Umhverfisnefnd - 101

Áframhaldandi umræður um samgöngustefnu. Rúna Ásmundsdóttir umferðarverkfræðingur hjá verkfræðistofunni Mannviti mætti á fundinn.

Umhverfisnefnd samþykkir að skipaður verði starfshópur til að vinna að gerð samgöngustefnu fyrir Akureyri og óskar eftir að skipulagsnefnd tilnefni tvo fulltrúa, framkvæmdaráð tvo og frá umhverfisnefnd komi tveir fulltrúar, ásamt starfsmönnum. Einnig verði leitað til helstu hagsmunaaðila. Gert er ráð fyrir að verkfræðistofan Mannvit haldi utan um verkefnið.

Áframhaldandi umræður um þá vinnu sem framundan er á gámasvæðinu við Réttarhvamm.

Umhverfisnefnd felur starfsmönnum áframhaldandi vinnu.

Á fundi bæjarstjórnar 16. desember 2014 var óskað eftir að nokkur atriði í skilmálatexta fólkvangsins yrðu skýrðir. Umhverfisnefnd hefur yfirfarið umræddan texta og gert tillögur að breytingum sem skýra þau atriði nánar.

Umhverfisnefnd samþykkir yfirfarinn texta með þeim breytingum sem samþykktar voru á fundinum og varðar loftför.

Í stað setningarinnar "Umferð hesta er heimiluð á stígum og stikuðum leiðum." komi

"Ferðir á hestum um fólkvanginn eru aðeins leyfðar á stikuðum leiðum sem eru sérstaklega merktar sem göngu- og reiðleiðir."

Í stað setningarinnar "Umferð loftfara sem valda hávaða og truflun (t.d. þyrluflug) í fólkvanginum fyrir gesti og dýralíf er óheimil nema um sé að ræða hefðbundið aðflug að og brottflug frá flugvelli. " komi

"Umferð loftfara sem truflað gæti gesti og dýralíf er óheimil án sérstaks leyfis (t.d. þyrluflug). Undanskilið er hefðbundið aðflug og brottflug til og frá flugvelli, ásamt leitar- og björgunarflugi."

Umhverfisnefnd vísar málinu til skipulagsnefndar.

Samþykkt um umhverfisnefnd tekin til umræðu.

Umhverfisnefnd samþykkir samþykktina fyrir sitt leyti.