Bæjarráð - 3585

Hörður Oddfríðarson dagskrárstjóri göngudeildar SÁÁ á Akureyri og Arnþór Jónsson formaður SÁÁ mættu á fund bæjarráðs og fóru yfir stöðu göngudeildar SÁÁ á Akureyri.

Bæjarráð leggur mikla áherslu á að framhald verði á göngudeildarþjónustu fyrir ávana- og fíkniefnasjúklinga á Akureyri sem tryggir þjónustu við íbúa á Norðurlandi. Bæjarráð skorar á ríkisstjórn og Alþingi að tryggja nauðsynlega þjónustu og nægjanlega fjármuni til að standa undir henni.

Eiríkur Björn Björgvinsson bæjarstjóri vék af fundi kl. 10:00.

1. liður í fundargerð kjarasamninganefndar dagsett 26. janúar 2018:

Umfjöllun um endurskoðun á reglum Akureyrarbæjar um greiðslur fyrir akstur í þágu vinnuveitanda vegna innleiðingar á rafrænni skráningu á akstri starfsmanna.

Kjarasamninganefnd samþykkir tillögu að endurskoðuðum reglum og vísar þeim til afgreiðslu bæjarráðs.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir framlagðar verklagsreglur um greiðslur fyrir akstur í þágu vinnuveitanda.

Fylgiskjöl

• Verklagsreglur um greiðslur fyrir akstur í þágu vinnuveitanda bæjarráð 1. februar 2018.pdf

5. liður í fundargerð kjarasamninganefndar dagsett 26. janúar 2018:

Eftirfarandi var bókað á fundi bæjarráðs 23. nóvember 2017:

Farið var yfir málið.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð vísar málinu til kjarasamninganefndar og felur henni að móta tillögur að reglum vegna töku lífeyris samhliða starfi.

Kjarasamninganefnd leggur til við bæjarráð að veitt verði heimild til töku lífeyris hjá Lífeyrissjóði starfsmanna Akureyrarbæjar samhliða starfi, í samræmi við tillögu að reglum þar um.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir tillögu kjarasamninganefndar.

Fylgiskjöl

• Verklagsreglur vegna starfsmanna í LSA sem óska eftir vinnu samhliða lífeyristöku- bæjarráð 1 feb 2018.pdf

1. liður í fundargerð frístundaráðs dagsett 25. janúar 2018:

Alex Orrason framkvæmdastjóri Kraftlyftingarfélags Akureyrar og Grétar Skúli Gunnarsson mættu í viðtalstíma bæjarfulltrúa og óskuðu eftir endurupptöku á ákvörðun frístundaráðs um húsnæðisstyrk til Kraftlyftingafélags Akureyrar sem ákveðinn var á þessu ári. Lögðu þeir fram gögn með erindinu.

Á fundi bæjarráðs þann 11. janúar sl. var samþykkt að vísa erindinu til frístundaráðs.

Með vísan til 2. mgr. 19. gr. samþykktar frístundaráðs er erindinu vísað til bæjarráðs.

Inga Þöll Þórgnýsdóttir bæjarlögmaður sat fund bæjarráðs undir þessum lið.

Bæjarráð samþykkir endurupptöku með vísan til 1. tl. 1. mgr. 24. gr. stjórnsýslulaga nr. 37/1993 og felur bæjarlögmanni að fylgja málinu eftir.

Erindi dagsett 25. janúar 2018 frá samgöngu- og sveitarstjórnarráðuneytinu þar sem óskað er upplýsinga um alla samstarfssamninga sem sveitarfélagið á aðild að. Einnig er óskað eftir áliti sveitarstjórnar á því hvort endurskoða þurfi ákvæði sveitarstjórnarlaga um samstarf sveitarfélaga og að hvaða leyti. Er þess óskað að upplýsingarnar berist ráðuneytinu eigi síðar en 1. mars nk.

Inga Þöll Þórgnýsdóttir bæjarlögmaður sat fund bæjarráðs undir þessum lið.

Bæjarráð felur bæjarlögmanni að taka saman gögn um samstarfssamninga og byggðasamlög og leggja fyrir bæjarráð.

Fylgiskjöl

• Upplýsingar um samstarfssamninga og álit sveitarstjórnar á hvort endurskoða þurfi ákvæði sveitarstjórnarlaga

Lögð fram til kynningar skýrsla dagsett 8. janúar 2018 um störf Verkefnasjóðs Háskólans á Akureyri á árinu 2017.

Lögð fram fundargerð 107. fundar hverfisnefndar Holta- og Hlíðahverfis dagsett 9. janúar 2018.

Fundargerðirnar má finna á netslóðinni:

https://www.akureyri.is/is/stjornkerfi/stjornsysla/hverfisnefndir/holta-og-hlidahverfi/fundargerdir

Bæjarráð vísar 5. og 6. lið til umhverfis- og mannvirkjasviðs, aðrir liðir fundargerðarinnar eru lagðir fram til kynningar í bæjarráði.

Fylgiskjöl

• 107.fundur hverfisnefndar_holta_hlida.pdf

3. liður í fundargerð umhverfis- og mannvirkjaráðs dagsett 1. september 2017:

Tilnefning fulltrúa ráðsins í verkefnislið um endurnýjun þjónustusamninga í sorpmálum 2018.

Umhverfis- og mannvirkjaráð tilnefnir Gunnar Gíslason D-lista og Eirík Jónsson S-lista sem fulltrúa ráðsins í verkefnisliðinu. Ráðið óskar eftir tilnefningu frá bæjarráði.

Bæjarráð skipar Sóleyju Björk Stefánsdóttur V-lista í verkefnisliðið.