Bæjarstjórn - 3380

Lögð fram tillaga frá Æ-lista um breytingu á skipan aðalmanns og varamanns í íþróttaráði og varaáheyrnarfulltrúa í samfélags- og mannréttindaráði:



Íþróttaráð:

Jónas Björgvin Sigurbergsson tekur sæti aðalmanns í stað Sigurjóns Jónassonar og Áshildur Hlín Valtýsdóttir tekur sæti varamanns í stað Jónasar Björgvins Sigurbergssonar.



Samfélags- og mannréttindaráð:

Kristín Björk Gunnarsdóttir tekur sæti varaáheyrnarfulltrúa í stað Jóns Gunnars Þórðarsonar.

Bæjarstjórn samþykkir tillöguna með 11 samhljóða atkvæðum.

5. liður í fundargerð bæjarráðs dagsett 11. september 2015:

Ræddar hugmyndir að breytingum á Samþykkt um stjórn og fundarsköp Akureyrarkaupstaðar.

Bæjarráð vísar umræðum um breytingu á Samþykkt um stjórn og fundarsköp Akureyrarkaupstaðar til bæjarstjórnar.

Bæjarstjórn samþykkir með 11 samhljóða atkvæðum að vísa málinu til bæjarráðs og óskar eftir að ráðið geri tillögur að breytingum.

Umræður um fjármál sveitarfélaga með áherslu á málefni fatlaðs fólks.

Lögð fram tillaga að bókun svohljóðandi:



Bæjarstjórn Akureyrar áréttar mikilvægi þess að fjármögnun á málaflokki fatlaðs fólks verði tryggð. Mikilvægt er að ríkið komi þegar í stað með viðbótarfjármagn til að mæta hallarekstri sveitarfélaganna á málaflokki fatlaðs fólks og ekki síður að fjármögnun málaflokksins verði tryggð til framtíðar. Þá áréttar bæjarstjórn Akureyrar að afar brýnt er að þegar í stað verði gengið frá fjármögnun öryggisvistunar sem sveitarfélagið er að sinna.



Bæjarstjórn samþykkir framlagða bókun með 11 samhljóða atkvæðum.

Eiríkur Björn Björgvinsson bæjarstjóri fór yfir helstu atriði í störfum sínum frá síðasta fundi.