Atvinnumálanefnd - 7

Samfélags- og mannréttindaráð hefur unnið að endurskoðun jafnréttisstefnu bæjarins og óskaði eftir umsögn atvinnumálanefndar.

Atvinnumálanefnd frestar umsögn til næsta fundar.

Lagt fram erindi frá 93. fundi hverfisráðs Hríseyjar, sem vísað var til atvinnumálanefndar frá bæjarráði á fundi 23. júlí 2015. Í bókun hverfisráðsins er velt upp möguleikum á nýtingu húsnæðisins Hlein til atvinnustarfsemi.

Atvinnumálanefnd tekur jákvætt í hugmyndina um aukna nýtingu húsnæðisins en telur eðlilegt að málið verði skoðað af nýjum verkefnastjóra um Brothættar byggðir þegar hann tekur til starfa.

Lögð fram drög að starfslýsingu og auglýsingu eftir starfsmanni til að vinna að verkefninu Brothættum byggðum í Hrísey og Grímsey.

Atvinnumálanefnd samþykkir drög að starfslýsingu og auglýsingu fyrir sitt leyti og leggur til við bæjarráð að starfið verði auglýst sem fyrst.