Bæjarráð - 3750

Ásthildur Sturludóttir mætti til fundar kl. 9:10. <br />

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs, Kristín Baldvinsdóttir forstöðumaður hag- og áætlanadeildar og bæjarfulltrúarnir Andri Teitsson, Þórhallur Jónsson og Eva Hrund Einarsdóttir sátu fund bæjarráðs undir þessum lið.

Aðgerðaáætlun í málefnum eldri borgara lögð fram til umræðu.

Málið var áður á dagskrá bæjarráðs þann 4. nóvember sl. þar sem því var vísað til umræðu um gerð fjárhagsáætlunar 2022. Málið var einnig á dagskrá öldungaráðs þann 9. nóvember sl. og skoraði ráðið á bæjarráð að það samþykki áætlunina formlega, vísi kostnaði til fjárhagsáætlunargerðar, en samþykki aðra þætti.

Dan Jens Brynjarsson sviðsstjóri fjársýslusviðs og Eva Hrund Einarsdóttir formaður frístundaráðs sátu fund bæjarráðs undir þessum lið.

Bæjarráð lýsir yfir ánægju sinni með vinnu starfshópsins og samþykkir framlagða aðgerðaáætlun að undanskilinni aðgerð vegna hreystitækja sem vísað er til nánari greiningar hjá umhverfis- og mannvirkjasviði. Gert er ráð fyrir 20,3 milljónum króna vegna aðgerðaáætlunarinnar í fjárhagsáætlun ársins 2022.

Fylgiskjöl

• Aðgerðaáætlun fyrir eldra fólk á Akureyri með greinargerð samþ. í bæjarráði 2. desember 2021.pdf

Lögð fram tillaga um útsvarsprósentu í staðgreiðslu opinberra gjalda á árinu 2022 í Akureyrarbæ.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir með fimm samhljóða atkvæðum að útsvar verði 14,52% á árinu 2022 og vísar tillögunni til afgreiðslu bæjarstjórnar.

Lögð fram tillaga að álagningu fasteignagjalda á árinu 2022.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir með fimm samhljóða atkvæðum að vísa tillögu um álagningu fasteignagjalda 2022 til afgreiðslu bæjarstjórnar.

Lögð fram tillaga að reglum um afslátt elli- og örorkulífeyrisþega af fasteignaskatti 2022.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir með fimm samhljóða atkvæðum að vísa tillögu að reglum um afslátt elli- og örorkulífeyrisþega af fasteignaskatti 2022 til afgreiðslu bæjarstjórnar.

Lagt fram til kynningar bréf dagsett 29. nóvember 2021 frá Norðurorku hf. þar sem tilkynnt er um breytingar á verðskrá vatns- og fráveitu Norðurorku hf. frá 1. janúar 2022.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Fylgiskjöl

• Bréf til Ak.bæjar_ Verðskrár vatns og fráveitu_Gildir frá 1. janúar 2022.pdf

Lagðir fram lánssamningar frá Lánasjóði sveitarfélaga vegna tveggja lána til Akureyrarbæjar að fjárhæð samtals kr. 700 milljónir. Annars vegar er um að ræða 500 milljóna króna lán til fjármögnunar á framkvæmdum og endurfjármögnun afborgana eldri lána og hins vegar er 200 milljóna króna lán til fjármögnunar uppbyggingar göngu- og hjólastíga.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð fagnar lántöku á fyrsta græna láni sveitarfélagsins, það markar ánægjuleg tímamót að Akureyrarbær taki sitt fyrsta græna lán vegna umhverfisvænna fjárfestinga s.s. stígagerðar, stétta og göngu- og hjólabrúa.

Bæjarráð samþykkir lántökuna fyrir sitt leyti með fimm samhljóða atkvæðum og vísar málinu til afgreiðslu bæjarstjórnar.

Safnastefna Akureyrarbæjar lögð fram til afgreiðslu.

Stefnan var samþykkt af stjórn Akureyrarstofu 9. júní sl. og vísað til umfjöllunar í bæjarráði. Bæjarráð frestaði afgreiðslu stefnunnar á fundi sínum 10. júní sl. og vísaði henni til umsagnar öldungaráðs og ungmennaráðs. Þær umsagnir liggja nú fyrir.

Þórgnýr Dýrfjörð forstöðumaður Akureyrarstofu sat fund bæjarráðs undir þessum lið.

Bæjarráð samþykkir safnastefnuna og aðgerðaáætlunina fyrir sitt leyti með þeim breytingum sem ræddar voru á fundinum og vísar henni til afgreiðslu bæjarstjórnar.

Lögð var fram til kynningar fundargerð 148. fundar hverfisráðs Hríseyjar dagsett 3. nóvember 2021.

Bæjarráð felur bæjarstjóra að ræða við umhverfis- og mannvirkjasvið í samræmi við umræður á fundinum.

Fylgiskjöl

• Hverfisráð Hríseyjar 148. fundur 03.11.21 - fundargerð.pdf

Lögð var fram til kynningar fundargerð 36. fundar hverfisráðs Grímseyjar dagsett 22. september 2021.

Fylgiskjöl

• Hverfisráð Grímseyjar 36. fundur 22. september 2021 - fundargerð.pdf