• Akureyrarbær - Fundarboð á Aðalfund Moltu 2019.pdf

Erindi dagsett 6. mars 2019 frá Valgeiri Magnússyni framkvæmdastjóra f.h. stjórnar SÍMEY þar sem boðað er til ársfundar miðvikudaginn 10. apríl 2019.

Bæjarráð felur Höllu Margréti Tryggvadóttur að fara með umboð Akureyrarbæjar á fundinum. Bæjarráð tilnefnir Höllu Margréti Tryggvadóttur sem aðalmann í stjórn SÍMEY og Hlyn Má Erlingsson til vara.

Lögð fram til kynningar fundargerð 238. fundar stjórnar Hafnasamlags Norðurlands bs., dagsett 13. mars 2019.

Fundargerðina er að finna á eftirfarandi slóð: https://www.port.is/isl/index.php?pid=167

Lagt fram til kynningar erindi dagsett 14. mars 2019 frá atvinnuveganefnd Alþingis þar sem óskað er umsagnar um frumvarp til laga um fiskeldi (áhættumat erfðablöndunar, úthlutun eldissvæða, stjórnvaldssektir o.fl.), 647. mál 2019.

Þess er óskað að undirrituð umsögn berist eigi síðar en 29. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/149/s/1060.html

Lagt fram til kynningar erindi dagsett 13. mars 2019 frá umhverfis- og samgöngunefnd Alþingis þar sem óskað er umsagnar um frumvarp til laga um ráðstafanir til hagkvæmrar uppbyggingar háhraða fjarskiptaneta, 639. mál 2019.

Þess er óskað að undirrituð umsögn berist eigi síðar en 27. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/149/s/1045.html