Bæjarráð - 3877

Kynntar niðurstöður þjónustukönnunar Gallup 2024.

Sumarliði Helgason sviðsstjóri þjónustu- og menningarsviðs sat fundinn undir þessum lið.

Bæjarráð fagnar góðri niðurstöðu og telur mikilvægt að fá fram viðhorf bæjarbúa til þjónustu sveitarfélagsins og þakkar þátttakendum fyrir mikilvægt framlag. Bæjarráð beinir því til sviða og ráða að taka niðurstöður könnunarinnar til umfjöllunar og úrvinnslu.

Fylgiskjöl

• Akureyri_4035926_þjk_svf_2024.pdf

Afgreiðsla málsins er trúnaðarmál og er færð í trúnaðarmálabók bæjarráðs.

Liður 18 í fundargerð skipulagsráðs 15. janúar 2025:

Lögð fram til umræðu tillaga að breytingu á gjaldskrá gatnagerðar- og byggingarréttargjalda. Sindri Kristjánsson S-lista vék af fundi undir þessum fundarlið.

Sóley Björk Stefánsdóttir V-lista leggur fram tillögu um að orðalag í grein 5.2 sé sambærilegt og í 6. grein þar sem heimilt er að fella niður gjöld vegna uppbyggingar sérhæfðs félagslegs húsnæðis. Meirihluti skipulagsráðs hafnar þeirri tillögu. Meirihluti skipulagsráðs samþykkir fyrirliggjandi drög og vísar málinu til afgreiðslu í bæjarráði. Sóley Björk Stefánsdóttir V-lista situr hjá.

Pétur Ingi Haraldsson sviðsstjóri skipulagssviðs og Dan J. Brynjarsson sviðsstjóri fjársýslusviðs sátu fund bæjarráðs undir þessum lið.

Bæjarráð samþykkir framlagða tillögu að breytingum á gjaldskrá gatnagerðargjalda með fjórum atkvæðum og vísar henni til umræðu og afgreiðslu í bæjarstjórn.



Sunna Hlín Jóhannesdóttir B-lista situr hjá.

Fylgiskjöl

• Gjaldskrá gatnagerðargjalda í Akureyrarbæ_DRÖG_10jan2025.pdf

Farið yfir helstu viðhaldsverkefni bæjarins á árinu 2024.

Guðríður Friðriksdóttir sviðsstjóri umhverfis- og mannvirkjasviðs og Steindór Ívar Ívarsson forstöðumaður viðhaldsdeildar umhverfis- og mannvirkjasviðs sátu fund bæjarráðs undir þessum lið.

Lagt fram til kynningar.

Tilnefning fulltrúa úr bæjarráði í fagráð Barnamenningarhátíðar á Akureyri, samkvæmt verklagsreglum um stuðning Akureyrarbæjar við viðburði á Barnamenningarhátíð. Bæjarráð skipar einn fulltrúa úr sínum röðum og einn fulltrúa með reynslu og þekkingu af menningarstarfi.



Í upphafi þessa dagskrárliðar vakti Hilda Jana Gísladóttir S-lista á því athygli að hún teldi sig vanhæfa að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir bæjarráð og var það samþykkt með fimm samhljóða atkvæðum.

Bæjarráð samþykkir að skipa Heimi Örn Árnason bæjarfulltrúa og Karólínu Baldvinsdóttur í fagráð Barnamenningarhátíðar.