Skipulagsráð - 351

Árni Ólafsson arkitekt hjá Teiknistofu arkitekta kynnti greinargerð um könnun á nýtingu lóða við Norðurgötu 3-7 og drög að skilmálum.

Skipulagsráð þakkar Árna fyrir kynninguna. Ráðið samþykkir að lóðin Norðurgata 5-7 verði auglýst að nýju í samræmi við ákvæði um hugmyndasamkeppni sem fram koma í gr. 2.4 og 3.3 í reglum um lóðarveitingar. Er sviðsstjóra skipulagssviðs falið að útfæra reglur og forsendur hugmyndasamkeppninnar, byggt á tillögum um skilmála sem fram koma í fyrirliggjandi greinargerð Teiknistofu arkitekta.

Erindi dagsett 21. janúar 2021 þar sem Trésmiðja Ásgríms Magnússonar ehf., eigandi Norðurgötu 3, sækir um lóðir nr. 5-7 við Norðurgötu með það að markmiði að samnýta lóðirnar fyrir byggingu fjölbýlishúss. Er óskað eftir að fyrirtækinu verði gefinn 2ja mánaða frestur til að leggja fram nýtt skipulag á lóðunum.

Skipulagsráð samþykkir ekki úthlutun lóðarinnar þar sem lóðin hefur ekki verið auglýst með formlegum hætti.

Lagt fram bréf Skipulagsstofnunar dagsett 21. janúar 2021 varðandi deiliskipulag Hvannavallareitar. Kemur þar fram að skýra þurfi betur út atriði er varðar íbúðir á svæðinu, bílakjallara og nýtingarhlutfall. Þá er jafnframt lögð fram endurskoðuð tillaga að deiliskipulagi þar sem komið er til móts við athugasemdir Skipulagsstofnunar.

Skipulagsráð leggur til við bæjarstjórn að endurskoðuð tillaga að deiliskipulagi, með breytingum til að koma til móts við bréf Skipulagsstofnunar, verði samþykkt.

Lögð fram umsókn SS Byggis ehf. dagsett 21. janúar 2021 um breytingu á deiliskipulagi við Tónatröð til samræmis við meðfylgjandi hugmyndir að uppbyggingu.

Skipulagsráð frestar afgreiðslu.

Lögð fram að nýju að lokinni auglýsingu skv. 1. mgr. 41. gr. skipulagslaga, tillaga að breytingu á deiliskipulagi Breiðholtshverfis sem felst í að gert er ráð fyrir yfirbyggðu hringgerði á tveimur stöðum. Ein athugasemd barst. Fyrir liggur umsögn Minjastofnunar þar sem ekki er gerð athugasemd við tillöguna. Þá er lagður fram tölvupóstur umsækjanda dagsettur 21. janúar 2021.

Skipulagsráð leggur til við bæjarstjórn að tillagan verði samþykkt með þeirri breytingu að fallið er frá hringgerði við Perlugötu og eingöngu gert ráð fyrir hringgerði á svæði við núverandi gerði. Jafnframt er lagt til við bæjarstjórn að tillaga að svari við athugasemd verði samþykkt.

Erindi dagsett 18. janúar 2021 þar sem Ester Rós Jónsdóttir fyrir hönd Isavia Innanlandsflugvalla ehf. sækir um breytingu á skipulagi Akureyrarflugvallar. Fyrirhugað er að koma fyrir akstursskýli hlaðmanna og hlaðbíla.

Skipulagsráð gerir ekki athugasemd við umsóknina og telur að um svo óveruleg frávik frá deiliskipulagi sé að ræða að ekki sé þörf á breytingu, með vísun í ákvæði 3. mgr. 43. gr. skipulagslaga nr. 123/2010.

Fylgiskjöl

• Isavia - Skipulagsbreyting á Akureyrarflugvelli.pdf

Erindi dagsett 12. janúar 2021 þar sem Þröstur Sigurðsson fyrir hönd Byggingarfélagsins Hyrnu ehf. sækir um breytt deiliskipulag á lóð nr. 12 við Kristjánshaga. Fyrirhugað er að fjölga íbúðum úr 18 í 26, breyta gólfkótum, að svalir nái allt að 2,4 m út fyrir byggingarreit og að svalagangar fari allt að 0,6 m út fyrir byggingarreit.

Skipulagsráð samþykkir að gerð verði breyting á deiliskipulagi til samræmis við erindi. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og felur sviðsstjóra skipulagssviðs að grenndarkynna hana þegar deiliskipulagsuppdráttur berst.

Fylgiskjöl

• Skipulagsráð 2021.1.12.pdf

Erindi dagsett 8. janúar 2021 þar sem Karen Sigurbjörnsdóttir leggur inn fyrirspurn varðandi grænt svæði/leikvöll við Stóragerði og hvort möguleiki sé fyrir hendi að breyta því í íbúðalóðir.

Skipulagsráð þakkar áhugavert erindi en telur að á svæðinu við Stóragerði þurfi að vera leiksvæði þar sem um er að ræða eina leiksvæðið í hverfinu.

Fylgiskjöl

• Hraung_dsklag_05.pdf

Erindi dagsett 11. janúar 2021 þar sem Hjörleifur Árnason fyrir hönd Akureyri Fish ehf. leggur inn fyrirspurn varðandi stöðuleyfi fyrir söluvagn við Smáragötu, sjá skýringarmynd.

Skipulagsráð hafnar erindinu þar sem ekki er gert ráð fyrir langtímastæði fyrir söluvagna á þessum stað í gildandi samþykkt um götu- og torgsölu.

Fylgiskjöl

• Umsókn um leyfi.pdf
• staðsetning söluskáli.JPG

Erindi dagsett 13. janúar 2021 þar sem Sverrir Bergsson leggur inn fyrirspurn um byggingu bílgeymslu við hús sitt nr. 26 við Hamarstíg og breytingu á þaki núverandi húss. Meðfylgjandi eru tillöguteikningar.

Skipulagsráð gerir ekki athugasemd við tillöguna og samþykkir að grenndarkynna hana skv. 44. gr. skipulagslaga nr. 123/2010 þegar fyrir liggur samþykki eigenda nágrannalóða vegna nálægðar bílgeymslu við lóðamörk. Ef engar athugasemdir berast við kynningu er málinu vísað til afgreiðslu byggingarfulltrúa þegar umsókn um byggingarleyfi berst.

Fylgiskjöl

• Hamarstígur 26 Akureyrarbæ.pdf

Erindi dagsett 15. janúar 2021 þar sem Valþór Brynjarsson fyrir hönd Gunnars Gíslasonar leggur inn fyrirspurn varðandi tengibyggingu milli bílgeymslu og húss á lóð nr. 4 við Hraungerði.

Þórhallur Jónsson D-lista bar upp vanhæfi sitt í málinu og var það samþykkt. Vék hann af fundi við umræður og afgreiðslu málsins.

Skipulagsráð gerir ekki athugasemd við tillöguna og samþykkir að grenndarkynna hana skv. 44. gr. skipulagslaga nr. 123/2010. Ef engar athugasemdir berast við kynningu er málinu vísað til afgreiðslu byggingarfulltrúa þegar umsókn um byggingarleyfi berst.

Fylgiskjöl

• Hraungerði 4_12_20_028_G01_Grendarkynningargögn.pdf

Erindi dagsett 18. janúar 2021 þar sem Lilja Þórey Guðmundsdóttir fyrir hönd Heilsuverndar ehf. leggur inn fyrirspurn varðandi leyfi fyrir rektrarskylda gististarfsemi að Þingvallastræti 4.

Að mati skipulagsráðs samræmist umsóknin reglum aðalskipulags varðandi rekstrarleyfisskylda gististarfsemi á íbúðarsvæðum. Er afgreiðslu um byggingarleyfi vísað til byggingarfulltrúa þegar umsókn um það berst.

Fylgiskjöl

• Þingvallastaeti 4.pdf
• Gististarfsemi á íbúðarsvæðum greinargerð feb 2020

Erindi dagsett 20. janúar 2021 þar sem Helgi Haraldsson fyrir hönd Sjúkrahússins á Akureyri sækir um að sett verði upp biðskyldumerki á mótum gatna innan lóðar sjúkrahússins sem liggja í framhaldi af Eyrarlandsvegi og Búðartröð . Meðfylgjandi eru skýringarmyndir. Fyrir liggur að lögreglan gerir ekki athugasemd við uppsetningu á skilti.

Skipulagsráð samþykkir að sett verði upp biðskyldumerki til samræmis við erindi.

Umsókn Lapplands 2 hf. dagsett 21. janúar 2021 um aðgang að 2.000 m² svæði á Akureyri fyrir 1.600 m² hoppukastala sem yrði í notkun frá 1. júní til 31. ágúst 2021.

Skipulagsráð tekur jákvætt í að fundinn verði staður fyrir hoppukastala í samráði við Akureyrarstofu og umhverfis- og mannvirkjasvið.

Lagt fram að nýju erindi dagsett 2. janúar 2021 þar sem Siguróli Magni Sigurðsson fyrir hönd Knattspyrnufélags Akureyrar sækir um endurnýjun skiltis við Þingvallastræti/Dalsbraut. Er gert ráð fyrir tveimur um það bil 22 m² skjáum sem snúa í átt að Þingvallastræti, í sitt hvora áttina eins og núverandi flettiskilti.

Í ljósi þess að um endurnýjun á eldra skilti er að ræða samþykkir meirihluti skipulagsráðs að settir verði upp LED skjáir í stað núverandi flettiskilta með þeim skilyrðum að ekki verði um hreyfimyndir eða blikkandi ljós að ræða og að minnsta kosti líði ein mínúta á milli auglýsinga.

Arnfríður Kjartansdóttir V-lista óskar bókað að hún sé á móti því að settir verði upp LED skjáir í stað núverandi flettiskilta þar sem í samþykkt um skilti og auglýsingar, gr. 8.4.4, kemur fram að óheimilt sé að vera með áberandi ljósaskilti með blikkandi ljósum eða hreyfimyndum sem snúa að stofn- eða tengibrautum.

Lagt fram bréf skólaráðs Glerárskóla og hverfisnefndar Holta- og Hlíðahverfis dagsett 25. nóvember 2020 um framkvæmdir til að auka umferðaröryggi nemenda í Glerárskóla. Sviðsstjóri skipulagssviðs lagði fram minnisblað um stöðu aðgerða.

Skipulagsráð felur sviðsstjóra skipulagssviðs að gera bréfritara grein fyrir stöðu mála.

Fylgiskjöl

• 2020.11.26 - Bréf til skiupulagsráðs.pdf

Lögð fram tillaga að kynningaráætlun skipulagssviðs fyrir árið 2021 í samræmi við aðgerðaáætlun upplýsingastefnu Akureyrarbæjar.

Frestað.

Niðurstöður úr þjónustukönnun Gallup lagðar fram til kynningar.

Frestað.

Lögð fram til kynningar fundargerð 797. fundar, dagsett 14. janúar 2021, með fullnaðarafgreiðslum erinda. Fundargerðin er í 3 liðum og er að finna á heimasíðu Akureyrarbæjar.