Bæjarráð - 3625

Helga Íris Ingólfsdóttir verkefnastjóri Brothættra byggða í Grímsey og Hrísey mætti á fund bæjarráðs og fór yfir stöðu verkefnanna.

Rætt um samantekt upplýsinga um trúnaðarstörf kjörinna fulltrúa fyrir Akureyrarbæ og birtingu slíkra upplýsinga á vefsíðu bæjarins.

Liður 3 í fundargerð velferðarráðs dagsettri 9. janúar 2019:

Lögð fram drög að breytingum á reglum um sérstakan húsnæðisstuðning.

Áður á dagsskrá 19. febrúar og 2. mars 2018.

Magnús Valur Axelsson húsnæðisfulltrúi sat fundinn undir þessum lið.

Velferðarráð samþykkir einróma framlagðar tillögur að breytingum.

Afgreiðslu frestað.

Halla Margrét Tryggvadóttir sviðsstjóri stjórnsýslusviðs mætti á fund bæjarráðs og fór yfir minnisblað um stöðu innleiðingar straumlínustjórnunar á stjórnsýslusviði, skrifstofu fræðslusviðs og Plastiðjunni Bjargi-Iðjulundi.

Bæjarráð samþykkir að haldið verði áfram við innleiðingu straumlínustjórnunar og felur sviðsstjóra stjórnsýslusviðs að leggja uppfærða innleiðingaráætlun fyrir bæjarráð fyrir marslok.

Erindi dagsett 25. janúar 2019 frá Þorsteini Gunnarssyni sérfræðingi hjá Rannsóknamiðstöð Íslands og Guðrúnu Rósu Þórsteinsdóttur forstöðumanni Rannsóknamiðstöðvar Háskólans á Akureyri f.h. skipuleggjenda Vísindaviku norðurslóða sem haldin verður á Akureyri 27. mars - 2. apríl 2020. Óskað er eftir samstarfi og stuðningi Akureyrarbæjar við framkvæmd vísindavikunnar.

Bæjarráð tekur jákvætt í erindið og vísar því til gerðar fjárhagsáætlunar og felur jafnframt bæjarstjóra að ræða við bréfritara um nánari útfærslu.

Fylgiskjöl

• Vísindavika norðurslóða erindi til Akureyrarbæjar.pdf

Lagt fram til kynningar erindi dagsett 28. janúar 2019 frá Katrínu Jakobsdóttur forsætisráðherra þar sem hún hvetur sveitarfélög til að kynna sér og taka þátt í að innleiða heimsmarkmið Sameinuðu þjóðanna (SÞ) um sjálfbæra þróun sem samþykkt voru einróma af aðildarríkjum SÞ árið 2015. Með aðild sinni hafa íslensk stjórnvöld skuldbundið sig til að vinna að markmiðunum fram til ársins 2030, bæði á innlendum og erlendum vettvangi. Samband íslenskra sveitarfélaga á fulltrúa í verkefnastjórn um innleiðingu markmiðanna.

Fyrsta kynning á sveitarfélögunum og heimsmarkmiðunum fer fram á Grand hóteli í Reykjavík 15. febrúar nk.

Fylgiskjöl

• Sveitarfélögin og heimsmarkmið SÞ - bréf frá forsætisráðherra 28. janúar 2018.pdf