Atvinnumálanefnd - 12

Á fundinum voru þrjú fyrirtæki á Akureyri heimsótt sem eiga það sameiginlegt að framleiða orku og verðmæti úr úrgangi.

Guðmundur Haukur Sigurðarson framkvæmdastjóri Vistorku skipulagði heimsóknirnar og leiddi ferðina.

Byrjað var á heimsókn til Moltu þar sem lífrænum úrgangi Akureyringa er breytt í moltu, þaðan var haldið í Orkey þar sem steikingarolía og önnur fita er notuð til að búa til lífdísel. Þá var farið í heimsókn til GPO sem vinnur að því að taka úrgangsplast og breyta í olíu. Að lokum sagði Guðmundur Haukur frá metanframleiðslu Norðurorku.

Atvinnumálanefnd þakkar fyrir góðar móttökur hjá forsvarsmönnum Moltu, Orkey og GPO. Nefndin þakkar Guðmundi Hauki sömuleiðis fyrir skipulagningu heimsóknanna.