Afgreiðslufundur byggingarfulltrúa - 895

Erindi dagsett 4. desember 2022 þar sem Steingrímur Hannesson fyrir hönd Björgunarsveitarinnar Súlna á Akureyri sækir um leyfi til að setja upp skilti víðs vegar um bæinn vegna flugeldasölu sveitarinnar. Tímabilið frá 27. desember til og með 31. desember árin 2022, 2023 og 2024 og einnig tímabilið 4. janúar til 6. janúar árin 2023, 2024 og 2025. Að auki er sótt um leyfi fyrir 2 skilti vegna netsölu sveitarinnar frá 20. desember til 31. desember árin 2022, 2023 og 2024.

Byggingarfulltrúi samþykkir erindið.

Erindi dagsett 9. desember 2022 þar sem Almar Eggertsson fyrir hönd Verkvals ehf. sækir um byggingarleyfi fyrir atvinnuhúsnæði á lóð nr. 4 við Miðhúsaveg. Meðfylgjandi eru teikningar eftir Almar Eggertsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 13. desember 2022 þar sem Fanney Hauksdóttir fyrir hönd Sjúkrahússins á Akureyri sækir um byggingarleyfi fyrir breytingum á húsi Sjúkrahússins við Eyrarlandstún. Óskað er eftir leyfi til að innrétta 3. hæð tengibyggingar B-álmu fyrir skrifstofur og kennslurými. Meðfylgjandi eru teikningar eftir Fanneyju Hauksdóttur.

Byggingarfulltrúi samþykkir erindið.