Skipulagsráð - 352

Lögð fram tillaga að kynningaráætlun skipulagssviðs fyrir árið 2021 í samræmi við aðgerðaáætlun upplýsingastefnu Akureyrarbæjar.

Skipulagsráð samþykkir tillögu að kynningaráætlun skipulagssviðs.

Niðurstöður úr þjónustukönnun Gallup lagðar fram til kynningar.

Skipulagsráð felur sviðsstjóra skipulagssviðs að kanna möguleika á sérstakri þjónustukönnun á skipulagssviði.

Fylgiskjöl

• Akureyri_2020_má_birta.pdf

Lagt fram bréf Skipulagsstofnunar dagsett 4. febrúar 2021 þar sem fram kemur að ekki sé gerð athugasemd við auglýsingu breytingarinnar, sem samþykkt var í bæjarstjórn 19. janúar 2021, þegar brugðist hefur verið við ábendingum varðandi skilmála um hæð og þéttleika byggðar á tjaldsvæðisreit. Þá er jafnframt lögð fram endurskoðuð tillaga að breytingu aðalskipulags þar sem gerðar hafa verið lagfæringar til að koma til móts við bréf Skipulagsstofnunar.

Skipulagsráð samþykkir lagfærð gögn og felur sviðsstjóra skipulagssviðs að auglýsa tillöguna skv. 1. mgr. 31. gr. skipulagslaga nr. 123/2010.

Fylgiskjöl

• Miðsvæði við Þórunnarstræti og heilsugæslustöðvar á Akureyri.pdf
• ASK-AK-18-30_Breyting13-Heilsugæslustöðvar_2020-12-03.pdf

Lögð fram að nýju umsókn SS Byggis ehf. um breytingu á deiliskipulagi við Tónatröð til samræmis við meðfylgjandi hugmyndir að uppbyggingu.

Skipulagsráð frestar afgreiðslu og felur sviðsstjóra skipulagssviðs að kynna hugmyndir um breytingar fyrir næstu nágrönnum og koma ábendingum um framlagða tillögu á framfæri við umsækjanda.

Arnfríður Kjartansdóttir V-lista óskar bókað að tími sé kominn til að gera breytingar á deiliskipulagi við Tónatröð í ljósi þess að umræddar lóðir hafa ekki gengið út en leggst harðlega gegn því að skipulaginu verði breytt til að koma til móts við hugmyndir eins framkvæmdaaðila, ekki síst sökum þess að annar framkvæmdaaðili hefur áður fengið höfnun á hugmyndir um aukið byggingarmagn á sömu lóðum. Til að gæta jafnræðis er mikilvægt að lóðirnar við Tónatröð verði auglýstar á ný í kjölfar breytinga á deiliskipulagi.

Lögð fram að lokinni auglýsingu skv. 1. mgr. 31. gr. skipulagslaga nr. 123/2010 tillaga að breytingu á aðalskipulagi Akureyrar 2018-2030 fyrir íbúðasvæði ÍB17 og ÍB18, til samræmis við tillögu að deiliskipulagi sem auglýst var samhliða. Var aðalskipulagsbreytingin auglýst 19. desember 2020 með athugasemdafresti til 1. febrúar 2021. Barst ein athugasemd auk umsagna frá Hörgársveit, Minjastofnun, Norðurorku og ungmennaráði. Fyrir liggur tillaga að svörum við efni athugasemdar og umsagna.

Skipulagsráð leggur til við bæjarstjórn að aðalskipulagsbreytingin verði samþykkt óbreytt frá auglýstri tillögu og feli sviðsstjóra skipulagssviðs að senda hana Skipulagsstofnun til staðfestingar. Jafnframt að tillaga að svörum um efni athugasemdar og umsagna verði samþykkt.

Lögð fram að lokinni auglýsingu skv. 1. mgr. 41. gr. skipulagslaga nr. 123/2010 tillaga að deiliskipulagi Holtahverfis norður sem nær til svæðis suðvestan og norðaustan við Krossanesbraut, frá Undirhlíð og norður að Hlíðarbraut. Var deiliskipulagstillagan auglýst frá 19. desember 2020 til 1. febrúar 2021, samhliða breytingu á aðalskipulagi svæðsins auk breytinga á afmörkun tveggja aðliggjandi deiliskipulagssvæða. Bárust 6 athugasemdabréf auk umsagna frá umhverfis- og mannvirkjasviði, Norðurorku, Vegagerðinni og Minjastofnun. Er tillagan lögð fram með nokkrum minniháttar breytingum til að koma til móts við athugasemdir og ábendingar sem bárust á kynningartíma. Einnig er lögð fram tillaga að svörum við athugasemdum og umsögnum.

Skipulagsráð leggur til við bæjarstjórn að deiliskipulagið verði samþykkt með minniháttar breytingum sem tilgreind eru í gögnum og sviðsstjóra skipulagssviðs verði falið að sjá um gildistöku þess. Jafnframt að svör við efni athugasemda og umsagna verði samþykkt.

Lögð fram að lokinnni auglýsingu skv. 1. mgr. 41. gr. skipulagslaga nr. 123/2010 tillaga að breytingu á deiliskipulagi Sandgerðisbótar sem felst í breytingu á skipulagsmörkum. Engin athugasemd barst.

Skipulagsráð leggur til við bæjarstjórn að tillagan með minniháttar breytingu verði samþykkt og sviðsstjóra skipulagssviðs verði falið að sjá um gildistöku hennar.

Lögð fram að lokinni auglýsingu skv. 1. mgr. 41. gr. skipulagslaga nr. 123/2010 tillaga að breytingu á deiliskipulagi Stórholts - Lyngholts sem felst í breytingu á skipulagsmörkum. Engin athugasemd barst.

Skipulagsráð leggur til við bæjarstjórn að tillagan verði samþykkt og sviðsstjóra skipulagssviðs verði falið að sjá um gildistöku hennar.

Á fundi 13. janúar 2021 var skipað í vinnuhóp fyrir gerð ramma- og deiliskipulags fyrir íbúðarsvæði vestan Borgarbrautar.

Skipulagsráð samþykkir að skipa Ólöfu Ingu Andrésdóttur L-lista í vinnuhópinn í stað Orra Kristjánssonar S-lista.

Lagðar fram til kynningar uppfærðar tillögur að staðsetningu heilsugæslustöðvar á tjaldsvæðisreit með aðkomu frá Byggðavegi.

Lögð fram til kynningar tillaga að breytingu á deiliskipulagi sem nær til lóðarinnar Skarðshlíð 20.

Lagðar fram til kynningar tillögur Luxor ehf. að uppbyggingu á svæði sem nær til lóðanna Austurbrúar 10-12, Hafnarstrætis 80 og Hafnarstrætis 82.

Skipulagsráð samþykkir að heimila umsækjanda að vinna að gerð breytingar á deiliskipulagi í samráði við sviðsstjóra skipulagssviðs byggt á fyrirliggjandi tillögum að uppbyggingu.

Lögð fram tillaga að breytingu á nýtingarhlutfalli lóðanna Nonnahagi 1, 3 og 5 í Hagahverfi. Samkvæmt gildandi deiliskipulagi er nýtingarhlutfallið 0,40 en með breytingunni er gert ráð fyrir að það verði á bilinu 0,25-0,40.

Skipulagsráð samþykkir breytinguna, sem er að mati ráðsins óveruleg skv. 2. mgr. 43. gr. skipulagslaga nr. 123/2010 og ekki er talin þörf á að grenndarkynna hana. Er sviðsstjóra skipulagssviðs falið að sjá um gildistöku breytingarinnar og í kjölfarið auglýsa lóðirnar þrjár að nýju.

Lagt fram bréf Lögmannsstofu Norðurlands ehf. dagsett 26. janúar 2021, f.h. Bifreiðastöðvar Oddeyrar ehf. þar sem óskað er eftir að félaginu verði ekki gert að víkja af reitnum næstu 24 mánuði nema að samkomulag hafi náðst um annað.

Afgreiðslu frestað.

Lagt fram að nýju erindi dagsett 24. nóvember 2020 þar sem Fanney Hauksdóttir fyrir hönd Margrétar Jónsdóttur leggur inn fyrirspurn varðandi byggingu garð-/svalaskýlis við hús nr. 29 við Kotárgerði. Er lögð fram ítarlegri greinargerð um dagsbirtu aðliggjandi herbergja í húsinu.

Skipulagsráð gerir ekki athugasemd við byggingu garð-/svalaskýlis til samræmis við umsókn og telur ekki þörf á að grenndarkynna tillöguna. Er umsókn um byggingarleyfi vísað til afgreiðslu byggingarfulltrúa.

Fylgiskjöl

• greinargerð vegna byggingar og birtuskilyrða.pdf
• Kotárgerði 29 teikning.pdf
• Kotárgerði 29 fyrirspurn.pdf

Byggingarfulltrúi óskar umsagnar skipulagsráðs um erindi dagsett 28. janúar 2021 þar sem Valþór Brynjarsson fyrir hönd Inga Jóhanns Guðmundssonar, Sigrúnar Lilju Guðbjartsdóttur, Skúla Gunnars Ágústssonar og Fjólu Þuríðar Stefánsdóttur sækir um leyfi til að gera svalir á norðurhlið og setja upp arinn ásamt reykröri upp úr þaki í íbúð 0304 og svalir á austurhlið íbúðar 0301 í Austurbrú 6-8. Meðfylgjandi eru teikningar eftir Valþór Brynjarsson.

Skipulagsráð gerir ekki athugasemd við að bætt verði við svölum við íbúðir 0301 og 0304 ásamt reykröki upp úr þaki í íbúð 0304. Ekki er talin þörf á að grenndarkynna tillöguna en forsenda samþykktar á breytingunni er að fyrir liggi samþykki allra eigenda Austurbrúar 6-8 sbr. ákvæði fjöleignahúsalaga. Er umsókn um byggingarleyfi vísað til afgreiðslu byggingarfulltrúa þegar samþykki eigenda liggur fyrir.

Fylgiskjöl

• Grunnmynd.pdf
• Utlit N.pdf
• Utlit A.pdf
• Utlit S.pdf
• Utlit V.pdf

Erindi dagsett 28. janúar 2021 þar sem Kamil Galent leggur inn fyrirspurn varðandi lóð/staðsetningu fyrir sjálfsala (e. amusement machines). Sjá nánar á www.kalkomat.com.

Skipulagsráð telur að ekki sé til staðar opið svæði í umsjón Akureyrarbæjar þar sem uppsetning slíkra tækja gæti hentað.

Erindi dagsett 5. febrúar 2021 þar sem Norðurorka hf. sækir um leyfi fyrir framkvæmd við hitaveitulagnir innan lóðar Glerárskóla við Höfðahlíð.

Skipulagsráð samþykkir útgáfu framkvæmdaleyfisins.

Fylgiskjöl

• Framkvæmdaleyfi umsókn.pdf
• Teikning með framkvæmdaleyfi.pdf

Lögð fram til kynningar fundargerð 798. fundar, dagsett 21. janúar 2021, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.

Lögð fram til kynningar fundargerð 799. fundar, dagsett 28. janúar 2021, með fullnaðarafgreiðslum erinda. Fundargerðin er í 9 liðum og er að finna á heimasíðu Akureyrarbæjar.