Velferðarráð - 1353

Farið yfir samþykkt fyrir velferðarráð sem samþykkt var í bæjarstjórn 14. desember 2021.

Lögð fram mannréttindastefna Akureyrarbæjar en óskað er eftir að ráðin skipi þróunarleiðtoga skv. stefnunni.

Velferðarráð samþykkir Huldu Elmu Eysteinsdóttur formann velferðarráðs sem þróunarleiðtoga velferðarráðs fyrir mannréttindastefnu Akureyrarbæjar.

Stutt kynning á velferðarsviði.

Starfsáætlun velferðarsviðs lögð fram til kynningar og umræðu.

Verkefni nr. 2 í starfsáætlun verlferðarráðs um byggingu þjónustukjarna í Nonnahaga.

Velferðarráð felur sviðsstjóra að greina þörf fyrir húsnæði í málaflokki fatlaðs fólks með það að markmiði að flýta uppbyggingu í Nonnahaga samhliða framkvæmdum í Hafnarstræti.

Verkefni nr. 15 í starfsáætlun verlferðarráðs um kannanir á þjónustu.

Velferðarráð óskar eftir því að framkvæmd verði könnun sem miðar að nýtingu og eftirspurn á íþrótta- og tómstundastarfi fyrir fötluð börn með það að markmiði að auka framboð í samræmi við eftirspurn.



Enn fremur óskar velferðarráð eftir því að í haust verði hafin vinna við kortlagningu á sárafátækt á Akureyri og í framhaldinu verði lögð fram áætlun um það hvernig megi styðja við fólk út úr þeim aðstæðum. Sviðsstjóra er falið koma því verkefni inn í starfsáætlun velferðarsviðs.

Lagt fram til kynningar rekstraryfirlit velferðarsviðs eftir fyrstu fjóra mánuði ársins.

Kolbeinn Aðalsteinsson forstöðumaður skrifstofu velferðarsviðs og Anna Marit Nielsdóttir forstöðumaður félagsþjónustu velferðarsviðs sátu fundinn undir þessum lið.

Lagt fram til kynningar yfirlit yfir veitta fjárhagsaðstoð eftir fyrstu fjóra mánuði ársins.

Kolbeinn Aðalsteinsson forstöðumaður skrifstofu velferðarsviðs og Anna Marit Nielsdóttir forstöðumaður félagsþjónustu velferðarsviðs sátu fundinn undir þessum lið.

Anna Marit Níelsdóttir forstöðumaður kynnti áfrýjanir í fjárhagsaðstoð. Afgreiðsla málanna er trúnaðarmál og færð í trúnaðarmálabók velferðarráðs.

Fjárhagserindi og afgreiðsla þeirra eru færð í trúnaðarmálabók velferðarráðs.

Anna Marit Nielsdóttir forstöðumaður félagsþjónustu velferðarsviðs sat fundinn undir þessum lið.

Lagt fram erindi frá Erlingi Kristjánssyni forstöðumanni Fjölsmiðjunnar á Akureyri dags. 31. maí 2022 þar sem óskað er eftir endurnýjun á rekstrarsamnngi.

Velferðarráð samþykkir að endurnýja rekstrarsamning til tveggja ára við Fjölsmiðjuna á Akureyri og felur sviðsstjóra að vinna málið.

Lögð fram drög að fundaáætlun velferðarráðs frá ágúst til desember 2022.

Velferðarráð samþykkir framlagða fundarárætlun.