Bæjarráð - 3719

Lagt fram til kynningar yfirlit um rekstur aðalsjóðs janúar til desember 2020.

Dan Jens Brynjarsson sviðsstjóri fjársýslusviðs og Kristín Baldvinsdóttir verkefnastjóri á fjársýslusviði sátu fund bæjarráðs undir þessum lið.

Rætt um vinnuferli og tímaáætlun fjárhagsáætlunar 2021 vegna ársins 2022 og þriggja ára áætlunar árin 2023-2025.

Dan Jens Brynjarsson sviðsstjóri fjársýslusviðs og Kristín Baldvinsdóttir verkefnastjóri á fjársýslusviði sátu fund bæjarráðs undir þessum lið.

Lögð fram tillaga að breytingu á skipuriti fjársýslusviðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir fyrir sitt leyti tillögu að breytingu á skipuriti fjársýslusviðs og vísar málinu til kjarasamninganefndar.

Ásthildur Sturludóttir bæjarstjóri fór yfir stöðu mála varðandi yfirfærslu rekstrar Öldrunarheimila Akureyrar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Erindi dagsett 24. febrúar 2021 frá Sýslumanninum á Norðurlandi eystra þar sem óskað er umsagnar vegna umsóknar AnnAssist ehf., kt. 580219-0980, um rekstrarleyfi samkvæmt flokki II fyrir veitingastað í Hlíðarfjalli, Akureyri.

Bæjarlögmaður vísaði málinu til bæjarráðs vegna þess að það getur talist stefnumarkandi þar sem óskað er vínveitingaleyfis í tengslum við útivistarsvæði sem Akureyrarbær rekur.

Halla Björk Reynisdóttir bar upp vanhæfi sitt í málinu og var það samþykkt. Hún vék af fundi við umfjöllun og afgreiðslu málsins.

Andri Teitsson L-lista sat fundinn undir þessum lið í stað Höllu Bjarkar Reynisdóttur.

Inga Þöll Þórgnýsdóttir bæjarlögmaður sat fundinn undir þessum lið.

Meirihluti bæjarráðs samþykkir að veita jákvæða umsögn vegna umsóknar um vínveitingaleyfi til rekstraraðila veitingasölu í Hlíðarfjalli með eftirfarandi skilyrðum:

1. Leyfi sé bundið samningi við núverandi rekstraraðila sem gildir til 30. apríl 2021.

2. Afgreiðslutími virka daga sé frá kl. 16-19.

Bæjarráð felur bæjarlögmanni að skila inn umsögn.



Hilda Jana Gísladóttir S-lista situr hjá við afgreiðsluna og leggur fram eftirfarandi bókun:

Ég tel nauðsynlegt að fá umsögn forvarnafulltrúa Akureyrarbæjar um sölu áfengis í Hlíðarfjalli sem og mögulega umgjörð slíkrar sölu áður en ákvörðun sem þessi er tekin.



Sóley Björk Stefánsdóttir V-lista leggur fram eftirfarandi bókun:

Ég tel sölu áfengis í Hlíðarfjalli ganga harðlega gegn forvarnastefnu Akureyrarbæjar og á engan hátt viðeigandi á þessu svæði þar sem ungt fólk, börn og fjölskyldur hafa hingað til notið útivistar og samveru sem er að mínu mati mikilvægur þáttur í þjónustu við íbúa bæjarins. Þessi ákvörðun samræmist á engan hátt því ákvæði í samstarfssáttmála bæjarstjórnar um að setja hagsmuni barna og ungmenna í forgang. Vert er að benda á að mikil hætta getur skapast í brekkunum hafi skíðafólk ekki fulla stjórn á hreyfingum sínum. Sé það vilji meirihluta bæjarráðs að leyfa sölu áfengis í Hlíðarfjalli ætti í það minnsta að setja þröngar skorður og aðeins leyfa vínveitingar í veitingasölu og ekki megi afgreiða áfengi í öðum umbúðum en opnum glösum.

Fylgiskjöl

• Umsagnarbeidni v umsoknar um rekstarleyfi i Hlidarfjalli 2021.pdf
• Umsokn um rekstrarleyfi_Hlidarfjall_hr.pdf

Liður 4 í fundargerð fræðsluráðs dagsettri 1. mars 2021:

Svör grunnskólanna við fyrirspurnum barna úr viðtalstímum bæjarfulltrúa lögð fram til kynningar.

Fræðsluráð fagnar því að nemendur í skólum bæjarins hafi möguleika á að láta rödd sína heyrast með beinum hætti í viðtalstímum bæjarfulltrúa í skólunum. Mikilvægt er að til staðar séu skýrir verkferlar varðandi fundi bæjarfulltrúa í skólum og úrvinnslu fundanna alla leið að eyrum nemenda. Lagt er til að viðtalstímar bæjarfulltrúa í grunnskólum verði haldnir árlega og að verkferli við úrvinnslu þeirra verði skýrt og svör berist fyrir lok sama árs.

Fræðsluráð vísar erindinu til bæjarráðs.

Bæjarráð felur forseta bæjarstjórnar að fylgja því eftir að mótuð verði skýr verkferli um viðtalstíma bæjarfulltrúa með grunnskólanemendum og úrvinnslu þeirra.

Lögð fram fundargerð viðtalstíma bæjarfulltrúa dagsett 4. mars 2021.

Lið 2 er vísað til velferðarsviðs. Liðir 1 og 3 eru lagðir fram til kynningar.

Lögð fram til kynningar fundargerð 12. fundar öldungaráðs dagsett 1. mars 2021.

Fundargerðir öldungaráðs eru aðgengilegar á eftirfarandi slóð: https://www.akureyri.is/is/stjornkerfi/stjornsysla/fundargerdir/oldungarad-local

Lögð fram fundargerð 140. fundar hverfisráðs Hríseyjar dagsett 4. mars 2021.

Fundargerðina má finna á netslóðinni: https://www.akureyri.is/is/stjornkerfi/stjornsysla/hverfisnefndir/hrisey/fundargerdir

Bæjarráð vísar lið 1 til umhverfis- og mannvirkjasviðs, liðum 2a, 2b, 2c, 4b og 4c til skipulagssviðs, lið 2d til bæjarstjóra og lið 2e til Akureyrarstofu. Aðrir liðir eru lagðir fram til kynningar.

Lögð fram til kynningar skýrsla dagsett 5. mars 2021 um störf Verkefnasjóðs Háskólans á Akureyri á árinu 2020.

Fylgiskjöl

• Akureyrarsjóður_skýrsla2020.pdf

Lögð fram til kynningar fundargerð 895. fundar stjórnar Sambands íslenskra sveitarfélaga dagsett 2. mars 2021.

Fundargerðina má finna á eftirfarandi vefslóð: https://www.samband.is/um-sambandid/skipulag/fundargerdir/

Lagt fram til kynningar erindi dagsett 2. mars 2021 frá stjórnskipunar- og eftirlitsnefnd Alþingis þar sem óskað er umsagnar um frumvarp til laga um breytingu á lögum um kosningar til sveitarstjórna, nr. 5/1998, með síðari breytingum (kosningaaldur), 272. mál 2021.

Þess er óskað að undirrituð umsögn berist eigi síðar en 23. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0304.html

Bæjarráð vísar málinu til umsagnar ungmennaráðs.

Lagt fram til kynningar erindi dagsett 4. mars 2021 frá umhverfis- og samgöngunefnd Alþingis þar sem óskað er umsagnar um frumvarp til laga um breytingu á lögum um hollustuhætti og mengunarvarnir, nr. 7/1998 (menntun og eftirlit), 562. mál 2021.

Þess er óskað að undirrituð umsögn berist eigi síðar en 16. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0942.html