Bæjarráð - 3852

Kynning á jafnlaunastjórnunarkerfi Akureyrarbæjar og niðurstöðum viðhaldsúttektar vegna jafnlaunavottunar.

Halla Margrét Tryggvadóttir sviðsstjóri mannauðssviðs sat fund bæjaráðs undir þessum lið. Einnig sat fund bæjarráðs bæjarfulltrúinn Halla Björk Reynisdóttir í gegnum fjarfundarbúnað.

Lagt fram til kynningar fjögurra mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Lagt fram til kynningar minnisblað dagsett 5. júní 2024 um kaup á raforku fyrir Akureyrarbæ og Hafnasamlag Norðurlands. Samningur við Fallorku um kaup á raforku rennur út 1. júlí næstkomandi. Farið var í örútboð innan rammasamnings Ríkiskaupa og verður nýr samningur gerður við Straumlind ehf. til þriggja ára með eins árs framlengingarákvæði.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Lagður fram viðauki 3.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð samþykkir viðauka 3 og vísar honum til staðfestingar í bæjarstjórn. Viðaukinn er til kominn vegna launakostnaðar vegna forsetakosninga, samstarfssamnings við ríkið um menningarmál, breytinga á álagningu gatnagerðargjalda, bættrar salernisaðstöðu í Lystigarðinum og aukinnar fjárheimildar vegna gatnagerðar Móahverfis. Útgjaldaaukning vegna viðaukans er 269,8 m.kr. og er mætt með lækkun á handbæru fé.

Fylgiskjöl

• Viðauki 3 2024 - uppfært.pdf

Lagðar fram endurskoðaðar reglur um afslátt af leikskóla- og/eða frístundagjöldum. Málið var á dagskrá fræðslu- og lýðheilsuráðs 27. maí sl. Samþykkti meirihluti ráðsins tillögur að breyttum tekjuviðmiðum og fól sviðsstjóra að vinna áfram með kaflann um meðferð gagna í samráði við bæjarlögmann.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið. Þá sat Kristín Jóhannesdóttir sviðsstjóri fræðslu- og lýðheilsusviðs fundinn í gegnum fjarfundarbúnað.

Bæjarráð frestar málinu til næsta fundar.

Liður 7 í fundargerð fræðslu- og lýðheilsuráðs dagsettri 10. júní 2024:

Ellert Örn Erlingsson forstöðumaður íþróttamála kynnti drög að samningi Akureyrarbæjar við Íþróttafélagið Þór varðandi framkvæmdir og uppbyggingu á gervigrassvæði á félagssvæði Þórs.

Áheyrnarfulltrúi: París Anna Bergmann Elvarsdóttir fulltrúi ungmennaráðs.

Fræðslu- og lýðheilsuráð vísar samningi til afgreiðslu í bæjarráði.

Dan Jens Brynjarsson sviðsstjóri fjársýslusviðs og Guðríður Friðriksdóttir sviðsstjóri umhverfis- og mannvirkjasviðs sátu fund bæjarráðs undir þessum lið. Þá sat Kristín Jóhannesdóttir sviðsstjóri fræðslu- og lýðheilsusviðs fundinn í gegnum fjarfundarbúnað.

Bæjarráð samþykkir með fjórum atkvæðum fyrir sitt leyti samning við Íþróttafélagið Þór og vísar honum til bæjarstjórnar til afgreiðslu.



Sunna Hlín Jóhannesdóttir B-lista situr hjá og óskar bókað:

Það er hafið yfir allan vafa að útiæfingaaðstaða fyrir yngri iðkendur knattspyrnu á Þórssvæðinu er óviðunandi og hægt að færa rök fyrir því að bregðast hefði átt við mun fyrr. Sit hjá undir málinu í dag og tek afstöðu á bæjarstjórnarfundi í næstu viku þegar tími hefur gefist til að rýna í gögn sem lágu ekki fyrir fyrir fundinn. Þ.e. hvað þessi framkvæmd þýðir fyrir framkvæmdaáætlun næstu ára og fjármögnun hennar og vísa þá til 21. gr. samþykktar um stjórn og fundarsköp Akureyrarbæjar.

Fylgiskjöl

• Drög - Samningur um uppbyggingu hjá Þór júní2024 v4.docx

Lagður fram samningur við Fabey um starfsemi Fab Lab á Akureyri.

Sumarliði Helgason sviðsstjóri þjónustu- og skipulagssviðs sat fund bæjarráðs undir þessum lið. Þá sat Kristín Jóhannesdóttir sviðsstjóri fræðslu- og lýðheilsusviðs fundinn í gegnum fjarfundarbúnað.

Bæjarráð samþykkir framlagðan samning við Fabey um starfsemi Fab Lab á Akureyri og tilnefnir Þórgný Dýrfjörð í stjórn Fabey f.h. Akureyrarbæjar og Sumarliða Helgason til vara. Bæjarráð felur bæjarstjóra að skrifa undir samninginn.

Fylgiskjöl

• Samingur Akureyrarbæjar og Fab Lab Akureyri 2024_til undirritunar.pdf

Lagt fram erindi frá Hirosuke Imazu borgarstjóra japönsku borgarinnar Asahikawa þar sem óskað er eftir umræðu um aukin tengsl og samstarf við Akureyrarbæ.

Hulda Sif Hermannsdóttir aðstoðarmaður bæjarstjóra sat fund bæjarráðs undir þessum lið.

Bæjarráð þakkar auðsýndan áhuga á Akureyrarbæ, en ekki er á döfinni að fjölga vinabæjum að svo stöddu.

Fylgiskjöl

• Asahikawa - Ósk um vinabæjasamstarf.pdf

Liður 3 í fundargerð skipulagsráðs dagsettri 12. júní 2024:

Í nokkur ár hefur verið unnið að því að finna starfsemi steypustöðvar sem hefur verið staðsett við Súluveg nýjan stað. Nú liggja fyrir drög að samkomulagi sem meðal annars fela í sér að gert er ráð fyrir að starfsemin flytji á nýja lóð við Sjafnarnes 9.

Samhliða uppbyggingu á nýrri lóð mun starfsemi steypustöðvar við Súluveg hætta.

Inga Þöll Þórgnýsdóttir bæjarlögmaður sat fundinn undir þessum lið.

Skipulagsráð leggur til að 5. gr. í samningsdrögum verði felld niður. Jafnframt leggur skipulagsráð til við bæjarstjórn að lóð við Sjafnarnes 9 verði úthlutað til Malar og sands án auglýsingar þegar þessi samningur hefur verið undirritaður. Að öðru leyti vísar skipulagsráð málinu til bæjarráðs.

Bæjarráð tekur undir bókun skipulagsráðs.

Lögð fram drög að umsögn Akureyrarbæjar um hvítbók í málefnum innflytjenda.

Bæjarráð samþykkir framlögð drög og felur bæjarstjóra að ljúka við umsögnina og skila henni inn.

Lagt fram erindi Helgu G. Eymundsdóttur formanns kjörstjórnar á Akureyri varðandi framkvæmd forsetakosninga 2024.

Bæjarráð þakkar kjörstjórn fyrir vel unnin störf í tengslum við forsetakosningarnar.

Fylgiskjöl

• Bréf frá formanni kjörstjórnar til bæjarráðs.pdf

Lagðar fram til kynningar fundargerð aðalfundar hverfisráðs Hríseyjar dagsett 29. maí 2024 og fundargerð 171. fundar hverfisráðsins dagsett 4. júní 2024.

Bæjarráð þakkar fráfarandi hverfisráði fyrir vel unnin störf og óskar nýju ráði velfarnaðar í sínum störfum. Bæjarráð vísar lið 4 og 6 í fundargerð 171. fundar til umhverfis- og mannvirkjasviðs og lið 5 til þjónustu- og skipulagssviðs til skoðunar.

Fylgiskjöl

• 170. fundur - aðalfundur 29. maí 2024.pdf
• 171. fundur 4. júní 2024.pdf

Lögð fram til kynningar fundargerð 299. fundar stjórnar Norðurorku sem var haldinn í fundarsal Norðurorku 28. maí 2024.

Fylgiskjöl

• Fundargerð 299. fundar stjórnar Norðurorku hf..pdf

Lögð fram til kynningar fundargerð 288. fundar stjórnar Hafnasamlags Norðurlands dagsett 28. maí 2024.

Fylgiskjöl

• 288. fundur 28.05.2024.pdf