Bæjarráð - 3730

Lögð fram tillaga að breytingum á stjórnskipulagi Akureyrarbæjar ásamt skipuriti.

Bæjarráð samþykkir með fimm samhljóða atkvæðum tillögur að breytingum á stjórnskipulagi Akureyrarbæjar ásamt skipuriti og vísar til umræðu og afgreiðslu í bæjarstjórn.

Lögð fram tillaga að fjárhagsramma fyrir fjárhagsáætlun 2022.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hag- og áætlanadeildar sátu fund bæjarráðs undir þessum lið.

Bæjarráð frestar afgreiðslu.

Umræður um fjárhagsáætlun næsta árs og þau verkefni sem lúta að þjónustu við aldraða.

Dan Jens Brynjarsson sviðsstjóri fjársýslusviðs, Kristinn Jakob Reimarsson sviðsstjóri samfélagssviðs, Helgi Snæbjarnarson formaður öldungaráðs og Sigríður Stefánsdóttir varaformaður öldungaráðs sátu fund bæjarráðs undir þessum lið.

Bæjarráð þakkar fulltrúum öldungaráðs fyrir komuna á fundinn.

Umræður um fjárhagsáætlun næsta árs og þau verkefni sem lúta að þjónustu við ungmenni.

Dan Jens Brynjarsson sviðsstjóri fjársýslusviðs, Kristinn Jakob Reimarsson sviðsstjóri samfélagssviðs, Hrafnhildur Guðjónsdóttir verkefnastjóri barnvæns sveitarfélags og Telma Ósk Þórhallsdóttir og Hildur Lilja Jónsdóttir fulltrúar ungmennaráðs sátu fund bæjarráðs undir þessum lið.

Bæjarráð þakkar fulltrúum ungmennaráðs fyrir komuna á fundinn.

Lagt fram til kynningar fjögurra mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs og Kristinn J. Reimarsson sviðsstjóri samfélagssviðs sátu fundinn undir þessum lið.

Liður 5 í fundargerð stjórnar Akureyrarstofu dagsettri 9. júní 2021:

Safnastefna Akureyrarbæjar lögð fram til samþykktar.

Stjórn Akureyrarstofu samþykkir safnastefnuna fyrir sitt leyti og vísar henni til umfjöllunar í bæjarráði.

Kristinn Jakob Reimarsson sviðsstjóri samfélagssviðs, Þórgnýr Dýrfjörð forstöðumaður Akureyrarstofu og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

Bæjarráð frestar afgreiðslu safnastefnunnar og vísar henni til umsagnar öldungaráðs og ungmennaráðs.

Liður 1 í fundargerð stjórnar Hlíðarfjalls dagsettri 17. maí 2021:

Útboðsgögn lögð fram til samþykktar.

Stjórn Hlíðarfjalls samþykkir útboðsgögnin fyrir sitt leyti með þeim breytingum sem ræddar voru á fundinum og vísar þeim til bæjarráðs.

Málið var áður á dagskrá bæjarráðs 3. júní sl. og var sviðsstjóra samfélagssviðs, bæjarlögmanni og sviðsstjóra fjársýslusviðs þá falið að uppfæra gögnin í samræmi við umræður á fundinum og leggja fyrir næsta fund bæjarráðs.

Dan Jens Brynjarsson sviðsstjóri fjársýslusviðs, Inga Þöll Þórgnýsdóttir bæjarlögmaður og Kristinn J. Reimarsson sviðsstjóri samfélagssviðs sátu fund bæjarráðs undir þessum lið.

Bæjarráð samþykkir með fimm samhljóða atkvæðum framlögð útboðsgögn og að útboð á rekstrinum verði auglýst.

Erindi dagsett 28. maí 2021 frá forsætisráðuneytinu og Sambandi íslenskra sveitarfélaga þar sem sveitarfélög og stofnanir þeirra eru hvött til að taka höndum saman með ábyrgðaraðilum og stýrihópi forsætisráðuneytis og koma aðgerðaáætlun fyrir árin 2021-2025 til framkvæmdar.

Bæjarráð vísar erindinu til samfélagssviðs og fræðslusviðs.

Fylgiskjöl

• Þingsályktun og aðgerðaráætlun um forvarnir gegn kynferðislegu og kynbundnu ofbeldi.pdf
• Forvarnir meðal barna og ungmenna gegn kynferðislegu og kynbundnu ofbeldi og áreitni - Undirritað bréf til sveitarstjórna.pdf

Lögð fram til kynningar fundargerð 898. fundar stjórnar Sambands íslenskra sveitarfélaga dagsett 31. maí 2021.

Fylgiskjöl

• stjórn Sambands íslenskra sveitarfélaga - 898.pdf