Öldungaráð - 8

Halldór S. Guðmundsson framkvæmdastjóri ÖA mætti á fundinn og gerði grein fyrir þeirri ákvörðun heilbrigðisráðherra að fela HSN að taka tímabundið við rekstri ÖA.

Öldungaráð telur mikilvægt að vernda þá góðu þjónustu sem byggð hefur verið upp á Öldrunarheimilum Akureyrar og fylgst verði með þróun samninga og gæði þjónustu eftir yfirfærslu.

Farið yfir drög að starfsreglum öldungaráðs.

Afgreiðslu frestað.

Til umræðu undirbúningur fyrir sameiginlegan fund með bæjarstjórn.

Öldungaráð óskar eftir að fundurinn verði haldinn sem fyrst og felur formanni og varaformanni að undirbúa málefni sem lögð verða fram til umræðu.

Kristinn J. Reimarsson sviðsstjóri samfélagssviðs gerði grein fyrir því hvernig styrkur frá félagsmálaráðuneytingu nýttist til að auka við félagsstarf fullorðinna sumarið 2020.

Öldungaráð lýsir yfir ánægju með aukið félagsstarf sumarið 2020. Ráðið telur þó að bæta hefði mátt skipulag og framboð með samráði við öldungaráð, en ekki síður við Félag eldri borgara á Akureyri, en félagið sér samkvæmt samningi um rekstur félagsstarfsins í Bugðusíðu. Ekkert samráð var haft við félagið og engin ósk barst til þess að standa fyrir og sjá um hluta af þessari viðbót.

Drög að bæklingi búsetusviðs um velferðartækni lagður fram til kynningar.

Öldungaráð lýsir yfir ánægju með þetta framtak.

Lögð fram greinargerð frá Félagi eldri borgara á Akureyri um notendaráð félagsmiðstöðva eldri borgara í Víðilundi og Bugðusíðu.

Öldungaráð felur starfsmanni að vinna málið áfram.

Ársreikningur EBAK fyrir árið 2019 ásamt fundargerð aðalfundar frá því 2. júní 2020 lögð fram til kynningar.

Óskað er eftir umsögn öldungaráðs vegna deiliskipulags á Hvannavallareit.

Öldungaráð gerir ekki athugasemdir en lýsir yfir ánægju með bætt aðgengi og umferðaröryggi.