Afgreiðslufundur byggingarfulltrúa - 681

Erindi dagsett 9. apríl 2018 þar sem Signý Jóhannesdóttir fyrir hönd Stéttarfélags Vesturlands, kt. 621074-0249, sækir um byggingarleyfi fyrir sólpalli með skjólveggjum við hús nr. 26 við Ásatún. Meðfylgjandi eru myndir og samþykki nágranna.

Byggingarfulltrúi frestar erindinu og óskar eftir aðaluppdráttum fyrir svalalokuninni, einnig nánari skýringum á frágangi á heitum potti.

Erindi dagsett 31. maí 2018 þar sem Kristín Sóley Sigursveinsdóttir og Hólmkell Hreinsson sækja um byggingarleyfi fyrir gróðurhúsi á lóð við hús nr. 10 við Birkilund. Meðfylgjandi eru myndir og teikningar.

Framkvæmdin er ekki leyfisskyld skv. g-lið, grein 2.3.5. í byggingarreglugerð 112/2012, með síðari breytingum.

Erindi dagsett 1. júní 2018 þar sem Ingólfur Guðmundsson fyrir hönd S3 verk ehf., kt. 620218-0220, sækir um leyfi til að fjarlægja að öllu leyti hús nr. 13 við Lundargötu og byggja annað í sömu mynd. Meðfylgjandi er álit Minjastofnunar, gátlisti og teikningar eftir Valþór Brynjarsson.

Byggingarfulltrúi vísar erindinu til umfjöllunar í skipulagsráði.

Erindi dagsett 7. maí 2018 þar sem Steinmar H. Rögnvaldsson fyrir hönd BB bygginga ehf., kt. 550501-2280, sækir um byggingarleyfi fyrir raðhúsi á lóð nr. 17-23 við Jaðarsíðu. Meðfylgjandi eru teikningar eftir Steinmar H. Rögnvaldsson. Innkomnar nýjar teikningar 1. júní 2018.

Byggingarfulltrúi frestar erindinu með vísan til athugasemda á fylgiblaði. Fylgirými í kjallara er synjað þar sem öryggiskröfur eru ekki uppfylltar.

Erindi dagsett 4. júní 2018 þar sem Steindór Ragnarsson sækir um úrtöku í kantstein við hús nr. 10 við Daggarlund. Meðfylgjandi er mynd.

Byggingarfulltrúi hafnar erindinu með vísan í vinnureglur um leyfi fyrir bílastæðum og úrtökum í kantsteina þar sem nú þegar er úrtak að fullri breidd, 7 metrar fyrir bílastæði.

Erindi dagsett 7. júní 2018 þar sem Anton Örn Brynjarsson fyrir hönd Eiríks Þorgeirssonar sækir um breytingar á áður samþykktum teikningum af Hafnarstræti nr. 104. Meðfylgjandi eru teikningar eftir Fanneyju Hauksdóttur.

Byggingarfulltrúi samþykkir erindið.

Erindi dagsett 5. júní 2018 þar sem Marino Raffaele sækir um stöðuleyfi fyrir söluvagn í Hafnarstræti fyrir Lasagne and more ehf., kt. 430518-0380. Meðfylgjandi er samþykki Heilbrigðiseftirlits og mynd af húsi/vagni.

Byggingarfulltrúi óskar eftir nánari skýringum þar sem sýnt er fram á að um söluvagn sé að ræða.

Erindi dagsett 2. nóvember 2015 þar sem Sigfús Ólafur Helgason fyrir hönd Hestamannafélagsins Léttis, kt. 430269-6849, sækir um byggingarleyfi fyrir dómhúsi við Hlíðarholtsvöll. Innkomnar nýjar teikningar 24. janúar 2017.

Byggingarfulltrúi hafnar erindinu þar sem viðunandi teikningar hafa ekki borist.