Bæjarráð - 3708

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs og bæjarfulltrúarnir Andri Teitsson, Heimir Haraldsson og Þórhallur Jónsson sátu fund bæjarráðs undir þessum lið.

Lagður fram lánssamningur frá Lánasjóði sveitarfélaga vegna láns til Akureyrarbæjar að fjárhæð kr. 800 milljónir til fjármögnunar á framkvæmdum og endurfjármögnun afborgana eldri lána.

Dan Jens Brynjarsson sviðsstjóri fjársýslusviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Bæjarráð samþykkir lántökuna fyrir sitt leyti með fimm samhljóða atkvæðum og vísar málinu til afgreiðslu bæjarstjórnar.

Umfjöllun um tillögur um fyrirkomulag styttingar vinnuvikunnar hjá starfsfólki í dagvinnu hjá Akureyrarbæ.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð staðfestir hér með niðurstöðu samtals um skipulag vinnutíma dagvinnufólks hjá eftirtöldum:

Amtsbókasafnið á Akureyri

Héraðskjalasafnið á Akureyri

Listasafnið á Akureyri

Plastiðjan Bjarg-Iðjulundur

ÖA - stjórnendur

Fyrirkomulagið tekur gildi 1. janúar 2021.

Liður 2 í fundargerð kjarasamninganefndar dagsettri 27. nóvember 2020:

Bæjarráð samþykkti á fundi sínum 26. nóvember 2020 að sameina fjölskyldusvið og búsetusvið í eitt velferðarsvið og gildir nýtt skipurit frá 1. janúar 2021. Bæjarráð vísaði jafnframt á fundi sínum afgreiðslu vegna starfslýsinga fyrir starf forstöðumanns skrifstofu og leiðandi forstöðumanna til umfjöllunar í kjarasamninganefnd.

Kjarasamninganefnd leggur til við bæjaráð að greitt verði stjórnendaálag fyrir nýtt starf forstöðumanns skrifstofu á velferðarsviði. Niðurstaða kjarasamninganefndar er að samkvæmt gildandi reglum um stjórnendaálag forstöðumanna hafi breyting á starfslýsingum þriggja forstöðumanna í þá veru að störfin verði leiðandi forstöðumenn ekki í för með sér breytingar á greiðslu stjórnendaálags vegna umræddra starfa.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir tillögu kjarasamninganefndar með fimm samhljóða atkvæðum.

Kynning á nýgerðum kjarasamningi Félags íslenskra hjúkrunarfræðinga.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Umfjöllun um niðurstöðu starfsmats fyrir störf hjá Félagi íslenskra hjúkrunarfræðinga.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Lögð fram til kynningar fundargerð 18. fundar stjórnar SSNE dagsett 25. nóvember 2020.

Fundargerðir stjórnarinnar er að finna á eftirfarandi slóð: https://www.ssne.is/is/fundargerdir/stjorn-ssne

Lögð fram til kynningar fundargerð 891. fundar stjórnar Sambands íslenskra sveitarfélaga dagsett 20. nóvember 2020.

Fundargerðina má finna á eftirfarandi vefslóð: https://www.samband.is/um-sambandid/skipulag/fundargerdir/

Lögð fram til kynningar 60. fundargerð stjórnar Samtaka sjávarútvegssveitarfélaga dagsett 19. nóvember 2020.

Fundargerðina má finna á eftirfarandi vefslóð: https://sjavarutvegssveitarfelog.is/fundargerdir/

Lagt fram til kynningar erindi dagsett 25. nóvember 2020 frá velferðarnefnd Alþingis þar sem óskað er umsagnar um tillögu til þingsályktunar um bætta stjórnsýslu í umgengnismálum, 104. mál 2020.

Þess er óskað að undirrituð umsögn berist eigi síðar en 9. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0105.html

Lagt fram til kynningar erindi dagsett 25. nóvember 2020 frá umhverfis- og samgöngunefnd Alþingis þar sem óskað er umsagnar um frumvarp til laga um varnir gegn snjóflóðum og skriðuföllum (markmið, áhættumat, sektir o.fl.), 311. mál 2020.

Þess er óskað að undirrituð umsögn berist eigi síðar en 9. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0347.html

Lagt fram til kynningar erindi dagsett 25. nóvember 2020 frá velferðarnefnd Alþingis þar sem óskað er umsagnar um frumvarp til laga um fæðingar- og foreldraorlof, 323. mál 2020.

Þess er óskað að undirrituð umsögn berist eigi síðar en 6. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0375.html

Lagt fram til kynningar erindi dagsett 30. nóvember 2020 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um skákkennslu í grunnskólum, 106. mál 2020.

Þess er óskað að undirrituð umsögn berist eigi síðar en 11. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0107.html