Bæjarráð - 3556

Fulltrúar aðalstjórnar KA, Ingvar Már Gíslason varaformaður og Sævar Pétursson framkvæmdastjóri, mættu á fund bæjarráðs til að ræða slit félagsins á samstarfi um Akureyri handboltafélag.

Dan Jens Brynjarsson sviðsstjóri fjársýslusviðs og Ellert Örn Erlingsson deildarstjóri íþróttadeildar sátu fund bæjarráðs undir þessum lið.

Bæjarráð þakkar Ingvari og Sævari fyrir komuna.

Lagður fram viðauki 5.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagðan viðauka 5 og vísar honum til staðfestingar í bæjarstjórn.

Fylgiskjöl

• 2017 Viðauki 5 v1.pdf

Kynnt staða mála við uppgjör lífeyrisskuldbindinga vegna hjúkrunarheimila.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

5. liður í fundargerð umhverfis- og mannvirkjaráðs dagsett 12. maí 2017:

Lögð fram gjaldskrá fyrir endurmælingu bygginga og lóða fyrir árið 2017.

Umhverfis- og mannvirkjaráð samþykkir framlagða gjaldskrá og vísar henni til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagða gjaldskrá fyrir endurmælingu bygginga og lóða fyrir árið 2017 og vísar henni til staðfestingar í bæjarstjórn.

Fylgiskjöl

• Endurmæling gjaldskrá 2017.pdf

6. liður í fundargerð velferðarráðs dagsett 19. apríl 2017:

Lagður fram viðauki við húsaleigusamning Plastiðjunar Bjargs-Iðjulundar og Hölds ehf. Viðaukinn felur í sér breytingar á 2. og 3. gr. samningsins.

Karólína Gunnarsdóttir þjónustustjóri á fjölskyldusviði sat fundinn undir þessum lið.

Velferðarráð samþykkir viðaukann fyrir sitt leyti og vísar honum til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagðan viðauka.

Lögð fram til kynningar skýrsla frá stjórn Verkefnasjóðs Háskólans á Akureyri um störf sjóðsins árin 2015 og 2016.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Fylgiskjöl

• Skýrsla frá stjórn Verkefnasjóðs HA.pdf

12. liður í fundargerð umhverfis- og mannvirkjaráðs dagsett 12. maí 2017:

Lagt fram erindi dagsett 29. mars 2017 frá Sjálfbæru Íslandi vistsporamælinga- og viðburðasetri. Þar er Akureyrarbæ boðið að taka þátt í verkefni þeirra sem er að sýna heimildarmyndina "Maðurinn sem minnkaði Vistsporið sitt" fyrir starfsfólk Akureyrarbæjar og almenning. Heildarkostnaður Akureyrarbæjar við verkefnið er áætlaður á bilinu kr. 200-500.000.

Umhverfis- og mannvirkjaráð getur ekki orðið við erindinu þar sem ráðið hefur ekki fjármagn í styrkveitingar og vísar erindinu því til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð vísar erindinu til umfjöllunar hjá Vistorku ehf.

Fylgiskjöl

• Akureyri Syning Maðurinn bref 29 mars 2017.pdf
• Vistspor auglysing 140317.pdf

Lögð fram til kynningar mánaðarskýrsla um stöðugildi, yfirvinnu og fleira fyrir apríl og maí.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Lögð fram tillaga um hækkun á mótframlagi.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir að hækka mótframlag til Lífeyrisjóðs starfsmanna Akureyrarbæjar úr 6% í 8% með gildistíma frá 1. júní 2017.

Erindi dagsett 4. maí 2017 þar sem Geirlaug G. Björnsdóttir, f.h. stjórnar Starfsendurhæfingar Norðurlands, óskar eftir að Akureyrarbær tilnefni tvo fulltrúa í stjórnina, þar af annan sem varamann.

Tilnefningar þurfa að berast fyrir 19. maí nk.

Bæjarráð tilnefnir Guðrúnu Sigurðardóttur sviðsstjóra fjölskyldusviðs sem aðalmann í stjórn Starfsendurhæfingar Norðurlands og Jón Hróa Finnsson sviðsstjóra búsetusviðs sem varamann.

Fylgiskjöl

• Fulltrúi í stjórn SN.pdf

Erindi dagsett 25. apríl 2017 þar sem Árni Gunnarsson f.h. Flugfélags Íslands ehf, vekur athygli á að samgöngumöguleikum til og frá Akureyrarflugvelli er ábótavant þar sem ekki er boðið upp á tengingu við strætisvagna, og hvetur bæjarráð til að beita sér fyrir úrbótum á þessu.

Bæjarráð vísar erindinu til umhverfis- og mannvirkjaráðs.

Fylgiskjöl

• Flugfélag Íslands - stætisvagnasamgögnur við Akureyrarflugvöll

Erindi dagsett 2. maí 2017 frá Sveinbjörgu Sveinsdóttur framkvæmdastjóra f.h. stjórnar Landskerfis bókasafna hf þar sem boðað er til aðalfundar félagsins miðvikudaginn 24. maí nk. kl. 14:00 að Katrínartúni 2, 2. hæð, Reykjavík.

Bæjarráð felur Karli Guðmundssyni að fara með umboð Akureyrarbæjar á fundinum.

Erindi dagsett 12. maí 2017 frá Pétri Þór Jónassyni stjórnarformanni Greiðrar leiðar ehf þar sem hann boðar til aðalfundar Greiðrar leiðar ehf sem haldinn verður mánudaginn 29. maí nk. að Hafnarstræti 91, Akureyri, 4. hæð kl. 13:00.

Bæjarráð felur formanni bæjarráðs að fara með umboð Akureyrarbæjar á fundinum.

Lögð fram fundargerð viðtalstíma bæjarfulltrúa dagsett 11. maí 2017.

Bæjarráð vísar 2. lið til umhverfis- og mannvirkjasviðs, 1. liður er lagður fram til kynnningar í bæjarráði.