Umhverfis- og mannvirkjaráð - 115

Óshólmanefnd mætti á fundinn og fór yfir forsögu breytinga á Brunná og breytingum á óshólmunum í framhaldinu.

Frá óshólmanefnd voru mætt Valdimar Gunnarsson fyrir hönd Eyjafjarðarsveitar, Hjördís Þórhallsdóttir frá ISAVIA, Ólafur Kjartansson fyrir hönd Akureyrarbæjar og Jón Birgir Gunnlaugsson umhverfis- og mannvirkjaviði.

Tómas Björn Hauksson forstöðumaður nýframkvæmda og Rut Jónsdóttir forstöðumaður umhverfis- og sorpmála sátu fundinn undir þessum lið.

Umhverfis- og mannvirkjaráð þakkar óshólmanefnd fyrir komuna á fundinn og ráðið leggur áherslu á að brýnar úrbætur í farvegi Brunnár verði framkvæmdar fyrir vorið.

Lagt fram minnisblað dagsett 23. febrúar 2022 varðandi opnun tilboða í hönnun á Móahverfi.

Tómas Björn Hauksson forstöðumaður nýframkvæmda og Jónas Valdimarsson verkefnastjóri tækni og hönnunar sátu fundinn undir þessum lið

Umhverfis- og mannvirkjaráð samþykkir að taka tilboði lægstbjóðanda VSB-verkfræðistofu ehf.

Lagt fram minnisblað dagsett 17. febrúar 2022 varðandi framkvæmdir við áætlaðan stíg meðfram Leiruvegi.

Tómas Björn Hauksson forstöðumaður nýframkvæmda og Jónas Valdimarsson verkefnastjóri tækni og hönnunar sátu fundinn undir þessum lið

Umhverfis- og mannvirkjaráð samþykkir að unnið verða áfram að hönnun stígsins í samræmi við framlagðar tillögur.

Lagt fram minnisblað dagsett 22. febrúar 2022 varðandi sölu á salernum undir kirkjutröppunum og viðhald á tröppunum.

Sigurður Gunnarsson verkefnastjóri nýframkvæmda sat fundinn undir þessum lið.

Umhverfis- og mannvirkjaráð felur sviðsstjóra að vinna málið áfram.

Lagt fram minnisblað dagsett 24. febrúar 2022 varðandi stoppistöð fyrir strætisvagna í miðbænum.

Sigurður Gunnarsson verkefnastjóri nýframkvæmda og Jónas Valdimarsson verkefnastjóri tækni og hönnunar sátu fundinn undir þessum lið.

Lagt fram minnisblað dagsett 17. febrúar 2022 varðandi keyrslu strætó inn í Hagahverfi og uppbyggingu biðstöðva þar.

Jónas Valdimarsson verkefnastjóri tækni og hönnunar og Engilbert Ingvarsson verkstjóri strætisvagna og ferliþjónustu sátu fundinn undir þessum lið.

Umhverfis- og mannvirkjaráð frestar afgreiðslu málsins.

Lagt fram minnisblað dagsett 21. febrúar 2022 varðandi kaup á strætisvagni.

Engilbert Ingvarsson verkstjóri strætisvagna og ferliþjónustu sat fundinn undir þessum lið.

Umhverfis- og mannvirkjaráð felur sviðinu að vinna hugmyndirnar áfram.

Lagt fram minnisblað dagsett 24. febrúar 2022 varðandi færslu á áætlun ræktunarstöðvar frá umhverfismiðstöð yfir til umhverfisdeildar. Ræktunarstöðin verði rekin þar samhliða Lystigarðinum.

Umhverfis- og mannvirkjaráð samþykkir að óska eftir viðauka til bæjarráðs þess efnis að færa áætlunina milli kostnaðarstöðva.

Umhverfisstofnun hefur borist umsókn frá Bergmönnum ehf. dagsett 7. febrúar 2022 um leyfi til þyrluflugs innan fólkvangsins í Glerárdal.

Rut Jónsdóttir forstöðumaður umhverfis- og sorpmála og Jón Birgir Gunnlaugsson verkefnastjóri umhverfismála sátu fundinn undir þessum lið.

Meirihluti umhverfis- og mannvirkjaráðs mælir með að veitt verði leyfi til þriggja ára á þeim stöðum sem tilgreindir eru í umsókn að undanskildum Ytri Súlum.

Þórhallur Harðarson D-lista situr hjá og óskar bókað:

Ég vil ekki setja hömlur á ósk Bergmanna með Ytri Súlur og lengd leyfisins.