Fræðslunefnd - 1

Halla Margrét Tryggvadóttir sviðsstjóri stjórnsýslusviðs kynnti breytingar á stöðu námsleyfasjóðs embættismanna.

Að ákvörðun kjarasamningsnefndar og bæjarstjóra hefur námsleyfasjóður embættismanna verið lagður niður og þar með falla reglur um námsleyfasjóð úr gildi. Ákvörðun á rót að rekja til stéttarfélagsaðildar embættismanna.

Með vísan til þess að námsleyfasjóður embættismanna hefur verið lagður niður leggur fræðslunefndin til við bæjarráð að endurskoðuð verði skipan embættismanna í fræðslunefnd.

Halla Margrét Tryggvadóttir sviðsstjóri stjórnsýslusviðs kynnti breytingar á stöðu námsleyfasjóðs sérmenntaðs starfsfólks.

Með vísan til COVID-19 og stöðu bæjarsjóðs var ekki veitt framlag til námsleyfasjóðs sérmenntaðs starfsfólks Akureyrarbæjar á fjárhagsáætlun fyrir árið 2021 og þar með verður ekki úthlutað úr sjóðnum vegna námsleyfis á skólaárinu 2021-2022.