Afgreiðslufundur byggingarfulltrúa - 814

Erindi dagsett 3. apríl 2021 þar sem Rögnvaldur Harðarson fyrir hönd Magnúsar Más Þorvaldssonar, Margrétar Bragadóttur og Vilborgar Guðrúnar Friðriksdóttur sækir um byggingarleyfi fyrir breytingum á húsi nr. 136 við Þórunnarstræti. Fyrirhugað er að breyta opnanlegum gluggafögum á norður hlið. Meðfylgjandi er samþykki meðeigenda í húsinu.

Byggingarfulltrúi samþykkir erindið.

Erindi dagsett 5. maí 2021 þar sem Valþór Brynjarsson fyrir hönd SS Byggis ehf. sækir um byggingarleyfi fyrir frístundahúsi á lóð nr. 4 við Hulduland. Meðfylgjandi eru teikningar eftir Valþór Brynjarsson.

Byggingarfulltrúi samþykkir erindið.

Erindi dagsett 5. maí 2021 þar sem Valþór Brynjarsson fyrir hönd SS Byggis ehf. sækir um byggingarleyfi fyrir frístundahúsi á lóð nr. 2 við Hulduland. Meðfylgjandi eru teikningar eftir Valþór Brynjarsson.

Byggingarfulltrúi samþykkir erindið.

Erindi dagsett 5. maí 2021 þar sem Valþór Brynjarsson fyrir hönd SS Byggis ehf. sækir um byggingarleyfi fyrir frístundahúsi á lóð nr. 1 við Hulduland. Meðfylgjandi eru teikningar eftir Valþór Brynjarsson.

Byggingarfulltrúi samþykkir erindið.

Erindi dagsett 9. maí 2021 þar sem Pétur Veigar Karlsson sækir um leyfi til niðurrifs sólskála við hús sitt nr. 23C við Rimasíðu, rýmisnúmer 0102.

Byggingarfulltrúi samþykkir niðurrifið með þeim skilyrðum að öll ummerki byggingarinnar verði fjarlægð. Niðurrifið verður tilkynnt til Þjóðskrár Íslands eftir að úttekt byggingareftirlits hefur farið fram við verklok skv. 16. gr. Mannvirkjalaga.

Erindi dagsett 10. maí 2021 þar sem Rögnvaldur Harðarson fyrir hönd Júlí Óskar Antonsdóttur sækir um byggingarleyfi fyrir viðbyggingu við hús nr. 7 við Espilund. Meðfylgjandi eru teikningar eftir Rögnvald Harðarson. Fyrir liggur samþykki íbúa Espilundar 5 og 9 og Birkilundar 6, 8 og 10.

Byggingarfulltrúi óskar umsagnar skipulagsráðs um erindið.

Erindi dagsett 10. maí 2021 þar sem Haraldur Sigmar Árnason fyrir hönd Fasteigna ehf. sækir um byggingarleyfi fyrir breytingum á húsi nr. 6 við Tungusíðu. Fyrirhugað er að breyta neðri hæð hússins. Meðfylgjandi eru teikningar eftir Harald S. Árnason.

Byggingarfulltrúi hafnar erindinu þar sem íbúðarrými í vesturenda kjallara uppfyllir ekki kröfur byggingarreglugerðar um íbúðarrými í kjallara.

Erindi dagsett 11. maí 2021 þar sem Kári Einarsson sækir um leyfi til að útbúa tvö bílastæði á lóð við hús sitt nr. 17 við Ásabyggð og í framhaldi úrtak úr kantsteini. Meðfylgjandi er skýringarmynd og samþykki meðeiganda í lóð.

Byggingarfulltrúi samþykkir bílastæði með 7 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 11. maí 2021 þar sem Fanney Hauksdóttir fyrir hönd Teits Björgvinssonar sækir um byggingarleyfi fyrir bílgeymslu við hús nr. 11 við Austurveg og breytingum á innra skipulagi núverandi íbúðarhúss. Meðfylgjandi eru teikningar eftir Fanneyju Hauksdóttur.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 12. maí 2021 þar sem Helgi Steinar Helgason fyrir hönd Þóris Arnars Kristjánssonar sækir um byggingarleyfi fyrir einbýlishúsi á lóð nr. 11 við Nonnahaga. Meðfylgjandi eru teikningar eftir Helga Steinar Helgason.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 14. maí 2021 þar sem Gunnar Guðnason fyrir hönd Landsbankans sækir um byggingarleyfi fyrir breytingum á húsi nr. 1 við Strandgötu. Fyrirhugað er að breyta inngangi á austurhlið, setja upp hringhurð og gönguhurð/flóttahurð. Meðfylgjandi eru teikningar eftir Gunnar Guðnason.

Byggingarfulltrúi samþykkir erindið.

Erindi dagsett 15. maí 2021 þar sem Marta Volina sendir inn fyrirspurn um leyfi fyrir breyttri notkun í hluta húss nr. 22 við Aðalstræti. Útbúin hefur verið snyrtistofa í hluta 01-02.

Byggingarfulltrúi óskar umsagnar skipulagsráðs um erindið.