Afgreiðslufundur byggingarfulltrúa - 933

Erindi dagsett 4. ágúst 2023 þar sem Elva Ýr Kristjánsdóttir f.h. Eikar fasteignafélags sækir um leyfi fyrir endurnýjun og stækkun ljósaskiltana á lóð Glerártorgs við Gleráreyrar 1. Umrædd stækkun er úr 8 m² í 15,4 m². Jákvæð umsögn Vegagerðarinnar liggur fyrir.

Meirihluti skipulagsráðs tók jákvætt í erindið á fundi sínum 9. ágúst sl.

Byggingarfulltrúi samþykkir uppsetningu skiltanna. Skiltin skulu aðeins auglýsa starfsemi, vörur og þjónustu í húsunum, ekki vera með hreyfimyndum og hver auglýsing skal standa í að minnsta kosti eina mínútu.

Erindi dagsett 28. desember 2022 þar sem Árni Gunnar Kristjánsson fyrir hönd 603 ehf. sækir um að fjölga fasteignum í húsi nr. 39 við Hafnarstræti. Fyrirhugað er að fjölga íbúðum úr tveimur í þrjár. Meðfylgjandi eru teikningar eftir Árna Gunnar Kristjánsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 11. september 2023 þar sem Guðmundur Oddur Víðisson fyrir hönd Módelhúsa ehf, sækir um byggingaráform og byggingarleyfi fyrir viðbyggingu á hús nr. 1 við Óseyri.

Byggingarfulltrúi samþykkir erindið.

Erindi dagsett 8. september 2023 þar sem Valbjörn Ægir Vilhjálmsson fyrir hönd Húsfélags Óseyrar 2, sækir um byggingaráform og byggingarheimild fyrir utahússklæðningu ásamt endurnýjun glugga á hús nr. 2 við Óseyri.

Byggingarfulltrúi samþykkir erindið.

Erindi dagsett 8. september 2023 þar sem Björn Guðbrandsson fyrir hönd Festingar ehf. sækir um breytingar á áður samþykktum teikningum fyrir húsi á lóð nr. 12 við Goðanes.

Byggingarfulltrúi samþykkir erindið.