Bæjarráð - 3792

Lagt fram til kynningar tíu mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Lagður fram viðauki 8.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð samþykkir viðauka 8 að fjárhæð kr. 57.950.000 og vísar honum til staðfestingar í bæjarstjórn. Viðaukinn er tilkominn vegna breytingar á launaáætlun grunnskóla, móttöku flóttabarna, leiðréttingar á launaáætlun Tónlistarskólans á Akureyri, skólaaksturs og flutnings efstu deildar Glerárskóla í Rósenborg og leiðréttingar á samningi við Menningarfélag Akureyrar vegna ársins 2021.

Fylgiskjöl

• Viðauki 8 2022.pdf

Lögð fram drög að endurskoðuðum reglum um styrkveitingar.

Dan Jens Brynjarsson sviðsstjóri fjársýslusviðs, Sumarliði Helgason sviðsstjóri þjónustu- og skipulagssviðs, Jón Þór Kristjánsson forstöðumaður þjónustu og þróunar og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð felur sviðsstjóra fjársýslusviðs og sviðsstjóra þjónustu- og skipulagssviðs að vinna málið áfram í samræmi við umræður á fundinum.

Erindi dagsett 5. desember 2022 frá Helga Erni Eyþórssyni f.h. SS. Byggis þar sem lagt er fram kauptilboð og ósk um að taka upp viðræður um uppbyggingu orlofsbyggðar við Hálönd.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð hafnar tilboðinu og vísar erindinu að öðru leyti til skipulagsráðs.

Kynnt tillaga að framlengingu á tímabundnu samkomulagi við Einingu-Iðju til áramóta vegna innleiðingar á Betri vinnutíma í Þrastarlundi.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir að tímabundið samkomulag við Einingu-Iðju verði framlengt til 28. febrúar 2023.

Umfjöllun um gildistíma kjarasamninga Sambands íslenskra sveitarfélaga og komandi kjaraviðræður.

Halla Margrét Tryggvadótir sviðsstjóri mannauðssviðs sat fund bæjarráðs undir þessum lið.

Lagt fram til afgreiðslu samkomulag um umboð Akureyrarbæjar til Sambands íslenskra sveitarfélaga vegna gerðar kjarasamninga við stéttarfélög.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir kjarasamningsumboðið og felur bæjarstjóra að skrifa undir samningsumboðið.

Lagt fram erindi dagsett 12. desember 2022 frá matvælaráðuneytinu þar sem tilkynnt er um úthlutun byggðakvóta til Grímseyjar og Hríseyjar fiskveiðiárið 2022-2023. Sveitarfélögum er gefinn frestur til 13. janúar nk. að senda ráðuneytinu tillögur að sérreglum um byggðakvóta í einstökum byggðarlögum.

Bæjarráð óskar eftir að veitt verði undanþága í 6. gr. reglugerðar um úthlutun byggðakvóta til fiskiskipa á fiskveiðiárinu 2022-2023. Óskað er eftir því að vinnsluskylda á byggðakvóta verði felld niður í sérreglum Akureyrarbæjar um úthlutun byggðakvóta í Grímsey.



Rökin fyrir beiðninni eru einkum eftirfarandi: Grímsey hefur verið skilgreind sem brothætt byggð og er hluti af samnefndu verkefni á vegum Byggðastofnunar. Í dag er engin vinnsla starfandi í Grímsey en landaður afli er umtalsverður og er hann fluttur í burtu til vinnslu í landi.



Ekki hefur verið talinn grundvöllur til að reka vinnslu í eyjunni með það magn sem þar kemur á land í dag. Í dag eru nánast allir þeir sem stunda sjósókn og landa í Grímsey búsettir í eyjunni og allar útgerðirnar sem þar landa eru með lögheimili í eyjunni. Það þjónar hagsmunum byggðarinnar í Grímsey að vinnsluskyldan verði felld niður í ljósi núverandi stöðu annars yrði engum byggðakvóta úthlutað í eyjunni.



Ekki er óskað eftir breytingum á reglugerð um úthlutun byggðakvóta í Hrísey.

Fylgiskjöl

• Úthlutun byggðakvóta á fiskveiðiárinu 20222023.pdf

Lögð fram til kynningar drög að reglum um varðveislu og eyðingu á skjölum úr fjárhagsbókhaldi afhendingarskyldra aðila. Drög að reglunum ásamt greinargerð er að finna á vef Þjóðskjalasafns Íslands. Frestur til að skila inn umsögn við regludrögin er til og með 2. janúar 2023. Umsagnir og fyrirspurnir skal senda á skjalavarsla@skjalasafn.is.