Framkvæmdaráð - 325

Kynning á vinnu aðgerðarhóps um framtíðarrekstur Akureyrarbæjar.

Eiríkur Björn Björgvinsson bæjarstjóri og Magnús Kristjánsson endurskoðandi hjá KPMG kynntu störf hópsins. Undir þessum lið sátu einnig Guðríður Friðriksdóttir framkvæmdastjóri Fasteigna Akureyrarbæjar og Steindór Ívar Ívarsson verkefnastjóri.

Slökkviliðsstjóri, Ólafur Stefánsson, lagði fram endurskoðaða tillögu um samstarfssamning við Hafnasamlag Norðurlands.

Framkvæmdaráð frestar afgreiðslu til næsta fundar.

Farið yfir kröfur verktaka, G.V. Gröfur ehf, um verðbætur vegna framkvæmda við Hagahverfi.

Inga Þöll Þórgnýsdóttir bæjarlögmaður og Dan Jens Brynjarsson fjármálastjóri sátu fundinn undir þessum lið.

Framkvæmdaráð hafnar erindinu.

Gerð grein fyrir nýjum tillögum um forgang snjómoksturs á gönguleiðum og við akbrautir í nágrenni skóla bæjarins.

Framkvæmdaráð felur starfsmönnum að vinna áfram að málinu í samræmi við umræður á fundinum.

Hermann Ingi Arason áheyrnarfulltrúi V-lista vék af fundi kl. 10:47.

Farið yfir tillögur um verklegar framkvæmdir og umhverfisátak ársins 2016.

Framkvæmdaráð samþykkir framkvæmdaáætlun og vísar nauðsynlegum viðaukum til bæjarráðs.

Þá samþykkir meirihluti framkvæmdaráðs umhverfisátak ársins 2016.

Þorsteinn Hlynur Jónsson Æ-lista leggst gegn því að framlag til hverfisnefnda og ráða verði lækkað.

Blindrafélagið hefur óskað eftir að gerður verði nýr samningur um ferðaþjónustu blindra á Akureyri.

Framkvæmdaráð felur Helga Má Pálssyni bæjartæknifræðingi að ganga frá samningsdrögum til samræmis við umræður á fundinum og leggja fyrir ráðið á ný.

Njáll Trausti Friðbertsson D-lista óskar bókað:

Ég tel nauðsynlegt að tekin séu saman gögn um lengd gatnakerfisins og stígakerfisins í sveitarfélaginu. Einnig verði skoðað hvernig sú þróun hefur verið á undanförnum árum.

Ég tel þessi gögn mikilvæg inn í þá vinnu sem framundan er varðandi nýtt aðalskipulag. Nýtist vel í umræðu varðandi snjómokstur og nýja umhverfis- og samgöngustefnu sem nú er unnið að.