Bæjarráð - 3843

Lagður fram ársreikningur Akureyrarbæjar fyrir árið 2023.

Dan Jens Brynjarsson sviðsstjóri fjársýslusviðs og Davíð Búi Halldórsson frá endurskoðendum bæjarins Enor ehf. sátu fund bæjarráðs undir þessum lið.

Þá sátu bæjarfulltrúarnir Halla Björk Reynisdóttir, Lára Halldóra Eiríksdóttir og Gunnar Már Gunnarsson undir þessum dagskrárlið í gegnum fjarfundarbúnað.

Bæjarráð vísar ársreikningi Akureyrarbæjar fyrir árið 2023 til fyrri umræðu í bæjarstjórn.

Fylgiskjöl

• Ársreikningur samstæðu Akureyrarbæjar 2023_bæjarráð_4.4.24.pdf

Kynnt tillaga að samkomulagi við Einingu-Iðju um fyrirkomulag vinnuskóla fyrir 17 ára ungmenni sumarið 2024.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið í gegnum fjarfundarbúnað.

Bæjarráð samþykkir framlagða tillögu að samkomulagi við Einingu-Iðju.

Fylgiskjöl

• Samkomulag við Einingu-Iðju um 17 ára í vinnuskóla 2024 lokaskjal bæjarráðs 4 apríl 2024docx

Umfjöllun um framkvæmd reglna Akureyrarbæjar um tímabundin viðbótarlaun.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið í gegnum fjarfundarbúnað.

Fylgiskjöl

• Reglur um TV-einingar lokaskjal samþykkt í bæjarráði 24 feb 2022.pdf
• Minnisblað bæjarráð tímabundin viðbótarlaun 4 apríl 2024.pdf

Liður 7 í fundargerð umhverfis- og mannvirkjaráðs dagsettri 19. mars 2024:

Lagt fram minnisblað dagsett 15. mars 2024 varðandi viðauka vegna framkvæmda við gluggaskipti og flóttastiga.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð samþykkir að farið verði í viðhaldið og óskar eftir viðauka til bæjarráðs að upphæð kr. 42 milljónir.

Steindór Ívar Ívarsson forstöðumaður viðhalds sat fund bæjarráðs undir þessum lið.

Bæjarráð samþykkir að gerður verði viðauki að fjárhæð kr. 42 milljónir vegna málsins og felur sviðsstjóra fjársýslusviðs að vinna viðaukann.

Rætt um vinnu við nýja heimasíðu Akureyrarbæjar.

Sumarliði Helgason sviðsstjóri þjónustu- og skipulagssviðs og Jón Þór Kristjánsson forstöðumaður þjónustu og þróunar sátu fund bæjarráðs undir þessum lið.

Lagt fram minnisblað dagsett 27. mars 2024 varðandi hverfisnefndir Akureyrarbæjar. Ein af aðgerðum stefnu um íbúasamráð sem samþykkt var í bæjarstjórn 6. febrúar sl. gerir ráð fyrir að hverfisnefndir á Akureyri verði lagðar niður og öðrum aðferðum beitt til samráðs við íbúa.

Sumarliði Helgason sviðsstjóri þjónustu- og skipulagssviðs og Jón Þór Kristjánsson forstöðumaður þjónustu og þróunar sátu fund bæjarráðs undir þessum lið.

Í samræmi við stefnu um íbúasamráð samþykkir bæjarráð fyrir sitt leyti að fella úr gildi samþykktir fyrir hverfisnefndir á Akureyri, þar sem öðrum fjölbreyttum og markvissum aðferðum verður beitt til samráðs við íbúa. Hverfisráð í Hrísey og Grímsey starfa áfram, en í stefnu um íbúasamráð er gert ráð fyrir auknum stuðningi sveitarfélagsins við þau. Bæjarráð vísar málinu til bæjarstjórnar til umræðu og afgreiðslu.

Fylgiskjöl

• Minnisblað um hverfisnefndir.pdf
• Stefna_um_íbúasamráð_jan 2024 til birtingar.pdf

Erindi dagsett 21. mars 2024 frá Eignarhaldsfélagi Brunabótafélags Íslands (EBÍ) varðandi umsóknir í styrktarsjóð EBÍ 2024. Aðildarsveitarfélag sendir aðeins inn eina umsókn sem skila ber á þar til gerðu eyðublaði. Umsóknir skulu vera vegna sérstakra framfaraverkefna á vegum sveitarfélaganna en ekki vegna almennra rekstrarverkefna þeirra. Umsóknarfrestur er til aprílloka.

Lagt fram til kynningar.

Fylgiskjöl

• Bréf-Styrktarsjóður 2024.pdf

Erindi dagsett 27. mars 2024 frá stjórn Norðurorku hf. þar sem boðað er til aðalfundar félagsins 23. apríl kl. 13:30 í Menningarhúsinu Hofi, Akureyri.

Bæjarráð felur Ásthildi Sturludóttur bæjarstjóra að fara með umboð Akureyrarbæjar á aðalfundinum.

Fylgiskjöl

• Fundarboð á aðalfund með dagskrá.pdf

Erindi dagsett 23. mars 2024 þar sem Gunnar Örn Kristjánsson f.h. Fóðurverksmiðjunnar Laxár hf. boðar til aðalfundar fimmtudaginn 11. apríl 2024 kl. 13:30.

Bæjarráð felur Dan Jens Brynjarssyni sviðstjóra fjársýslusviðs að fara með atkvæði bæjarins á fundinum.

Fylgiskjöl

• Aðalfundur Laxár 2023 - Apríl 2024.pdf

Lögð fram til kynningar fundargerð 36. fundar öldungaráðs Akureyrarbæjar dagsett 19. mars 2024.

Bæjarráð vísar lið 3 í fundargerðinni til skoðunar fræðslu- og lýðheilsuráðs.

Fylgiskjöl

• Öldungaráð fundargerð 36. fundar.pdf

Lögð fram til kynningar fundargerð 295. fundar stjórnar Norðurorku hf. dagsett 5. mars 2024.

Fylgiskjöl

• Fundargerð 295. fundar stjórnar Norðurorku hf..pdf

Lögð fram til kynningar fundargerð 296. fundar stjórnar Norðurorku hf. dagsett 21. mars 2024.

Fylgiskjöl

• Fundargerð 296. fundar stjórnar Norðurorku hf..pdf

Lögð fram til kynningar fundargerð 61. fundar stjórnar SSNE dagsett 19. mars 2024.

Fylgiskjöl

• Fundargerð 61. fundar stjórnar SSNE.pdf

Lögð fram til kynningar fundargerð 946. fundar stjórnar Sambands íslenskra sveitarfélaga dagsett 15. mars 2024.

Fylgiskjöl

• stjórn Sambands íslenskra sveitarfélaga - 946.pdf

Erindi dagsett 20. mars 2024 frá starfshópi á vegum umhverfis-, orku- og loftslagsráðuneytisins vegna endurskoðunar á lögum um verndar- og orkunýtingaráætlun nr. 48/2011 (rammaáætlun). Með bréfinu vill starfshópurinn stuðla að því að allir helstu hagaðilar séu upplýstir um áformaskjal um lagasetningu sem hefur verið birt í samráðsgátt stjórnvalda og óska eftir sjónarmiðum, athugasemdum eða ábendingum til og með 8. apríl nk.

Áformaskjalið er aðgengilegt hér: https://island.is/samradsgatt/mal/3718

Fylgiskjöl

• Ákall eftir sjónarmiðum vegna endurskoðunar laga um verndar- og orkunýtingaráætlun.

Erindi dagsett 25. mars 2024 frá velferðarnefnd Alþingis þar sem óskað er umsagnar um frumvarp til laga um breytingu á lögum um málefni aldraðra, nr. 125/1999 (réttur til sambúðar) 143. mál 2024.

Þess er óskað að undirrituð umsögn berist eigi síðar en 8. apríl nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/154/s/0143.html