Velferðarráð - 1249

Lúðvík Freyr Sæmundsson rekstrarstjóri ÖA lagði fram og kynnti uppfært skorkort ÖA fyrir tímabilið 2013-2016.

Velferðarráð þakkar kynninguna.

Lögð fram til kynningar rekstraryfirlit búsetusviðs, fjölskyldusviðs og Öldrunarheimila Akureyrarbæjar fyrir janúar 2017.

Lúðvík Freyr Sæmundsson fjármálastjóri ÖA, Kolbeinn Aðalsteinsson skrifstofustjóri búsetusviðs og Jón Hrói Finnsson sviðsstjóri búsetusviðs sátu fundinn undir þessum lið.

Samþykkt fyrir velferðarráð aftur á dagskrá. Málinu var frestað á fundi ráðsins 15. febrúar sl.

Velferðarráð samþykkir breytingar fyrir sitt leyti og mun Guðrún Sigurðardóttir sviðsstjóri fjölskyldusviðs fylgja málinu eftir.

Fyrirhugað er að halda árlegan vinabæjafund á sviði heilbrigðis- og félagsmála á Akureyri árið 2017.

Jón Hrói Finnsson sviðsstjóri búsetusviðs kynnti stöðu mála við undirbúning hans.

Einnig lagt fram til kynningar boð á vinabæjafund um málefni fatlaðs fólks sem haldinn verður í Västerås í Svíþjóð 31. maí - 2. júní nk.

Velferðarráð er almennt hlynnt þátttöku í vinabæjasamstarfi.

Lögð fram til kynningar drög að ársskýrslu búsetudeildar fyrir árið 2016.

Laufey Þórðardóttir verkefnastjóri búsetusviðs sat fundinn undir þessum lið.

Kynntar tillögur kjarasamninganefndar um breytingar á skipuriti búsetusviðs.

Velferðarráð samþykkir framlagða tillögu fyrir sitt leyti og vísar kostnaðarauka vegna hennar til bæjarráðs.

Kynntar tillögur kjarasamninganefndar um breytingar á skipuriti fjölskyldusviðs.

Velferðarráð samþykkir framlagða tillögu fyrir sitt leyti og vísar kostnaðarauka vegna hennar til bæjarráðs.

Snjólaug Jóhannesdóttir félagsráðgjafi fjölskyldusviðs sat fundinn undir þessum lið og kynnti áfrýjun varðandi fjárhagsaðstoð.

Áfrýjanir og afgreiðsla þeirra er færð í trúnaðarbók velferðarráðs.

Jón Hrói Finnsson vék af fundi kl. 16:15.

Lagt fram yfirlit yfir veitta fjárhagsaðstoð fyrstu tvo mánuði ársins.

Lagt fram yfirlit um breytingu á fjárhagsáætlun fjölskyldusviðs vegna flutnings skólaþjónustu til fræðslusviðs.

Velferðarráð samþykkir breytingu á fjárhagsáætlun ársins 2017.