Samráðshópur um málefni fatlaðs fólks - 2

Unnið er að endurbótum á kirkjutröppunum og óskað eftir umsögn frá Samráðshópnum um hönnunina.

Sigurður Gunnarsson verkefnastjóri nýframkvæmda sat fundinn undir þessum lið og kynnti verkefnið.

Tillaga að hönnun var samþykkt og þótti það góð lausn að handrið yrði eingöngu í miðjunni en það yrði haft tvöfalt eins og fram kom í kynningunni.

Anna Einarsdóttir forstöðumaður skammtímavistunar sat fundinn undir þessum lið og kynnti starfsemi skammtímavistunar.

Umræður um bókun frá Þroskahjálp sem varðar stöðu biðlista eftir sértæku húsnæði og þar lýst yfir þungum áhyggjum vegna stefnu bæjarins að auka framboð á íbúðum í gegnum leigufélög í stað þess að byggja sérhæfða þjónustukjarna.

Umrædd bókun rædd og beðið er eftir kynningarfundi velferðarsviðs um stöðu mála. Krafa er um að hann verði haldinn fyrir sumarið.

Guðrún Guðmundsdóttir starfandi þjónustustjóri velferðarsviðs kynnti verklag samráðshópsins.

Samráðshópur fagnar því að komið sé skýrt verklag og mikilvægt að það sem fjallað er um á þessum fundum fari á rétta staði í bæjarkerfinu.