Bæjarráð - 3480

Unnið að gerð fjárhagsáætlunar.

Dan Jens Brynjarsson fjármálastjóri sat fund bæjarráðs undir þessum lið.

Einnig mætti á fundinn undir þessum lið Silja Dögg Baldursdóttir L-lista.

Bæjarráð vísar fjárhagsáætlun Akureyrarbæjar 2016-2019 til fyrri umræðu í bæjarstjórn.

Silja Dögg Baldursdóttir formaður samfélags- og mannréttingaráðs og Sigríður Stefánsdóttir framkvæmastjóri samfélags- og mannréttindadeildar mættu á fund bæjarráðs undir þessum lið og fóru yfir stöðu mála.

Bæjarráð felur bæjarstjóra að ganga frá ráðningu verkefnisstjóra vegna móttöku flóttamanna.

Erindi dagsett 1. október 2015 frá Bjarna Jónassyni forstjóra SAk þar sem hann óskar eftir að Akureyrarbær tilnefnir aðal- og varamann í nefnd/rýnihóp sem fjallar um þjónusturýni.

Bæjarráð tilnefnir Sigríði Huld Jónsdóttur sem aðalmann og Bryndísi Björgu Þórhallsdóttur sem varamann.

Lagt fram til kynningar bréf dagsett 20. október 2015 frá atvinnuvega- og nýsköpunarráðuneytinu þar sem tilkynnt er um úthlutaðan byggðakvóta fiskveiðiársins 2015/2016, 158 þorskígildistonn vegna Hríseyjar og 62 þorskígildistonn vegna Grímseyjar.

Í bréfinu er einnig vakin athygli á því að vilji sveitarstjórn leggja til við ráðuneytið að sett verði sérstök skilyrði varðandi úthlutun byggðakvóta sveitarfélagsins eða einstakra byggðalaga skal hún skila rökstuddum tillögum sínum til ráðuneytisins eigi síðar en 10. nóvember 2015.

Lögð fram til kynningar fundargerð aðalfundar hverfisnefndar Lunda- og Gerðahverfis dagsett 15. október 2015.

Fundargerðina má finna á netslóðinni:

http://www.akureyri.is/is/stjornkerfid/hverfisnefndir/lunda-og-gerdahverfi/fundargerdir

Bæjarráð felur bæjarstjóra að fylgja eftir athugasemdum sem fram koma í fundargerðinni.

Erindi dagsett 19. október 2015 frá stjórnendum í grunnskólum Akureyrarbæjar þar sem skorað er á bæjarráð Akureyrarbæjar að beita sér í samningaviðræðum Skólastjórafélags Íslands og samninganefndar Sambands íslenskra sveitarfélaga.

Bæjarráð lýsir áhyggjum af stöðunni í kjaraviðræðum samninganefndar Sambands íslenskra sveitarfélaga og Skólastjórafélags Íslands og hvetur hlutaðeigandi til þess að ljúka samningum sem allra fyrst.