Umhverfis- og mannvirkjaráð - 141

Lagt fram erindi dagsett 4. apríl 2023 frá Eignarhaldsfélagi Brunabótafélags Íslands (EBÍ) varðandi umsóknir í styrktarsjóð EBÍ 2023. Umsóknir í sjóðinn skulu vera vegna sérstakra framfaraverkefna á vegum sveitarfélaganna. Akureyrarbær fékk styrk að fjárhæð kr. 750.000 vegna verkefnisins "Forvarnir og viðbrögð við gróðureldum á Hömrum og Kjarnaskógi."

Rut Jónsdóttir forstöðumaður umhverfis- og sorpdeildar sat fundinn undir þessum lið.

Liður 6 í fundargerð bæjarráðs dagsettri 25. maí 2023:

Lagðar fram til kynningar bókanir í fundargerð 229. fundar heilbrigðisnefndar Norðurlands eystra dagsettri 3. maí sl. varðandi umferðarhávaða og svifryk. Bæjarráð vísar bókununum til umhverfis- og mannvirkjasviðs.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð felur forstöðumanni umhverfis- og sorpmála að svara bókunum efnislega út frá umræðum á fundinum og óskar eftir því að lagðar verði fram tillögur í haust að uppfærðum áætlunum í aðgerðum gegn svifryki og umferðarhávaða.

Fylgiskjöl

• Upprunagreining svifryks á Akureyri .pdf
• HNE bókun af 229.fundi umferðarhávaði Akureyri Akb.pdf
• HNE bókun af 229.fundi svifryk á Akureyri Akb.pdf

Lagt fram minnisblað dagsett 15. júní 2023 varðandi kostnaðargreiningu aðgerðaráætlunar Umhverfis- og loftslagsstefnu Akureyrarbæjar.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Rætt var um drög að aðgerðaráætlun og stefnt að því að leggja hana fram til samþykktar í ágúst 2023.

Lögð fram drög dagsett 16. júní 2023 varðandi fyrirkomulag á sorphirðu eftir innleiðingu nýrra íláta við heimahús.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Liður 3 í fundargerð bæjarráðs dagsettri 24. apríl 2023:

Erindi dagsett 12. apríl 2023 frá Rósu Líf Darradóttur f.h. stjórnar Samtaka um dýravelferð á Íslandi sem skorar á bæjarstjórn að styðja við starfsemi Kisukots.

Pétur Ingi Haraldsson skipulagsfulltrúi og Rut Jónsdóttir forstöðumaður umhverfis- og sorpmála sátu fundinn undir þessum lið.

Bæjarráð vísar umræðu um málið til umhverfis- og mannvirkjaráðs.



Lagt fram minnisblað dagsett 15. júní 2023 varðandi áskorun til bæjarstjórnar um að styðja við Kisukot.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð felur forstöðumanni umhverfis- og sorpmála að ræða við umsjónarmann Kisukots um mögulegt samstarf í samræmi við umræður á fundinum.

Lagt fram minnisblað dagsett 15. júní 2023 varðandi endurskoðun leiðakerfis Strætisvagna Akureyrar.

Dóra Sif Sigtryggsdóttir forstöðumaður rekstrardeildar og umhverfismiðstöðvar sat fundinn undir þessum lið.

Tekin umræða um öryggismál í Strætisvögnum Akureyrar.

Dóra Sif Sigtryggsdóttir forstöðumaður rekstrardeildar og umhverfismiðstöðvar sat fundinn undir þessum lið.