Bæjarráð - 3647

Rætt um vinnu við tillögu að sameiningu Eyþings og atvinnuþróunarfélaganna.

Katrín Sigurjónsdóttir stjórnarformaður Atvinnuþróunarfélags Eyjafjarðar mætti á fund bæjarráðs undir þessum lið og Elías Pétursson stjórnarformaður Atvinnuþróunarfélags Þingeyinga var með á fundinum í gegnum síma. Einnig mættu Guðrún Ragnarsdóttir og Helga Hlín Hákonardóttir ráðgjafar hjá Strategíu sem vinna að tillögu til sameiningar.

Bæjarráð þakkar gestunum fyrir komuna á fundinn.

Rætt um stöðu Akureyrarflugvallar og framtíðaráform.

Sveinbjörn Indriðason forstjóri ISAVIA mætti á fund bæjarráðs undir þessum lið.

Bæjarráð þakkar Sveinbirni fyrir komuna á fundinn.

Lögð fram tillaga L-lista um breytingu á skipan fulltrúa í frístundaráði:

Anna Hildur Guðmundsdóttir verði aðalfulltrúi og formaður í stað Hildar Bettyjar Kristjánsdóttur.

Bæjarráð hefur heimild til fullnaðarafgreiðslu mála í sumarleyfi bæjarstjórnar sbr. bókun í 10. lið fundargerðar bæjarstjórnar 18. júní sl.

Bæjarráð samþykkir tillöguna með 5 samhljóða atkvæðum.

Lögð fram tillaga L-lista um breytingar á skipan fulltrúa í stjórn Akureyrarstofu:

Anna Fanney Stefánsdóttir verði aðalfulltrúi í stað Önnu Hildar Guðmundsdóttur. Sigríður Ólafsdóttir verði varafulltrúi í stað Önnu Fanneyjar Stefánsdóttur.

Bæjarráð hefur heimild til fullnaðarafgreiðslu mála í sumarleyfi bæjarstjórnar sbr. bókun í 10. lið fundargerðar bæjarstjórnar 18. júní sl.

Bæjarráð samþykkir tillöguna með 5 samhljóða atkvæðum.

Lögð fram til kynningar fundargerð 128. fundar hverfisráðs Hríseyjar dagsett 16. júlí 2019.

Fundargerðina má finna á eftirfarandi netslóð: https://www.akureyri.is/is/stjornkerfi/stjornsysla/hverfisnefndir/hrisey/fundargerdir