Bæjarráð - 3465

Umræður um sjúkraflutninga og framtíðarskipulag hjá Slökkviliði Akureyrar.

Ólafur Stefánsson slökkviliðsstjóri, Anton Berg Carrasco trúnaðarmaður starfsmanna SA, Helgi Már Pálsson bæjartæknifræðingur og Karl Guðmundsson verkefnastjóri mættu á fund bæjarráðs undir þessum lið.

Eiríkur Björn Björgvinsson bæjarstjóri vék af fundi kl. 10:50

Lagðar fram forsendur vegna fjárhagsáætlunar 2016.

Jón Bragi Gunnarsson hagsýslustjóri og Dan Jens Brynjarsson fjármálastjóri sátu fund bæjarráðs undir þessum lið.

Bæjarráð samþykkir framlagðar forsendur.

1. liður í fundargerð kjarasamninganefnd dagsett 13. júlí 2015:

2. liður í fundargerð velferðarráðs dagsett 3. júní 2015.

Guðrún Ólafía Sigurðardóttir framkvæmdastjóri fjölskyldudeildar lagði fram minnisblað dagsett 29. maí 2015 um stöðu forstöðumanns í félagsþjónustu.

Velferðarráð samþykkir skipulagsbreytinguna og vísar málinu áfram til umfjöllunar í kjarasamninganefnd.

Kjarasamninganefnd leggur til við bæjarráð að nýtt starf forstöðumanns félagsþjónustu á fjölskyldudeild verði skilgreint sem forstöðumannsstarf. Lagt er til að greitt verði stjórnendaálag vegna starfsins skv. reglum Akureyrarbæjar um greiðslu stjórnendaálags.

Halla Margrét Tryggvadóttir starfsmannastjóri sat fund bæjarráðs undir þessum lið.

Bæjarráð samþykkir tillögu kjarasamninganefndar og felur velferðarráði að leita leiða til að fjármagna kostnaðarauka innan málaflokksins.

2. liður í fundargerð kjarasamninganefndar dagsett 13. júlí 2015:

Halla Margrét Tryggvadóttir starfsmannastjóri kynnnti tillögu að breytingu á skipuriti starfsmannaþjónustu Akureyrarbæjar.

Kjarasamninganefnd leggur til við bæjarráð að nýtt starf forstöðumanns hjá starfsmannaþjónustu verði skilgreint sem forstöðumannsstarf. Lagt er til að greitt verði stjórnendaálag vegna starfsins skv. reglum Akureyrarbæjar um greiðslu stjórnendaálags.

Halla Margrét Tryggvadóttir starfsmannastjóri sat fund bæjarráðs undir þessum lið.

Bæjarráð samþykkir tillögu kjarasamninganefndar og felur starfsmannastjóra að leita leiða til að fjármagna kostnaðarauka innan málaflokksins.