Skipulagsráð - 251

Lögð fram og tekin til umræðu samantekt á þróun gisti- og leiguíbúða til skammtímaleigu í Akureyrarkaupstað.

Umræður. Skipulagsráð telur að í greinargerð aðalskipulags eigi að koma fram upplýsingar um framboð íbúða til skammtímaleigu sem og þróun eignarhalds íbúða á síðustu árum.

Skipulagsnefnd samþykkti á fundi 5. október 2016 að senda drög að greinargerð Aðalskipulags Akureyrar 2018-2030 dagsett 30. september 2016, þéttbýlisuppdrætti dagsett 26. september 2016 og uppdrætti fyrir Hrísey og Grímsey dagsett 29. september 2016 til umsagnar innan bæjarkerfisins. Skipulagsráð frestaði málinu á fundi 11. janúar 2017.

Sviðsstjóri skipulagssviðs lagði fram samantekt á innkomnum umsögnum/athugasemdum og tillögur að afgreiðslu þeirra.

Einnig voru lögð fram drög að umhverfisskýrslu Aðalskipulags Akureyrar 2018-2030 ódagsett.

Skipulagsráð felur sviðsstjóra skipulagssviðs að gera lagfæringar á greinargerð, þéttbýlisuppdrætti og sveitarfélagsuppdrætti í samræmi við umræður á fundinum.