Bæjarráð - 3883

Fulltrúar Samtaka sveitarfélaga og atvinnuþróunar á Norðurlandi eystra mættu til fundar og kynntu starfsemi, áherslur ársins og það sem helst snýr að Akureyrarbæ í verkefnum samtakanna.

Albertína F. Elíasdóttir framkvæmdastjóri SSNE og Elva Gunnlaugsdóttir verkefnastjóri SSNE sátu fund bæjarráðs undir þessum lið.

Þá sátu bæjarfulltrúarnir Halla Björk Reynisdóttir og Lára Halldóra Eiríksdóttir undir þessum lið í gegnum fjarfundarbúnað.

Bæjarráð þakkar fulltrúum SSNE fyrir kynninguna.

Lögð fram drög að vinnuferli og tímaáætlun vegna gerðar fjárhagsáætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið í gegnum fjarfundarbúnað.

Bæjarráð felur sviðsstjóra fjársýslusviðs að vinna málið áfram.

Ásthildur Sturludóttir bæjarstjóri fór af fundi kl. 9:30.
Sunna Hlín Jóhannesdóttir B-lista fór af fundi kl. 9:52.

Lagt fram erindi frá formanni skipulagsnefndar Eyjafjarðar um framtíðarfyrirkomulag skipulags- og byggingarmála.

Halla Björk Reynisdóttir bæjarfulltrúi og formaður skipulagsráðs og Pétur Ingi Haraldsson sviðsstjóri skipulagssviðs sátu fundinn undir þessum lið.

Bæjarráð er reiðubúið til að standa að því með öðrum sveitarfélögum við Eyjafjörð að skoða þann kost að setja upp sameiginlega skrifstofu sem sér um vinnslu skipulags- og byggingamála fyrir öll sveitarfélög við Eyjafjörð. Í framhaldi þeirrar skoðunar verði svæðisskipulag svæðisins skoðað.

Fylgiskjöl

• Erindi frá formanni skipulagsnefndar Eyjarfjarðar 28. janúar 2025.pdf

Akureyrarbær skipar tvo fulltrúa í stjórn Iðnaðarsafnsins samkvæmt stofnskrá þess. Annar þeirra hefur óskað eftir því að láta af stjórnarsetu og því þarf að skipa nýjan fulltrúa í hans stað.

Bæjarráð samþykkir að skipa Þórgný Dýrfjörð forstöðumann atvinnu- og menningarmála í stjórn Iðnaðarsafnsins.

Kynntur nýgerður kjarasamningur aðildarfélaga Kennarasambands Íslands.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir að gerður verði viðauki vegna málsins og felur sviðsstjórum mannauðssviðs og fjársýslusviðs að vinna viðaukann og leggja fyrir bæjarráð.

Fylgiskjöl

• InnanhússtillagaríkissáttassemjaraíkjaradeiluKÍogSOLundirrituð feb 2025.pdf

Erindi dagsett 3. mars 2025 frá Lánasjóði sveitarfélaga þar sem boðað er til aðalfundar Lánasjóðs sveitarfélaga fimmtudaginn 20. mars 2025 kl. 16:00, á Hilton Nordica Reykjavík.

Bæjarráð felur Ásthildi Sturludóttur bæjarstjóra að fara með atkvæði Akureyrarbæjar á fundinum.

Fylgiskjöl

• Fundarboðlánasjóður.pdf

Erindi dagsett 3. mars 2025 þar sem stjórn SSNE boðar til ársþings 2025 sem haldið verður á Hótel Natur, Svalbarðsstrandarhreppi, 2.- 3. apríl næstkomandi.

Lögð fram til kynningar fundargerð 307. stjórnarfundar Norðurorku hf. sem fram fór 25. febrúar 2025.

Fylgiskjöl

• Fundargerð 307. fundar stjórnar Norðurorku.pdf