Bæjarráð - 3744

Unnið að gerð fjárhagsáætlunar.

Kristín Baldvinsdóttir forstöðumaður hag- og áætlanadeildar og bæjarfulltrúarnir Andri Teitsson, Eva Hrund Einarsdóttir og Þórhallur Jónsson sátu fundinn undir þessum lið.

Liður 2 í fundargerð umhverfis- og mannvirkjaráðs dagsettri 24. september 2021:

Teknar fyrir breytingar vegna styttingar vinnuvikunnar og fjölgun stöðugilda.

Ólafur Stefánsson slökkviliðsstjóri og Gunnar Rúnar Ólafsson aðstoðarslökkviliðsstjóri sátu fundinn undir þessum lið.

Fjölgun um 7 stöðugildi slökkviliðsins á vöktum, fjölga stöðugildum úr 23 í 30. Á móti er gert ráð fyrir hækkun í samningi við Sjúkratryggingar Íslands þannig að nettó niðurstaða Akureyrarbæjar er um kr. 300.000.000 sem er um 12% hækkun milli ára. Umhverfis- og mannvirkjaráð samþykkir framlagða áætlun fyrir sitt leyti og vísar til bæjarráðs.

Bæjarfulltrúarnir Andri Teitsson, Eva Hrund Einarsdóttir og Þórhallur Jónsson sátu fundinn undir þessum lið.

Bæjarráð samþykkir að betri vinnutími taki gildi frá og með 1. mars nk. og heimilar fjölgun um allt að 6 stöðugildi á vöktum. Jafnframt er slökkviðliðsstjóra falið að vinna launaáætlun í samræmi við þessa samþykkt í samvinnu við sviðsstjóra stjórnsýslusviðs með það að markmiði að leita allra mögulegra leiða til hagræðingar.

Umfjöllun um samþykkt um námsleyfi sérmenntaðs starfsfólks.

Bæjarfulltrúarnir Andri Teitsson, Eva Hrund Einarsdóttir og Þórhallur Jónsson sátu fundinn undir þessum lið.

Bæjarráð samþykkir að fella úr gildi samþykkt um námsleyfi sérmenntaðs starfsfólks Akureyrarbæjar.

Liður 2 í fundargerð velferðarráðs dagsettri 22. september 2021:

Lögð fram drög að endurnýjun samnings um sameiginlegt þjónustusvæði í Eyjafirði um þjónustu við fatlað fólk.

Halldóra Kristín Hauksdóttir lögfræðingur velferðarsviðs sat fundinn undir þessum lið.

Velferðarráð samþykkir samninginn og vísar málinu til bæjarstjórnar.

Málið var áður á dagskrá bæjarráðs 14. október sl. og var afgreiðslu þá frestað.

Guðrún Sigurðardóttir sviðsstjóri velferðarsviðs sat fundinn undir þessum lið.

Bæjarráð felur bæjarstjóra, sviðsstjóra velferðarsviðs og sviðsstjóra fjársýslusviðs að funda með sveitarstjórum þeirra sveitarfélaga sem aðild eiga að samningnum.

Liður 4 í fundargerð fræðsluráðs dagsettri 4. október 2021:

Seinni umræða um ósk um viðauka vegna móttöku flóttamanna í leik- og grunnskólum.

Fræðsluráð samþykkir erindið samhljóða og vísar því til bæjarráðs.

Málið var áður á dagskrá bæjarráðs 14. október sl. og var afgreiðslu þá frestað.

Karl Frímannsson sviðsstjóri fræðslusviðs sat fund bæjarráðs undir þessum lið.

Bæjarráð samþykkir viðauka að fjárhæð 12 milljónir króna vegna málsins og felur sviðsstjóra fjársýslusviðs að útbúa hann.

Lögð voru fram drög að útboðslýsingu vegna útboðs á veitingarekstri í Hlíðarfjalli veturinn 2021-2022.

Inga Þöll Þórgnýsdóttir bæjarlögmaður sat fundinn undir þessum lið.

Bæjarráð felur sviðsstjóra fjársýslusviðs, bæjarlögmanni og sviðsstjóra samfélagssviðs að yfirfara útboðslýsingu með hliðsjón af umræðum á fundinum og leggja fyrir bæjarráð í næstu viku.

Lögð fram drög að starfsáætlun fjársýslusviðs fyrir árið 2022.

Frestað til næsta fundar.

Lögð fram drög að starfsáætlun stjórnsýslusviðs fyrir árið 2022.

Frestað til næsta fundar.

Erindi dagsett 7. október 2021 frá Karli Björnssyni fyrir hönd Sambands íslenskra sveitarfélaga þar sem kynnt er áætlun um stafræn samstarfsverkefni 2022 og áætluð framlög sveitarfélaganna. Óskað er eftir að sveitarfélög skrái sig til þátttöku í verkefnum fyrir 1. nóvember nk.

Bæjarráð samþykkir þátttöku Akureyrarbæjar í samstarfsverkefninu og felur sviðsstjóra stjórnsýslusviðs að vinna málið og halda bæjarráði upplýstu um framgang verkefnisins.

Halla Margrét Tryggvadóttir og Ásthildur Sturludóttir viku af fundi kl. 11:25

Fylgiskjöl

• Bréf til sveitarfélaga-KB.pdf

Liður 3 í fundargerð skipulagsráðs dagsettri 13. október 2021:

Lagt fram yfirlit yfir umsóknir sem bárust við auglýsingu lóða í Holtahverfi. Þá er jafnframt lagt fram erindi Eiríks H. Haukssonar dagsett 7. október 2021 f.h. Búfesti varðandi úthlutun lóðarinnar Þursaholt 2-10.

Skipulagsráð felur sviðsstjóra skipulagssviðs að undirbúa úthlutun lóða á næsta fundi skipulagsráðs. Erindi frá Búfesti er vísað til bæjarráðs.

Pétur Ingi Haraldsson sviðsstjóri skipulagssviðs sat fund bæjarráðs undir þessum lið.

Bæjarráð felur sviðsstjóra fjársýslusviðs og sviðsstjóra skipulagssviðs að ræða við forsvarsmenn Búfesti um málið.

Erindi dagsett 14. október 2021 frá Finni Yngva Kristinssyni, sveitarstjóra Eyjarfjarðarsveitar, þar sem óskað er eftir að Akureyrarbær leigi Eyjafjarðarsveit 10.000 fermetra landspildu út landi Botns fyrir gámasvæði.

Bæjarráð felur bæjarstjóra að ræða við bréfritara.

Lögð fram til kynningar fundargerð 147. fundar hverfisráðs Hríseyjar dagsett 5. október 2021.

Fundargerðina má finna á netslóðinni https://www.akureyri.is/is/stjornkerfi/stjornsysla/hverfisnefndir/hrisey/fundargerdir

Lagðar fram til kynningar fundargerðir eftirtalinna funda stjórnar SSNE:

23. fundur, 24. febrúar 2021

24. fundur, 17. mars 2021

25. fundur, 19. mars 2021

26. fundur, 5. maí 2021

27. fundur, 9. júní 2021

28. fundur, 11. ágúst 2021

29. fundur, 8. september 2021

Lögð fram til kynningar fundargerð 266. fundar stjórnar Norðurorku hf. dagsett 6. október 2021.