Afgreiðslufundur byggingarfulltrúa - 793

Erindi dagsett 12. ágúst 2020 þar sem Haraldur S. Árnason fyrir hönd S53 ehf. sækir um að nýr skemmti- og veitingasalur verði innréttaður vestan megin í húsinu ásamt nýju eldhúsi og starfsmannaaðstöðu að Strandgötu 53, mhl. 01. Innkomnar nýjar teikningar 25. nóvember 2020 eftir Harald S. Árnason.

Byggingarfulltrúi samþykkir erindið.

Erindi dagsett 23. nóvember 2020 þar sem Svava Björk Bragadóttir fyrir hönd EF1 ehf. sækir um byggingarleyfi fyrir breytingum á rými 3 í húsi nr. 1 við Gleráreyrar, Glerártorg. Fyrirhugað er að opna pizzastað. Meðfylgjandi eru teikningar eftir Svövu Björk Bragadóttur.

Byggingarfulltrúi samþykkir erindið.

Erindi dagsett 24. nóvember 2020 þar sem Tryggvi Tryggvason fyrir hönd Roberts Wojciechowski sækir um byggingarleyfi fyrir viðbyggingu við hús nr. 38 við Oddeyrargötu. Meðfylgjandi eru teikningar eftir Tryggva Tryggvason.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 25. nóvember 2020 þar sem Akureyrarbær sækir um stöðuleyfi fyrir fjóra geymslu- og vinnugáma við skíðasvæðið í Hlíðarfjalli vestan vélageymslu. Meðfylgjandi er uppdráttur og greinargerð.

Byggingarfulltrúi samþykkir stöðuleyfi til eins árs.

Farið er fram á að fá ítarlega beiðni um sambærilega aðstöðu á öllu svæðinu, meðal annars þar sem nú eru útrunnin stöðuleyfi fyrir nestishús og aðstöðu fyrir skíðaleigu.

Erindi dagsett 11. september 2020 þar sem Fanney Hauksdóttir fyrir hönd Akureyrarbæjar sækir um breytingar á áður samþykktum teikningum af A-álmu Lundarskóla við Dalsbraut. Meðfylgjandi eru teikningar eftir Fanneyju Hauksdóttur. Innkomnar nýjar teikningar 26. nóvember 2020.

Byggingarfulltrúi samþykkir erindið.

Erindi dagsett 21. nóvember 2020 þar sem Þórir Guðmundsson fyrir hönd Akureyrarbæjar sækir um breytingar frá áður samþykktum aðaluppdráttum af húsinu Glerárholti samkvæmt meðfylgjandi teikningum eftir Þóri Guðmundsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 5. maí 2020 þar sem Steinmar Heiðar Rögnvaldsson fyrir hönd Rafeyrar ehf. sækir um byggingarleyfi fyrir breytingum og sameiningu eigna í húsi nr. 5 við Norðurtanga. Innkomnar nýjar teikningar 23. nóvember 2020.

Byggingarfulltrúi samþykkir erindið.

Húseigandi skal láta aflýsa fyrirliggjandi eignaskiptasamningi fyrir húsið.