Stjórn Akureyrarstofu - 283

Jón Þór Kristjánsson verkefnastjóri upplýsingamiðlunar mætti á fundinn og fór yfir helstu verkefni þessa nýja starfs.

Lögð fram fundaáætlun stjórnar Akureyrarstofu fyrir haustið 2019.

Stjórn Akureyrarstofu samþykkir framlagða fundaáætlun.

Til umræðu starfs- og fjárhagsáætlun stjórnar Akureyrarstofu fyrir árið 2020.

Erindi dagsett 11. júní 2019 frá Þuríði H. Kristjánsdóttur framkvæmdastjóra MAk þar sem óskað er eftir kaupum á búnaði.

Stjórn Akureyrarstofu óskar eftir því að starfsmenn UMSA yfirfari listann í samráði við MAk og jafnframt verði gerð áætlun um endurnýjun stofnbúnaðar til lengri tíma.

Lagt fram til kynningar 7 mánaða rekstraryfirlit.

Farið yfir aðgerðaáætlun upplýsingastefnu.

Í ljósi þess að tímamörk allra verkefna hafa ekki staðist óskar stjórn Akureyrarstofu eftir því að vef- og samfélagsmiðlastefna verði tilbúin 31. desember 2019 og leiðbeiningar um samskipti við fjölmiðla 1. október 2019.

Fylgiskjöl

• Upplýsingastefna Akureyrarbæjar samþykkt í bæjarstjórn 22. janúar 2019.pdf

Lagt fram minnisblað sviðsstjóra samfélagssviðs vegna reksturs á kaffihúsum í stofnunum Akureyrarbæjar.

Stjórn Akureyrarstofu samþykkir að vísa minnisblaðinu til umræðu í bæjarráði.

Erindi dags. 5. júlí 2019 frá Hlyni Páli Pálssyni f.h. Íslenska dansflokksins, Listahátíðar í Reykjavík og Þjóðleikhússins þar sem óskað er eftir stuðningi við uppsetningu á dansverkinu Rómeó Júlía sem er samstarfsverkefni þessara aðila á Listahátíð í Reykjavík og á Akureyri á næsta ári.

Stjórn Akureyrarstofu felur deildarstjóra Akureyrarstofu að ræða við bréfritara.

Fylgiskjöl

• Erindi til bæjarstjórans á Akureyri - vegna Rómeó Júlía í Hofi 2020 (með undirskriftum).pdf

Fundargerðir AFE nr. 233, 234, 235, 236 og 237 lagðar fram til kynningar.