Bæjarráð - 3496

Lagt fram erindi dagsett 29. febrúar 2016 frá Einari Gauta Steingrímssyni hrl. þar sem hann fyrir hönd Snorra Óskarssonar leggur fram bótakröfu á hendur Akureyrarbæ með vísan í dóm Hæstaréttar frá 11. febrúar sl. í máli nr. 396/2015.

Inga Þöll Þórgnýsdóttir bæjarlögmaður og Dan Jens Brynjarsson fjármálastjóri sátu fund bæjarráðs undir þessum lið.

Bæjarráð felur bæjarstjóra og bæjarlögmanni að leita samninga við bréfritara í samræmi við umræður á fundinum.

Lagt fram til kynningar yfirlit um rekstur aðalsjóðs frá janúar til desember 2015.

Dan Jens Brynjarsson fjármálastjóri sat fund bæjarráðs undir þessum lið.

5. liður í fundargerð skólanefndar dagsett 15. febrúar 2016:

Árni Konráð Bjarnason rekstrarstjóri á skóladeild og Hrafnhildur Sigurðardóttir leikskólafulltrúi á skóladeild fóru yfir breytingar í kjölfar nýrra kjarasamninga og starfsmats.

Skólanefnd óskar eftir viðbótarfjármagni frá bæjarráði að upphæð kr. 3.748.500 til Hlíðabóls vegna breytinga á nýjum kjarasamningum og starfsmati.

Bæjarráð samþykkir umbeðið erindi en frestar gerð viðauka.

Tilnefning aðalmanns í nefnd/rýnihóp sem fjallar um þjónusturýni.

Bæjarráð tilnefnir Önnu Marit Níelsdóttur í nefndina/rýnihópinn.

Erindi dagsett 17. febrúar 2016 frá mennta- og menningarmálaráðuneytinu þar sem vísað er til ákvæða 4. gr. reglugerðar nr. 362/1995 um Vetraríþróttamiðstöð Íslands og óskað eftir að Akureyrarbær tilnefni tvo fulltrúa og tvo varafulltrúa í stjórn Vetraríþróttamiðstöðvar Íslands til næstu fjögurra ára. Skipunartími stjórnar rennur út 1. mars 2016. Samkvæmt reglugerðinni er annar fulltrúi Akureyrarbæjar formaður stjórnar.

Óskað er eftir með skírskotun til 15. gr. laga nr. 10/2008 að tilnefndir verði fjórir einstaklingar, tveir karlar og tvær konur. Ráðherra skipar í stjórnina og velur úr tilnefningum svo kynjaskipting sé sem jöfnust.

Bæjarráð tilnefnir Siguróla Magna Sigurðsson og Þórunni Sif Harðardóttur sem aðalmenn og Ingibjörgu Ólöfu Isaksen og Jónas Björgvin Sigurbergsson til vara.

Erindi dagsett 22. febrúar 2016 frá Eignarhaldsfélagi Brunabótafélags Íslands varðandi umsóknir í styrktarsjóð EBÍ 2016.

Aðildarsveitarfélag sendir aðeins inn eina umsókn sem skila á á þar til gerðu umsóknareyðublaði. Umsóknir skulu vera vegna sérstakra framfaraverkefna á vegum sveitarfélaganna en ekki vegna almennra rekstrarverkefna þeirra.

Umsóknarfrestur er til loka apríl nk.

Bæjarráð hvetur nefndir og deildir bæjarins til að skoða verkefni sem falla undir reglur sjóðins og senda tillögur til bæjarstjóra fyrir 8. apríl nk.

Lagt fram til kynningar erindi dagsett 22. febrúar 2016 frá Lánasjóði sveitarfélaga ohf þar sem auglýst er eftir framboðum í stjórn Lánasjóðs sveitarfélaga. Framboðum skal skila í síðasta lagi á hádegi mánudaginn 7. mars nk.

Lögð fram fundargerð viðtalstíma bæjarfulltrúa dagsett 25. febrúar 2016.

Bæjarráð vísar 3. lið til framkvæmdadeildar, 4. lið til Akureyrarstofu, 7. og 8. lið til bæjarstjóra, 5. liður er færður í trúnaðarmálabók viðtalstíma bæjarfulltrúa, 1., 2. og 6. liður eru lagðir fram til kynningar í bæjarráði.

Lögð fram 97. fundargerð hverfisráðs Hríseyjar dagsett 19. febrúar 2016. Fundargerðina má finna á netslóðinni: http://www.akureyri.is/is/stjornkerfid/hverfisnefndir/hrisey/fundargerdir

Bæjarráð vísar 3. og 4. lið til framkvæmdadeildar, 1. og 2. liður eru lagðir fram til kynningar í bæjarráði.

Lögð fram fundargerð 71. fundar hverfisnefndar Naustahverfis dagsett 3. febrúar 2016.

Fundargerðina má finna á netslóðinni: http://www.akureyri.is/is/stjornkerfid/hverfisnefndir/naustahverfi/fundargerdir

Bæjarráð vísar 1. lið til skipulagsdeildar og 2. og 3. lið til framkvæmdadeildar.

Lagðar fram til kynningar fundargerð 277. fundar stjórnar Eyþings dagsett 17. febrúar 2016. Fundargerð 5. fundar fulltrúaráðs Eyþings dagsett 28. janúar 2016 og fundargerð sameiginlegs fundar stjórnar Eyþings og SSA með þingmönnum Norðausturkjördæmis dagsett 9. febrúar 2016.

Fundargerðir stjórnar Eyþings og fulltrúaráðs Eyþings má finna á netslóðinni: http://www.eything.is/is/fundargerdir